Chɔɔn 15:2 - Ku̍o̍ Delee 1999

² Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Chɔɔn 15:2 Iomraidhean Croise

Matio 13:12

Dɛ̍nu̍ɛ, nyɔ̍ ɔ̀ blě-a dɛ̍-ɛ, nɛ̀ ɔ̍ mu̍ dɛ̍ dɔu nyǐ-ɛ, wɛ̀ ɔ̍ iě tlùgbei̍ blě. Jɛ nyɔ̍ ɔ̀ se̍-a dɛ̍ blě-ɛ, nɛ̀ dɛ̍ juwɛ-a chɛ̀ ɔ̍ blě-a de-ɛ, ɛ̍ mu̍ ɔ̍ kwa̍a̍ sà-ɛ.

Matio 13:33

Jusu po̍ nɛnǎ dɛɛ dɛ dě u̍h we̍, ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ wɔ̀ blèe̍ fù-i dɛ̍ᵻ ìh nynɔ̌ due dǔ-a iě ɔ̍ po̍-a i̍h blèe̍ pèbèè dɔu we̍-ɛ. Wɛ̀ ɔ̍ sìàɛ̍n i̍h-i, iě i̍h fù-i blèe̍ gbo̍-a chɛ̀.”

Matio 15:13

Wɛ̀ Jusu la̍a̍, “Ǐn Baa nɛ-a dě ja̍i̍wlɔ̀-ɛ, dɛ̍ jɛ ɔ̍ chɛ̀ se̍-a tù-ɛ, ɛ̍ mu̍ wlù tlǔn i̍-ɛ.

Matio 21:19

Dǒ ɔ̍ jě-e fei-tu̍, wɛ̀ ɔ̍ mu̍ dě ɛ̍ we̍. Jɛ ɔ̍ se̍ ɛ̍ buǒ ja̍ jɛɛ, wlɔ̍nᵻá sǔh bo ìh nɛ dě ɛ̍ ja̍. Wɛ̀ ɔ̍ la̍a̍ dě ɛ̍ we̍, “Ìn se̍ gba̍ buǒ po̍ dɛ-o.” Tu̍ laa̍ dǒ ɛ̍ nyna iě ɛ̍ klǎn.

Matio 25:29

Dɛ̍nu̍ɛ, nyɔ̍ kli̍hgbɛ̍ ùh blě-a dɛ̍-ɛ, nɛ̀ u̍h-a mu̍ dɛ̍ dɔu nyǐ-ɛ, wɛ̀ u̍h iě tlùgbei̍ blě. Jɛ nyɔ̍ ɔ̀ se̍-a dɛ̍ blě-ɛ, nɛ̀ dɛ̍ juwɛ-a chɛ̀ ɔ̍ blě-a de-ɛ, ɛ̍ mu̍ ɔ̍ kwa̍a̍ sà-ɛ.

Matio 3:10

tòɛ̀-a chɛ̀ jě ti̍ wɛ̀ kaka ɛ̍ iě tu̍ᵻ bloɔ̍ gblǔn i̍. Ɛ̍ tìh-ɛ, tu̍ jɛ se̍-a buǒᵻ chɛ̀ po̍-ɛ, nɛ̀ ɛ̍ mu̍ dba̍-ɛ, wɛ̀ u̍h iě ɛ̍ jlǐh po̍.

Matio 3:12

Ɔ̍ blě dɛ̍ i̍ bla̍ tu̍ kwa̍ wɛ̀ ɔ̍ iě dɛ̍ i̍ bla̍, nɛ̀ ɔ̍ mu̍ ɔ̍ kwǐ kɛnɛ̌-a chɛ̀ dě slǎ po̍. Jɛ ɔ̍ mu̍ i̍h-a fli̍h dě nɛ̍ ɛ̀ se̍-a mɔ̌ la̍ kɔn-ɛ di̍i̍ po̍.”

Matio 7:19

Ɛ̍ tìh-ɛ, tu̍ jɛ se̍-a buǒᵻ chɛ̀ po̍-ɛ, nɛ̀ ɛ̍ mu̍ dba̍-ɛ, wɛ̀ u̍h iě ɛ̍ jlǐh po̍.

Pɔ̀n Chɛ̀ Maɛ To-a La 4:20

Jɛ duuh wɔ̀ jɔ̌ ìh gbǎ-a dǒ gbablu̍h i̍-ɛ, u̍h wɔ̌n wlu̍ la, wɛ̀ u̍h gbɛ̍n ɛ̍ i̍, iě u̍h tlo. U̍h-a duuh blě jɔ̌-a kwela ta̍a̍n, duuh blě kwela mɛ̀o̍, wɛ̀ duuh blě kmɛ.”

Pɔ̀n Chɛ̀ Luu To-a La 8:13

Jih gbǎ-a dǒ sɔɔ̌ paɔ kɛ̍n-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ mɔna̍ we̍-ɛ. Jɛ ɛ̍ se̍ sɛ̌n po̍ dě u̍h ku̍sɔ̀n. Ɛ̍ kɔn u̍h blě wlùh gbaɛ dǒ ti̍ gbɔ̀ di̍i̍. Jɛ nyɔ̍ i̍ tɛ̀n-ɛ ji̍-aɛ, iě u̍h ple̍.

Chɔɔn 15:1

“Mɔ̍ bo ɔ̀ nu̍ tlo-dɛ̍ᵻá tu̍ chɛ̀ɛ̌chɛ̀, wɛ̀ ǐn Baa nu̍ ɛ̍ gbàɛ̍gbà de̍e̍ i̍ sìì nyɔ̍.

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Chɔɔn 15:3

Wlu̍ la ǐn bla̍-a dě mɔ̀ we̍-ɛ, ɛ̍ wɔ̀ mɔ̀ flɛ̀n wɛ̀ se̍e̍.

Chɔɔn 15:6

Nyɔ̍-o-nyɔ̍ ɔ̀ se̍-a dě ǐn ja̍a̍ nɛ-ɛ, nɛ̀ ɔ̍ mu̍ de̍ po̍-eɛ ɔ̍ iě klǎn ka tu̍ bu̍hᵻɛ́. Nɛ̀ u̍h-a dǔ i̍h-i, iě u̍h-a tù i̍h jlǐh, wɛ̀ i̍h-a si̍n.

Chɔɔn 15:8

Mɔ̀-a buǒᵻ dɔu tlo-ɛ bo ɛ̀ bɛ̌-ɛ ǐn Baa-a nynɛ̌ i̍. Ɛ̍ bo ɛ̀ flɔn-ɛ ɛ̍ we̍i̍ ka mɔ̀ nu̍-a ǎn kòà-ɛ.

Chɔɔn 17:12

Ti̍ ǐn nɛ-a da̍a u̍h we̍-ɛ, ǐn kaɛn u̍h kɛ̍n dě àn nynɛ̌-a gbǐh blě-ɛ ìn nyǐ-a m-ɛ di̍i̍. Wɛ̀ ǐn gbɛ̀n dǒ u̍h we̍ i̍, iě u̍h-a nyɔ̍ se̍-e gbɔ̀lɔ. Jɛ jɔ mu̍-a gbɔ̀lɔ se̍e̍ wɛ̀ ɛ̍ iě-a àn wlu̍ kɛ̀ǐn po̍-ɛ, ɔ̍ kɔn tɛ̀ ǐn sà-o.

Wloma 11:17

Ɔle-tu̍ u̍h tù-a dě klè-ɛ, pò ɛ̍ chɛ̍n bu̍hᵻ ja̍-ɛ, nɛ̀ u̍h poe i̍h wɔ̀ɔ̀ dǒ kwlǎ ɔle-a bu̍hᵻ we̍. Nɛ̀ kwlǎ ɔle bu̍h-a mu̍ buǒᵻ chɛ̀ po̍-ɛ bɛ̌ɛ, dɛ̍nu̍ɛ, ɛ̍ ke ɔle-tu̍ chɛ̀ tùi i̍ wɛ̀. Kǎ ɛ̍ nu̍ mɔ̀ɔ̍ ùh se̍-a Juu nyɔ̍-ɛ dɛ̍kɛ̍n po̍-ɛ ke dě Juu nyɔ̍ ja̍a̍.

Wloma 11:22

Mɔ̀-a jě ka Nyɔsoa nu̍-a gblɛ̍n-ɛ nmɔ-ɛ wɛ̀ ɔ̍ kma-a wɔ̍n ke-ɛ. Ɔ̍ kma wɔ̍n dǒ nyɔ̍ ùh-a nu̍-a gblɛ̍n sɔ̀ɛ̀n-ɛ we̍. Jɛ mɔ̀ɔ̍ nɔ̀ɔ̍, ɔ̍ nmɔ-ɛ mɔ̀ gblɛ̍n kɛ̍n i̍, pò mɔ̀ ja ɔ̍ wlì tè-ɛ dluwe̍ i̍ gba̍-ɛ. Jɛ pò ɛ̍ se̍ la̍a̍n nɛ-ɛ, nɛ̀ mɔ̀-a mu̍-o chɛn ke o.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

1 Kɔwlɛntiɔn 13:1

Pò Nyɔsoa-a jɛ nyǐ ǐn gbǐh iě wlu̍ kli̍hgbɛ̍ nɛ-a nɔ̌ bloɔ̍-ɛ ke jih nɛ-a dě ja̍i̍wlɔ̀-ɛ po̍-ɛ, jɛ pò ǐn se̍ nyɔ̍ɔ jbɛɛ-ɛ, nɛ̀ ɛ̍ wɔ̀ pani̍ gbàù ke gbekleɛ̍-a slɛ̀ po̍-ɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 12:15

Nɛ̀ mɔ̀ jě ɛ̍ we̍ wɛ̀ mɔ̀-a nyɔ̍-ɔ je̍e dǒ Nyɔsoa-a blɛ nɛ-ɛ de̍e̍ blu̍. Mɔ̀ jě ɛ̍ we̍ ke mɔ̀-a nyɔ̍-ɔ je̍e ku̍ dě mɔ̀ nynɛ̌ ka wɔ̍n nyni tu̍-ɛ. Nɛ̀ ɔ̍ mu̍ wě wlɔ̀ ja ɛ̍ iě nyɔ̍ dɔu jii̍ nyni-i.

1 Chɔɔn 2:19

Nyɔ̍ laa̍ u̍h se̍ nɔ̌ àɔ̀ we̍ kɔn, ɛ̍ kɔn u̍h tǎli àɔ̀ i̍. Pò u̍h kɔn nɔ̌ àɔ̀ we̍ de-ɛ, nɛ̀ u̍h-a mu̍ nɔ̌ àɔ̀ we̍ nɛ de. Jɛ u̍h-a mu̍-ɛ bo ɛ̀ flɔn-ɛ ɛ̍ we̍i̍ ka u̍h se̍-a nɔ̌ àɔ̀ we̍ kɔn-ɛ.

Wlɛfeleseɔn 3:19

Nyɔ̍ ǐn jbɛɛ-aɛ u̍h bo ǎn gbɛ̍n kàn iě ǎn sà gblɛ̍n kwa̍ i̍. Ɛ̍ tìh-ɛ, mɔ̀-a wlùh nu̍ jàjà mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe.