Chɔɔn 14:2 - Ku̍o̍ Delee 1999

² Gbòᵻ nynuu̍ dɔu nɛ dě ǐn Baa blǐ gbò. Nɛ̀ ǎn mu̍-i wɛ̀ iě tà gba̍a̍ po̍ dǒ mɔ̀ we̍. Pò ɛ̍ se̍ la̍a̍n nɛ-ɛ, nɛ̀ ǐn se̍ mɔ̀ wlùh sèàɛ̍ mu̍ de.

Chɔɔn 14:2 Iomraidhean Croise

Pɔ̀n Chɛ̀ Luu To-a La 14:22

Pòi̍ju ji̍-a de̍-ɛ, wɛ̀ ɔ̍ la̍a̍, ‘Nyɔ̍ klaa, dɛ̍ ìn sèàɛ̍ ǐn wlùh-ɛ, ǐn wɔ̀ ɛ̍ nu̍-ɛ wɛ̀. Jɛ tèla̍ sie i̍ ke̍.’

Chɔɔn 13:33

Ǎn jbɛɛ nyɔ̍, ti̍ ǎn mu̍-a da̍a mɔ̀ we̍ nu̍-ɛ, ɛ̍ se̍ dlǔ tɛn dɛ. Nɛ̀ mɔ̀-a mu̍ ǐn i̍ pɔ̀n, jɛ dɛ̍ due ǐn sèàɛ̍-a Juu nyɔ̍-a nyɔ̍ klaaᵻ wlùh-ɛ, ɛ̍ bo ǎn ji̍ la̍ mɔ̀ wlùh sèàɛ̍ la̍ ke. Na̍a̍, ‘Tà ǎn mu̍-aɛ, mɔ̀ se̍-e mu̍-ɛ bɛ̌ɛ mu̍.’

Chɔɔn 13:36

Wɛ̀ Samo Pitɛ la̍a̍ dě ɔ̍ we̍, “Joi, tà àn mu̍ ɛ?” Jusu la̍a̍, “Tà ǎn mu̍-aɛ, ìn se̍ dǒ ǐn de̍e̍ gbǎ-a bɛ̌ɛ kaka. Jɛ àn mu̍ dǒ ǐn de̍e̍ gbǎ dě nya̍.”

Chɔɔn 14:28

Dɛ̍ ǐn sà-a dě mɔ̀ we̍-ɛ, mɔ̀ wɔ̌n ǎn wlu̍, na̍a̍, ‘Ǎn mu̍-i, wɛ̀ iě mɔ̀ we̍ ji̍ dode̍.’ Pò mɔ̀ jbɛɛ m chɛ̀ɛ̌chɛ̀-ɛ, nɛ̀ mɔ̀-a mu̍ mɔna̍-a gbǎ ka ǎn mu̍-a dě Baa we̍-ɛ. Dɛ̍nu̍ɛ, ɔ̍ ku̍ wɔ̍n ɔ̍ sìì m.

Chɔɔn 16:4

Ǎn sèàɛ̍ mɔ̀ ìh la wlùh duedɛ, wɛ̀ pò i̍h-a ti̍ nyni̍-ɛ, wɛ̀ i̍h iě dǒ mɔ̀ wlì i̍ sǐ ka ǐn sà-a i̍h-i dě mɔ̀ we̍-ɛ. “Ǐn se̍ mɔ̀ ìh la wlùh sèàɛ̍ dě bloɔ̍ i̍ sà, dɛ̍nu̍ɛ, nɛ̀ mɔ̀ ke ǐn ke à na.

Chɔɔn 17:24

“Baa, nyɔ̍ ìn nyǐ-a m-ɛ, ǎn pɔ̀n tà ǐn nɛ-aɛ, u̍h iě-o nɛ ke. Wɛ̀ u̍h iě ǎn tìh-a i̍ bɛ̌-ɛ ìn nyǐ-a m-ɛ jě. Ìn nyǐ ɛ̍ m, dɛ̍nu̍ɛ, ìn jbɛɛ m wɛ̀ kmɔ̌ la ɛ̍ dǔ nui-ɛɛ.

Nu̍-dɛ̍ᵻ 9:16

Nɛ̀ ǎn mu̍ ɛ̍ ɔ̍ i̍ to ka ɔ̍ mu̍-a jua̍i̍ sàɛ̀-ɛ nu̍ dɛ̍blɔ dǒ ǎn nynɛ̌-a tìh we̍-ɛ.”

2 Kɔwlɛntiɔn 5:1

À juo ka pò à nyi̍ɔ̍ku la ɛ̀ wɔ̀-a wɛ̀ɛ̀ sɔ̍n wlù à tǐn-ae di̍i̍-ɛ, pò ɛ̍ gbɔ̀lɔ-ɛ, Nyɔsoa-a mu̍ gbò blě dě ja̍i̍wlɔ̀ à iě dě ɛ̍ di̍i̍ tǐn. Gbò ɔ̍ chɛ̀ po̍-a ɛ̀ se̍-a gbɔ̀lɔ mu̍ nɔ̌ kmɔ̌-a kmɔ̌-ɛ bo.

1 Tɛsoloniɔn 5:9

Dɛ̍nu̍ɛ, Nyɔsoa se̍ à chèɛ̀ tba̍ ɔ̍ iě à jlu̍h-u gbǎ-ɛ, jɛ ɔ̍ iě à pǔh-i dě à Joi Jusu Klai ja̍a̍ dɛbo.

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

Iblu 11:10

Nɛ̀ Eblaɛɛn-a fuo ti̍ ɔ̍ iě dǒ tùgbàwlɔ̀ ɛ̀ Nyɔsoa po̍-a ɛ̀ se̍-a wlǎ la̍ kɔn-ɛ di̍i̍ mu̍.

Iblu 13:14

Dɛ̍nu̍ɛ, nɔ̌ bloɔ̍ la à se̍ tùgbàwlɔ̀ ɛ̀ se̍-a wa̍ la̍ kɔn-ɛ blě, jɛ tùgbàwlɔ̀ jɛ mu̍-a ji̍-ɛ, ɛ̍ bo à pɔ̀n à iě kɔn.

Iblu 6:20

Jusu mu̍ à jǔ iě ɔ̍ pa̍ dě gbòju laa̍ di̍i̍ dǒ à tàà. Wɛ̀ ɔ̍ nu̍ ka slaǎ sà nyɔ̍-a dlǔtu nɔ̌ kmɔ̌-a kmɔ̌, ka slaǎ sà nyɔ̍ Mɛokeslɛ-ɛ.

Iblu 9:8

Slaǎ sà nyɔ̍-a dlǔtu nɛ due bo ɔ̀ pa̍ dě jliɛ̍ laa̍ de̍e̍. Ɛ̍ bo Nyɔsoa-a Sùù flɔn-ɛ we̍i̍ ka ti̍ wɛ̀ɛ̀ sɔ̍n wlù ɛ̀ poe-aɛ, ɛ̍ nyna-a i̍-ɛ, nɛ̀ wìè jɛ pa̍-ɛa dě Nɛi̍ Wɛ̀ Tà Klaa-ɛ, ɛ̍ se̍-a pɔ̀ni-ɛ.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 21:2

Iě ǐn jě tùgbàwlɔ̀ ɛ̀ kɔn-a dǒ Nyɔsoa we̍ ɛ̀ nu̍-a Juluslɛn wlɔ̀ delee-ɛ. Wlɔ̀ la ɛ̍ sɔ dě ja̍i̍wlɔ̀ dě Nyɔsoa we̍. Ɛ̍ po̍-eɛ gba̍a̍ ka nynɔ̌ delee pɛ̀ɛ̀ ɔ̍ iě jla̍ mu̍-ɛ.

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.