Chɔɔn 13:10 - Ku̍o̍ Delee 1999

¹⁰ Wɛ̀ Jusu la̍a̍ dě ɔ̍ we̍, “Nyɔ̍ jɔ dle-aɛ nɔ̀ɔ̍, nɛ̀ ɔ̍ wɛ̀ flɛ̀n wɛ̀. Nɛ̀ ɔ̍ bu̍hᵻ nɛ due bo ɔ̍ mu̍ la̍ dle sǔh. Mɔ̀ wɛ̀ flɛ̀n wɛ̀, jɛ ɛ̍ se̍ mɔ̀ kli̍hgbɛ̍.”

Chɔɔn 13:10 Iomraidhean Croise

Matio 6:12

Tǎli à gblɛ̍n sɔ̀ɛ̀n-a tìh i̍, ka à nu̍-a gblɛ̍n sɔ̀ɛ̀n nyɔ̍ duuh nu̍-a à pùn-ɛ i̍ tǎli-ɛ.

Chɔɔn 13:18

“Ɛ̍ se̍ mɔ̀ kli̍hgbɛ̍ ǐn se̍ dǎ, juh ǐn tba̍-a chèɛ̀-ɛ, ǐn juo u̍h-i. Jɛ ɛ̍ iě Nyɔsoa-a wlu̍ kɛ̀ǐn po̍ dɛbo, ɛ̀ la̍a̍, ‘Nyɔ̍ ɔ̀ di̍-a ǎn dɛ̍-ɛ, ɔ̍ bo ɔ̀ poe ǐn gbɔ̀là.’

Chɔɔn 13:9

Samo Pitɛ la̍a̍, “Joi, pò ɛ̍ ja laan nɛ mu̍-ɛ, nɛ̀ ɛ̍ se̍ ǎn bu̍hᵻ nɛ due ìn se̍ dle mu̍. Jɛ nɛ̀ ǎn sɔ̍nᵻ ke ǎn dlǔ bei kli̍hgbɛ̍ bo ìè dle.”

Chɔɔn 15:3

Wlu̍ la ǐn bla̍-a dě mɔ̀ we̍-ɛ, ɛ̍ wɔ̀ mɔ̀ flɛ̀n wɛ̀ se̍e̍.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

Iblu 9:10

Dɛ̍nu̍ɛ, i̍h nɔ̀ɔ̍, i̍h tba̍ dǒ di̍-dɛ̍ ke, nǎ-dɛ̍ ke, i̍ dle-ɛ bei pùn i̍. Ìh la nu̍-dɛ̍ᵻ naɛ telě bo. I̍h nɛ-ɛ te̍e̍ wɛ̀ Nyɔsoa po̍ dɛ̍ᵻ kli̍hgbɛ̍ delee i̍.

Chiin 3:2

À kli̍hgbɛ̍ la à sì dɛ̍ i̍ ti̍ kli̍hgbɛ̍ we̍. Pò nyɔ̍-ɔ se̍a wlu̍ i̍ sì-ɛ, nɛ̀ ɔ̍ wɛ̀ nɛi̍ wɛ̀. Nɛ̀ ɔ̍ bɛ̌ɛ ɔ̍ chɛ̀ i̍ gbɛ̍n-ɛ dǒ dɛ̍ᵻ kli̍hgbɛ̍ we̍.