Chɔɔn 13:3 - Ku̍o̍ Delee 1999

³ Jusu juo i̍h ka Baa po̍-a dɛ̍ᵻ kli̍hgbɛ̍ dě ɔ̍ kwa̍a̍, iě ɔ̍ sɔ-a dě Nyɔsoa we̍ wɛ̀ ɔ̍ mu̍-a la̍ dě de̍ Nyɔsoa we̍-ɛ.

Chɔɔn 13:3 Iomraidhean Croise

Matio 11:27

Ɔ̍ la̍a̍, “Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ ùh Jǔ tba̍-a chèɛ̀ ɔ̍ iě-a Baa toe-ɛ ke.

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Pɔ̀n Chɛ̀ Luu To-a La 10:22

“Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ Jǔ tba̍-a chèɛ̀ ɔ̍ iě-a Baa toe-ɛ ke.”

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 13:1

Ɛ̍ si̍e̍-o weɛ̍ due wɛ̀ ɛ̍ iě Sììkɛ̍n Weɛ̍-a Peě nu̍. Dǒ Jusu juo-e dɛ̍ i̍ ka ti̍ nyni̍-a wɛ̀ ɔ̍ iě-a da̍a kmɔ̌ la we̍ sɔ ɔ̍ iě-a Baa we̍ mu̍-ɛ. Nyɔ̍ ùh kɔn-a dǒ ɔ̍ we̍ nɔ̌ kmɔ̌-ɛ, u̍h-a jbɛɛ ɔ̍ sà-a dě bloɔ̍ i̍-ɛ, ɛ̍ bo ɔ̍ chlà-ɛ ɛ̍ dlǔ i̍.

Chɔɔn 17:2

Dɛ̍nu̍ɛ, ìn nyǐ ɔ̍ gbǐh ɔ̍ iě nyɔ̍ kli̍hgbɛ̍ wlu̍ i̍ kɔn, ɔ̍ iě nyɔ̍ kli̍hgbɛ̍ ìn nyǐ-a ɔ̍-ɛ kmɔ̌ sie feɛ nyǐ.

Chɔɔn 3:13

Nyɔ̍ dɔɔ se̍a dě ja̍i̍wlɔ̀ mu̍, jɔ nu̍-a Nyi̍ɔ̍-a Jǔ ɔ̀ sɔ-a dě ja̍i̍wlɔ̀-ɛ, ɔ̍ kɔn tɛ̀ ǐn sà-o.”

Chɔɔn 3:35

Baa Nyɔsoa jbɛɛ ɔ̍ Jǔ-u, iě ɔ̍ tèè ɔ̍ dɛ̍ᵻ kli̍hgbɛ̍ kwa̍.

Chɔɔn 7:29

Jɛ mɔ̍ bo ɔ̀ juo ɔ̍, dɛ̍nu̍ɛ, ǐn sɔ dě ɔ̍ we̍. Ɔ̍ bo ɔ̀ dbo̍ m.”

Chɔɔn 7:33

Wɛ̀ Jusu la̍a̍, “Ǎn mu̍ da̍a mɔ̀ we̍ nɛ dǒ ti̍ gbɔ̍ di̍i̍ sǔh, wɛ̀ iě nyɔ̍ dbo̍-a m-ɛ we̍ mu̍.

Chɔɔn 8:14

Jusu la̍a̍, “Pò ǎn jɛ ja ǎn chɛ̀-a sàànsi̍i̍h nu̍-ɛ, dɛ̍ ǐn sà-aɛ, nɛ̀ tìh-a taǐn bo. Dɛ̍nu̍ɛ, ǐn juo tà ǐn sɔ-aɛ ke tà ǎn mu̍-aɛ. Jɛ tà ǐn sɔ-aɛ ke tà ǎn mu̍-aɛ, mɔ̀ se̍-o juo.

Chɔɔn 8:42

Jusu la̍a̍, “Pò Nyɔsoa nu̍ mɔ̀ Baa de-ɛ, nɛ̀ mɔ̀-a mu̍ ǐn jbɛɛ de, dɛ̍nu̍ɛ, ǐn sɔ dě Nyɔsoa we̍ wɛ̀ ǐn nɛ da̍a. Ǐn se̍ dǒ ǎn chɛ̀-a sɔ̍n kɛ̍n jii, ɔ̍-ɔ bo ɔ̀ dbo̍ m.

Nu̍-dɛ̍ᵻ 2:36

“Ɛ̍ tìh-ɛ, Eslɔɛ nyɔ̍ kli̍hgbɛ̍ kɔn u̍h iě ɛ̍ i̍ juo. Jusu ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍ bo Nyɔsoa nu̍-a ka Joi ke Chèɛ̀ Tba̍ju we̍ i̍ wɛ̀.”

1 Kɔwlɛntiɔn 15:27

Nyɔsoa-a wlu̍ la̍a̍, “Nyɔsoa po̍ dɛ̍ᵻ kli̍hgbɛ̍ dě ɔ̍ bu̍h sɔ̀n.” Sɔ ɛ̍ flɔn we̍i̍ ka Nyɔsoa se̍-a dě “dɛ̍ᵻ kli̍hgbɛ̍” laa̍ i̍h-a kòo nɛ-ɛ. Dɛ̍nu̍ɛ, ɔ̍-ɔ bo ɔ̀ po̍ i̍h kli̍hgbɛ̍ dǒ Klai sɔ̀n.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.