Chɔɔn 13:5 - Ku̍o̍ Delee 1999

⁵ Iě ɔ̍ chɛ̌li nǐ dě pani̍ di̍i̍, sɔ ɔ̍ dle la̍ ɔ̍ kòà-a bu̍hᵻ sǔh. Wɛ̀ ɔ̍ nu̍ dle-e baɔ ɔ̍ tù-a we̍-ɛ, iě ɔ̍ slǎn i̍h ja̍i̍.

Chɔɔn 13:5 Iomraidhean Croise

Pɔ̀n Chɛ̀ Luu To-a La 7:38

Wɛ̀ ɔ̍ nyna dǒ Jusu de̍e̍ i̍ dǒ ɔ̍ bu̍hᵻ we̍ ka, wɛ̀ ɔ̍ fìn. Iě ɔ̍ mǐtɛɛn wlǎ-ɛ Jusu-a bu̍hᵻ ja̍i̍. Wɛ̀ nynɔ̌ nu̍ ɔ̍ mǐ iě ɔ̍ slǎn Jusu-a bu̍hᵻ i̍, wɛ̀ ɔ̍ gblèè i̍h wlì, iě ɔ̍ tli̍ i̍h nɔ̌ chlǎn i̍.

Pɔ̀n Chɛ̀ Luu To-a La 7:44

Wɛ̀ Jusu fèàɛ̀ dě nynɔ̌ we̍, iě ɔ̍ la̍a̍ dě Samo we̍, “Àn jě nynɔ̌ la ae? Ǐn ji̍-a nɔ̌ ìn blǐ gbò-ɛ, ìn se̍ ǐn nǐ nyǐ iě ǎn bu̍hᵻ dle. Jɛ ɔ̍ dle ǎn bu̍hᵻ wɛ̀ dǒ ɔ̍ mǐtɛɛn we̍, wɛ̀ ɔ̍ nu̍ ɔ̍ mǐ iě ɔ̍ slǎn i̍h ja̍ i̍.

Chɔɔn 13:10

Wɛ̀ Jusu la̍a̍ dě ɔ̍ we̍, “Nyɔ̍ jɔ dle-aɛ nɔ̀ɔ̍, nɛ̀ ɔ̍ wɛ̀ flɛ̀n wɛ̀. Nɛ̀ ɔ̍ bu̍hᵻ nɛ due bo ɔ̍ mu̍ la̍ dle sǔh. Mɔ̀ wɛ̀ flɛ̀n wɛ̀, jɛ ɛ̍ se̍ mɔ̀ kli̍hgbɛ̍.”

Chɔɔn 13:6

Ɔ̍ jɛɛ-a Samo Pitɛ-ɛ, iě Pitɛ la̍a̍, “Joi, àn ji̍ ǎn bu̍hᵻ dle la̍ ke ae?”

Chɔɔn 13:8

Pitɛ la̍a̍, “Tlùǔmà, ìn se̍ ǎn bu̍hᵻ dle mu̍ o.” Jusu la̍a̍, “Pò ǐn se̍ àn bu̍hᵻ dle-ɛ, nɛ̀ ìn ke ǐn ke à se̍ we̍ nɛ̍aɛ mu̍ dɛ.”

Chɔɔn 19:34

Jɛ fledlǔ jǔ due nynǎ ɔ̍ dǐ gbèɛ̀n we̍, iě nǐ ke nymɔ̍ sɔ-o. (

Nu̍-dɛ̍ᵻ 22:16

Dɛ̍ àn fuo ke̍ gbɔ̀ɔ ɛ? Sɔ bloɔ̍ ìè nǐ dlǔ po̍ kaka àn gblɛ̍n sɔ̀ɛ̀n iě nǐ tɔ̀ùnwe̍ mu̍ dǒ ɔ̍ nynɛ̌ i̍ dǎ-a we̍.’

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Ɛfɛsɔ 5:26

ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

1 Timote 5:10

Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 5:6

Jusu Klai la bo ɔ̀ ji̍ dǒ nǐ ke nymɔ̍ we̍. Ɛ̍ bo ɛ̀ nu̍-a ɔ̍ nǐ dlǔ po̍-ɛ ke ɔ̍ mɛ̌ɛ. Ɔ̍ se̍ ji̍ dǒ nǐ nɛ due we̍, jɛ ɔ̍ ji̍-i dǒ nǐ ke nymɔ̍ we̍. Nyɔsoa-a Sùù à tè-a wlì-ɛ bo ɛ̀ nu̍ ɛ̍ sàànsi̍i̍h, dɛ̍nu̍ɛ, Sùù nu̍ tìh-a taǐn.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.