Chɔɔn 13:8 - Ku̍o̍ Delee 1999

⁸ Pitɛ la̍a̍, “Tlùǔmà, ìn se̍ ǎn bu̍hᵻ dle mu̍ o.” Jusu la̍a̍, “Pò ǐn se̍ àn bu̍hᵻ dle-ɛ, nɛ̀ ìn ke ǐn ke à se̍ we̍ nɛ̍aɛ mu̍ dɛ.”

Chɔɔn 13:8 Iomraidhean Croise

Matio 16:22

Wɛ̀ Pitɛ gbaɛ Jusu fɔ̌ i̍, iě ɔ̍ la̍a̍, “Joi, bɔ̌ à wɔ̌n i̍, Nyɔsoa se̍ ɛ̍ wɔ̌ɛn mu̍, ɛ̍ se̍ ìn pùn nɛ mu̍.”

Matio 21:29

Wɛ̀ ɔ̍ la̍a̍, ‘Ǐn se̍-e mu̍ mu̍ o.’ Jɛ ɔ̍ chlì-a doǒ i̍-ɛ, wɛ̀ ɔ̍ fèàɛ̀ ɔ̍ wlùh i̍ dode̍, iě ɔ̍ mu̍ dě klè laa̍.

Matio 26:33

Wɛ̀ Pitɛ la̍a̍, “Pò juh kli̍hgbɛ̍ la u̍h gbǎ kwlǎ-a chɛ̀ àn tìh-ɛ, mɔ̍ɔ, ǐn se̍ gba̍ kwlǎ gbǎ nɔ̌ kmɔ̌.”

Matio 26:35

Wɛ̀ Pitɛ la̍a̍, “Pò ǎn jɛ ja ìn we̍ mɛ̌-ɛ mu̍-a chɛ̀-ɛ, jɛ ǐn se̍ àn tìh-i tòlo mu̍.” Kòà kli̍hgbɛ̍ sie-a dode̍-ɛ, kǎ u̍h dǎ ke.

Chɔɔn 13:6

Ɔ̍ jɛɛ-a Samo Pitɛ-ɛ, iě Pitɛ la̍a̍, “Joi, àn ji̍ ǎn bu̍hᵻ dle la̍ ke ae?”

Chɔɔn 13:9

Samo Pitɛ la̍a̍, “Joi, pò ɛ̍ ja laan nɛ mu̍-ɛ, nɛ̀ ɛ̍ se̍ ǎn bu̍hᵻ nɛ due ìn se̍ dle mu̍. Jɛ nɛ̀ ǎn sɔ̍nᵻ ke ǎn dlǔ bei kli̍hgbɛ̍ bo ìè dle.”

Chɔɔn 3:5

Jusu la̍a̍, “Tìh-a taǐn ǎn sèàɛ̍ ìn wlùh, pò nyɔ̍ wlǔh dode̍ dǒ nǐ ke Nyɔsoa-a Sùù we̍-ɛ, nɛ̀ ɛ̍ kɔn tɛ̀ ǐn sà-o. Jɛ pò ɛ̍ se̍ la̍a̍n nɛ-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ sǐ mu̍.

Nu̍-dɛ̍ᵻ 22:16

Dɛ̍ àn fuo ke̍ gbɔ̀ɔ ɛ? Sɔ bloɔ̍ ìè nǐ dlǔ po̍ kaka àn gblɛ̍n sɔ̀ɛ̀n iě nǐ tɔ̀ùnwe̍ mu̍ dǒ ɔ̍ nynɛ̌ i̍ dǎ-a we̍.’

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Ɛfɛsɔ 5:26

ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

Kalase 2:18

Nyɔ̍ duuh-a ja u̍h-a chɛ̀ wlù fɔɔ ka iě u̍h-a sà Nyɔsoa-a ǐnchɔ̀ wɛɛ. Mɔ̀ bɔ̌ wɔ̌n-ɛ u̍h bɔ̌ mɔ̀-a wɔ̍n klèɛ̍-ɛ sà-a. Nyɔ̍ kaɛn laa̍ u̍h-a se̍ mɔ̌ ja̍ᵻ u̍h-a ja̍-a bo u̍h tè wlì. Wlɔ̀ nyi̍ɔ̍-a flɔ̍nwlùh bo u̍h-a blɔ̌-ɛ i̍ bu̍ɛ̍i̍.

Kalase 2:23

Gbànᵻ kaɛn la i̍h wɔ̀ flɔ̍nwlùh chɛ̀. Ɛ̍ kɔn i̍h-a nu̍ nyɔ̍-a kloǒ u̍h iě Nyɔsoa-a ǐnchɔ̀ wɛɛ sà. Ìh la i̍h-a ja nyɔ̍ wlù fɔɔ ka. Jɛ kǎ i̍h-a nu̍ nyɔ̍ɔ tìh jě-ɛ. I̍h nɔ̀ɔ̍, i̍h-i po̍-o nyɔ̍ dɛ̍ dǒ nyɔ̍-a wlùh dɛ̍ᵻ bɔ̌ i̍ po̍-ɛ we̍.

Taitɔ 3:5

iě ɔ̍ sèìe àɔ̀. Ɛ̍ se̍ à nu̍-dɛ̍ᵻá i̍ slɛ̌ tìh ɔ̍ se̍ àɔ̀ sèìe. Jɛ ɔ̍ wɔɛ kɔn-ɛ bo ɛ̀ nu̍ ɛ̍ iě ɔ̍ pǔh-i àɔ̀ dě ɔ̍ Sùù di̍i̍. Ɔ̍ Sùù dle àɔ̀ i̍ ɛ̍ kɔn à wlǔh-ɛ ke à kmɔ̌ gbǎ delee i̍.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.