Chɔɔn 14:3 - Ku̍o̍ Delee 1999

³ Nɛ̀ pò ǐn mu̍ wɛ̀ iě tà gba̍a̍ po̍ dǒ mɔ̀ we̍-ɛ, nɛ̀ ǎn mu̍ de̍ ji̍ dɛ, wɛ̀ iě mɔ̀ dě ǐn we̍ gba̍. Wɛ̀ tà ǐn nɛ-aɛ, mɔ̀ iě-o nɛ ke.

Chɔɔn 14:3 Iomraidhean Croise

Chɔɔn 12:26

Nyɔ̍-o-nyɔ̍ ɔ̀ pɔ̀n-a ǐn jǔ dbee-ɛ i̍-ɛ, nɛ̀ ɔ̍ kɔn ɔ̍ iě dǒ ǐn de̍e̍ gbǎ. Wɛ̀ tà ǐn nɛ-aɛ, ǎn pòi̍ju iě-o nɛ ke. Nyɔ̍ ɔ̀ mu̍-a ǐn jǔ dbee-ɛ, ǐn Baa-a mu̍ ɔ̍ ja̍ tè.

Chɔɔn 14:28

Dɛ̍ ǐn sà-a dě mɔ̀ we̍-ɛ, mɔ̀ wɔ̌n ǎn wlu̍, na̍a̍, ‘Ǎn mu̍-i, wɛ̀ iě mɔ̀ we̍ ji̍ dode̍.’ Pò mɔ̀ jbɛɛ m chɛ̀ɛ̌chɛ̀-ɛ, nɛ̀ mɔ̀-a mu̍ mɔna̍-a gbǎ ka ǎn mu̍-a dě Baa we̍-ɛ. Dɛ̍nu̍ɛ, ɔ̍ ku̍ wɔ̍n ɔ̍ sìì m.

Chɔɔn 14:4

Tà ǎn mu̍-aɛ, wìè mu̍-a deě-ɛ, mɔ̀ juo ɛ̍-ɛ.”

Chɔɔn 17:24

“Baa, nyɔ̍ ìn nyǐ-a m-ɛ, ǎn pɔ̀n tà ǐn nɛ-aɛ, u̍h iě-o nɛ ke. Wɛ̀ u̍h iě ǎn tìh-a i̍ bɛ̌-ɛ ìn nyǐ-a m-ɛ jě. Ìn nyǐ ɛ̍ m, dɛ̍nu̍ɛ, ìn jbɛɛ m wɛ̀ kmɔ̌ la ɛ̍ dǔ nui-ɛɛ.

Nu̍-dɛ̍ᵻ 1:11

Iě u̍h la̍a̍, “Kaladii nynuu̍, dɛ̍ kɔn da̍a mɔ̀ nyna i̍ iě mɔ̀-a gbɛ̀n dě ja̍u̍n we̍ ɛ? Jusu la ɔ̀ sà-ɛa da̍a mɔ̀ we̍ ɔ̀ gba̍-ɛa ja̍i̍wlɔ̀-ɛ, ka mɔ̀ nu̍-a ɔ̍ ja̍i̍wlɔ̀ mu̍ la̍ jě-ɛɛ, kǎ ɔ̍ mu̍ de̍ ji̍-ɛ nu̍.”

Wloma 8:17

Ka à nu̍-a Nyɔsoa-a nynuu̍-ɛ, nɛ̀ à nu̍ dǒ Nyɔsoa-a gbaa kɛ̍n sie nynuu̍. À ke Klai nu̍ gbaa kɛ̍n sie nynuu̍ pò à sàɛ̀ jua̍i̍ ka ɔ̍ nu̍-a jua̍i̍ sàɛ̀-ɛ, wɛ̀ à nynɛ̌ iě i̍ bɛ̌ ka ɔ̍ nynɛ̌ nu̍-a i̍ bɛ̌-ɛ.

Felepai 1:23

Ɛ̍ tù ǐn dǒ tu̍ᵻ nynɛ̌. Ǎn pɔ̀n iě da̍a kmɔ̌ la we̍ sɔ iě Klai we̍ mu̍, ɛ̍ bo ɛ̀ nmɔ jii̍-a chɛ̀ kleǐn.

2 Tɛsoloniɔn 1:12

Wɛ̀ à Joi Jusu-a nynɛ̌ iě i̍ bɛ̌ dě mɔ̀ ja̍a̍, iě mɔ̀ naɛ iě i̍ bɛ̌ ke dě à Nyɔsoa ke Joi Jusu Klai-a blɛ nɛ-ɛ di̍i̍.

2 Timote 2:12

Pò à ku̍-e klì i̍ ma̍u̍-ɛ, nɛ̀ ɔ̍ ke à mu̍ kmɔ̌ wlu̍ i̍ kɔn. Pò à sà ɔ̍ dɛ kwa̍ i̍-ɛ, nɛ̀ ɔ̍ mu̍ à dɛ kwa̍ i̍ sà ke.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.