Chɔɔn 15:4 - Ku̍o̍ Delee 1999

⁴ Mɔ̀ nɛ dě ǐn ja̍a̍, nɛ̀ ǎn mu̍ dě mɔ̀ ja̍a̍ nɛ. Ka pò bu̍hᵻ se̍ tu̍ i̍ tbaɛ, nɛ̀ i̍h se̍-a tlo-ɛ bɛ̌ɛ-ɛ, kǎ ɛ̍ nu̍ nɛ-ɛ ke, pò mɔ̀ se̍ dě ǐn ja̍a̍ nɛ-ɛ, nɛ̀ mɔ̀ se̍ tlo-ɛ bɛ̌ɛ mu̍.

Chɔɔn 15:4 Iomraidhean Croise

Matio 12:33

Jusu la̍a̍, “Pò ìn blě tu̍ chɛ̀-ɛ, nɛ̀ àn mu̍ tu̍-a buǒ chɛ̀ blě. Pò ìn blě tu̍ sɔ̀n-ɛ, nɛ̀ àn mu̍ tu̍-a buǒ sɔ̀n blě. Dɛ̍nu̍ɛ, tu̍-a buǒ bo nyɔ̍-a juo-e ɛ̍ i̍.

Pɔ̀n Chɛ̀ Luu To-a La 8:15

Jih gbǎ-a dǒ gbablu̍h i̍-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ wlùh ɛ̀ nmɔ-a jii̍ chɛ̀ɛ̌chɛ̀-ɛ we̍-ɛ. Wɛ̀ u̍h se̍ se̍a̍, iě u̍h tlo.

Chɔɔn 14:20

Dǒ weɛ̍ laa̍ di̍i̍ dǒ mɔ̀-a mu̍ ɛ̍ i̍ juo-e ka ǐn nɛ-a ǐn Baa, wɛ̀ mɔ̀ nɛ-a m, iě ǐn nɛ-a mɔ̀ɔ̍-ɛ.

Chɔɔn 17:23

Ǐn nɛ u̍h-u iě ìn nɛ m, wɛ̀ u̍h-a due nɛ-ɛ iě gblɛ̍ja̍i̍ wɛ̀. Wɛ̀ kmɔ̌ iě ɛ̍ juo ka ìn dbo̍-a m, iě ìn jbɛɛ-a u̍h-u ka ìn nu̍-a ǐn jbɛɛ-ɛ.

Chɔɔn 6:56

Nyɔ̍ jɔ di̍-a ǎn ku̍, iě ɔ̍ nǎ-a ǎn nymɔ̍-ɛ, nɛ̀ ɔ̍ nɛ dě ǐn ja̍a̍, iě ǐn nɛ dě ɔ̍ ja̍a̍.

Chɔɔn 8:31

Wɛ̀ Jusu la̍a̍ dě nyɔ̍ juh gbaɛ-a ɔ̍ wlùh-ɛ we̍, “Pò mɔ̀ gbɛ̍n ǎn nǎ po̍ wlu̍ la i̍-ɛ, nɛ̀ mɔ̀ɔ̍ ǎn kòà-a gblangbai̍.

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

2 Kɔwlɛntiɔn 13:5

Mɔ̀ chlɛ̌ mɔ̀-a chɛ̀ i̍ pò mɔ̀ blě wlùh gbaɛ chɛ̀ɛ̌chɛ̀-ɛ. Mɔ̀ tɛ̀n mɔ̀-a chɛ̀-ɛ. Mɔ̀ se̍ i̍h juo ka Jusu Klai nɛ-a dě mɔ̀ ja̍a̍-ɛ ae? Pò mɔ̀ pɔ̀ dě mɔ̀-a tɛ̀n-ɛ di̍i̍-ɛ, ɛ̍ kɔn tɛ̀ ǐn sà-o.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Ɛfɛsɔ 3:17

Wɛ̀ Klai iě dě mɔ̀ wlùh di̍i̍ tǐn dǒ mɔ̀-a wlùh gbaɛ blě-ɛ we̍. Ǎn ba̍le Nyɔsoa wɛ̀ jbɛɛ iě mɔ̀-a blǔh nu̍ mɔ̀ iě ɛ̍ sɛ̌n kɛ̍n poe, wɛ̀ mɔ̀ iě i̍ ku̍.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

Kalase 2:6

Ka mɔ̀ wɔ̌n-a wɛ̀ Jusu Klai iě-a mɔ̀-a Joi nu̍-ɛ, nɛ̀ mɔ̀ nɛ kmɔ̌ dě ɔ̍ ja̍a̍.

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

Iblu 10:39

À se̍ nyɔ̍ juh chlì-a de̍ wɛ̀ u̍h gbɔ̀lɔ-aɛ, jɛ àɔ̀ wlùh gbaɛ blě nyɔ̍ ùh pǔh-aɛ.

1 Chɔɔn 2:6

Nyɔ̍ ɔ̀ la̍ ɔ̀ nɛ-a dě Nyɔsoa ja̍a̍-ɛ, nɛ̀ ɔ̍ kɔn ɔ̍ iě Jusu Klai-a dɛ̍ na.

2 Chɔɔn 1:9

Nyɔ̍ jɔ se̍-a dǒ Klai-a nǎ po̍ wlu̍ de̍e̍ wɔ̀ wɛ̀ ɔ̍ tàn-ɛa ɛ̍ kɛ̍n-ɛ, nɛ̀ ɔ̍ tba̍ Nyɔsoa chla. Jɛ nyɔ̍ ɔ̀ nɛ-a dǒ ɔ̍ nǎ po̍-ɛ de̍e̍-ɛ, nɛ̀ Baa Nyɔsoa ke ɔ̍ Jǔ-a tìh bo ɔ̍ wɔ̌ɛn-ɛ.