Chɔɔn 15:1 - Ku̍o̍ Delee 1999

¹ “Mɔ̍ bo ɔ̀ nu̍ tlo-dɛ̍ᵻá tu̍ chɛ̀ɛ̌chɛ̀, wɛ̀ ǐn Baa nu̍ ɛ̍ gbàɛ̍gbà de̍e̍ i̍ sìì nyɔ̍.

Chɔɔn 15:1 Iomraidhean Croise

Matio 15:13

Wɛ̀ Jusu la̍a̍, “Ǐn Baa nɛ-a dě ja̍i̍wlɔ̀-ɛ, dɛ̍ jɛ ɔ̍ chɛ̀ se̍-a tù-ɛ, ɛ̍ mu̍ wlù tlǔn i̍-ɛ.

Matio 20:1

Jusu la̍a̍, “Nyɔsoa-a kmɔ̌ wlu̍ i̍ kɔn-ɛ ke nɛnǎ la wɔ̀ɛ. Jɔ̍gbau due bo ɔ̀ tlùìn ɔ̀ sɔ bloɔ̍ klàɛ̍we̍. Wɛ̀ ɔ̍ sǐ sɔ̀n ɔ̍ iě nyɔ̍-ɔ dǔ u̍h iě dě ɔ̍ blǐ klè dbo̍ nui.

Matio 21:33

Jusu la̍a̍, “Mɔ̀ po̍ nɔ̌ nɛnǎ dɛɛ we̍ dounᵻ. Jɔ̍gbau due bo ɔ̀ blě blǔh, dǒ ɔ̍ nui tlo-dɛ̍ᵻá klè ɔ̍ iě nmɔ̍ nu̍. Wɛ̀ ɔ̍ sìì ɛ̍ gbàɛ̍gbà de̍e̍ i̍, iě ɔ̍ blǔ biě dǒ sɔɔ̌ kɛ̍n nmɔ̍ iě-e i̍ tè. Wɛ̀ ɔ̍ nu̍ gbàsla dǒ klè jlǐhɛ̍ tù-ɛ we̍. Ɔ̍ wɔ̌an dihwa̍a̍ mu̍ tìh-ɛ, wɛ̀ ɔ̍ si̍e̍ klè laa̍ dě klè i̍ gbɛ̍n nyɔ̍ kwa̍a̍.

Pɔ̀n Chɛ̀ Maɛ To-a La 12:1

Wɛ̀ Jusu wlu dě u̍h we̍ dě nɛnǎᵻ di̍i̍. Ɔ̍ la̍a̍, “Jɔ̍gbau due bo ɔ̀ nu̍ tlo-dɛ̍ᵻá klè ɔ̍ iě nmɔ̍ nu̍. Wɛ̀ ɔ̍ sìì ɛ̍ gbàɛ̍gbà de̍e̍ i̍, iě ɔ̍ blǔ biě dǒ sɔɔ̌ kɛ̍n nmɔ̍ iě-e i̍ tè. Wɛ̀ ɔ̍ nu̍ gbàsla dǒ klè jlǐhɛ̍ tù-ɛ we̍. Ɔ̍ wɔ̌an dihwa̍a̍ mu̍ tìh-ɛ, wɛ̀ ɔ̍ si̍e̍ klè laa̍ dě klè i̍ gbɛ̍n nyɔ̍ kwa̍a̍.

Pɔ̀n Chɛ̀ Luu To-a La 13:6

Wɛ̀ Jusu po̍ nɛnǎ la, ɔ̍ la̍a̍, “Jɔ̍gbau due bo ɔ̀ tù fei-tu̍ dě ɔ̍ tlo-tu̍ᵻá klè di̍i̍. Wɛ̀ ɔ̍ mu̍ ɛ̍ ja̍ i̍ gbèɛ̀ɛ̍n la̍ pò ɛ̍ tlo-e kɔ̌ɔ. Jɛ ɔ̍ se̍ ɛ̍ buǒ ja̍ jě.

Chɔɔn 1:17

Nyɔsoa-a telě jii dě Mose ja̍a̍, jɛ ɔ̍ blɛ ke tìh-a taǐn kli̍hgbɛ̍ ìh kɔ̍-a dǒ ɔ̍ pùn i̍-ɛ, i̍h jii dě Jusu Klai ja̍a̍ iě à jě i̍h.

Chɔɔn 1:9

Tìh-a taǐn sɔ̀npli ɛ̀ fa̍n-a dǒ nyɔ̍ kli̍hgbɛ̍ we̍-ɛ, ɛ̍-ɛ bo ɛ̀ ji̍ la̍ nɔ̌ kmɔ̌ we̍.

Chɔɔn 15:2

Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Chɔɔn 6:32

Iě Jusu la̍a̍ dě u̍h we̍, “Bɔ̌ ǐn sèàɛ̍ mɔ̀ tìh-a taǐn wlùh, Mose se̍ mɔ̀ blèe̍ ìh sɔ-a dě ja̍i̍wlɔ̀-ɛ nyǐ. Ǐn Baa bo ɔ̀ nyǐ la̍ mɔ̀ blèe̍-a gblangbai̍ ìh sɔ-a dě ja̍i̍wlɔ̀-ɛ.

Chɔɔn 6:55

Dɛ̍nu̍ɛ, ǎn ku̍ bo ɛ̀ nu̍ di̍-dɛ̍ chɛ̀ɛ̌chɛ̀, iě ǎn nymɔ̍ nu̍ nǎ-dɛ̍ chɛ̀ɛ̌chɛ̀.

Wloma 11:17

Ɔle-tu̍ u̍h tù-a dě klè-ɛ, pò ɛ̍ chɛ̍n bu̍hᵻ ja̍-ɛ, nɛ̀ u̍h poe i̍h wɔ̀ɔ̀ dǒ kwlǎ ɔle-a bu̍hᵻ we̍. Nɛ̀ kwlǎ ɔle bu̍h-a mu̍ buǒᵻ chɛ̀ po̍-ɛ bɛ̌ɛ, dɛ̍nu̍ɛ, ɛ̍ ke ɔle-tu̍ chɛ̀ tùi i̍ wɛ̀. Kǎ ɛ̍ nu̍ mɔ̀ɔ̍ ùh se̍-a Juu nyɔ̍-ɛ dɛ̍kɛ̍n po̍-ɛ ke dě Juu nyɔ̍ ja̍a̍.

1 Kɔwlɛntiɔn 3:9

Àɔ̀ Nyɔsoa-a pàn, iě mɔ̀ nu̍ Nyɔsoa-a klè. Iě mɔ̀ nu̍ ɔ̍ gbò dɛ ke.

1 Chɔɔn 2:8

Jɛ telě delee bo ǎn chlǐh la̍ mɔ̀ we̍ ɛ̀ mɔ̀ ke Klai to-a ka ɛ̍ nu̍-a gblangbai̍-ɛ. Dɛ̍nu̍ɛ, kwile-a sì la̍-ɛ, iě sɔ̀npli-a gblangbai̍-a fa̍n la̍.