Chɔɔn 13:1 - Ku̍o̍ Delee 1999

¹ Ɛ̍ si̍e̍-o weɛ̍ due wɛ̀ ɛ̍ iě Sììkɛ̍n Weɛ̍-a Peě nu̍. Dǒ Jusu juo-e dɛ̍ i̍ ka ti̍ nyni̍-a wɛ̀ ɔ̍ iě-a da̍a kmɔ̌ la we̍ sɔ ɔ̍ iě-a Baa we̍ mu̍-ɛ. Nyɔ̍ ùh kɔn-a dǒ ɔ̍ we̍ nɔ̌ kmɔ̌-ɛ, u̍h-a jbɛɛ ɔ̍ sà-a dě bloɔ̍ i̍-ɛ, ɛ̍ bo ɔ̍ chlà-ɛ ɛ̍ dlǔ i̍.

Chɔɔn 13:1 Iomraidhean Croise

Matio 26:45

Wɛ̀ ɔ̍ mu̍ dě de̍ ɔ̍ kòà we̍ iě ɔ̍ la̍a̍ dě u̍h we̍, “Mɔ̀-a sà-e gbǔh mɔ̀-a mɔ̌ ke̍ sǔh ae? Mɔ̀ gbɛ̀n-e, ti̍ la ɛ̍ nɛ à i̍ wɛ̀. Nyi̍ɔ̍-a Jǔ sà-ɛ kwlǎ wɛ̀ dě gblɛ̍n sɔ̀ɛ̀n nyɔ̍ kwa̍a̍.

Matio 28:20

Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Pɔ̀n Chɛ̀ Luu To-a La 22:53

Ka sɔ̀n-a sɛ̀n-aɛ, kǎ ǎn nɛ dě mɔ̀ we̍ Nyɔsoa-a slaǎ sà gbò sɔ̀n, dǒ-o nɔ̀ɔ̍, mɔ̀ se̍ ǐn sɔ̍n pùn gba̍. Jɛ nɛ̀ jɛwɛ̀ mɔ̀-a ti̍ nyni̍ dɛbo, ɛ̍ ke kwile naɛ gbǐh ke.”

Pɔ̀n Chɛ̀ Luu To-a La 9:51

Ti̍-a kɔǎn-ɛa la̍ i̍ Jusu iě-a dě ja̍i̍wlɔ̀ gba̍-ɛɛ, iě ɔ̍ dǔ wìè-e ɔ̍ iě Juluslɛn mu̍.

Chɔɔn 11:55

Ɛ̍ ti̍ laa̍ nɛ̀ Sììkɛ̍n Weɛ̍-a Peě kɔǎn we̍ wɛ̀. Wɛ̀ nyɔ̍ɔ dɔu-a sɔ wlɔ̀gbàɛ̀ di̍i̍ i̍ u̍h-a mu̍ dǒ Juluslɛn, u̍h iě u̍h-a chɛ̀ i̍ dle dě Nyɔsoa jlǐh i̍ nmɔ dɛ di̍i̍ wɛ̀ Sììkɛ̍n-a Peě iě nyni̍-ɛ dǔ.

Chɔɔn 12:23

Wɛ̀ Jusu la̍a̍ dě u̍h we̍, “Jɛwɛ̀ ti̍ nyni̍-o wɛ̀ Nyi̍ɔ̍-a Jǔ-a nynɛ̌ iě i̍ bɛ̌.

Chɔɔn 13:29

Sɔ dɛ̍ laa̍ Juda nu̍-a wlǐ i̍ tè nyɔ̍-ɛ, u̍h-a duuh jajeɛ̍ dɛ̍ᵻ u̍h-a pɔ̀n-a i̍ dǒ peě laa̍ kɛ̍n-ɛ, i̍h bo Jusu-a sèàɛ̍ ɔ̍ wlùh ɔ̍ iě tɛ̀n la̍-a mu̍ de, àe̍e̍ ɔ̍ iě nyɔ̍gbà nyɔ̍ dɛ̍ nyǐ de.

Chɔɔn 13:3

Jusu juo i̍h ka Baa po̍-a dɛ̍ᵻ kli̍hgbɛ̍ dě ɔ̍ kwa̍a̍, iě ɔ̍ sɔ-a dě Nyɔsoa we̍ wɛ̀ ɔ̍ mu̍-a la̍ dě de̍ Nyɔsoa we̍-ɛ.

Chɔɔn 13:34

Mɔ̀ jbɛɛ we̍, ɛ̍ bo ɛ̀ nu̍ slǔh delee ǎn po̍ mɔ̀. Ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 14:28

Dɛ̍ ǐn sà-a dě mɔ̀ we̍-ɛ, mɔ̀ wɔ̌n ǎn wlu̍, na̍a̍, ‘Ǎn mu̍-i, wɛ̀ iě mɔ̀ we̍ ji̍ dode̍.’ Pò mɔ̀ jbɛɛ m chɛ̀ɛ̌chɛ̀-ɛ, nɛ̀ mɔ̀-a mu̍ mɔna̍-a gbǎ ka ǎn mu̍-a dě Baa we̍-ɛ. Dɛ̍nu̍ɛ, ɔ̍ ku̍ wɔ̍n ɔ̍ sìì m.

Chɔɔn 14:31

Ka ǐn kma-a ǐn Baa-a tìh-ɛ, kmɔ̌ iě ɛ̍ juo, ɛ̍ kɔn ǎn nu̍ dɛ̍ᵻ kli̍hgbɛ̍ ɔ̍ po̍-a ǐn slǔh iě-a nu̍-ɛ. “Mɔ̀ sɔ-ɔ à iě mu̍.

Chɔɔn 16:28

Ǐn sɔ dě ǐn Baa we̍ wɛ̀ ǐn ji̍ nɔ̌ kmɔ̌ we̍. Wɛ̀ ǎn sɔ la̍ da̍a kmɔ̌ we̍, iě ǎn mu̍ la̍ dě de̍ ǐn Baa we̍.”

Chɔɔn 17:1

Ti̍ Jusu wɔ̀-a wlu̍ la bla̍-aɛ, wɛ̀ ɔ̍ gbɛ̀n dě ja̍i̍wlɔ̀ iě ɔ̍ la̍a̍, “Baa, ti̍ nyni̍ wɛ̀, bɛ̌-ɛ àn Jǔ-a nynɛ̌ i̍, wɛ̀ Jǔ iě àn nynɛ̌ i̍ bɛ̌-ɛ ke.

Chɔɔn 17:16

Ɛ̀ kɔn ba̍ ǐn se̍-a nɔ̌ kmɔ̌ we̍ kɔn-ɛ, kǎ u̍h nɛ wɛ̀ ke.

Chɔɔn 17:26

Ǐn nu̍ ɛ̍ u̍h juo àn nynɛ̌ wɛ̀. Nɛ̀ ɛ̍-ɛ bo ǎn mu̍ dluwe̍ i̍ gba̍ wɛ̀ ka ìn nu̍-a ǐn i̍ jbɛɛ-ɛ u̍h iě laǎn nyɔ̍ duuh jbɛɛ nu̍ ke, wɛ̀ iě u̍h-u nɛ ke.”

Chɔɔn 17:5

Nɛ̀ɛ̍, Baa, bɛ̌-ɛ ǎn nynɛ̌ i̍ kaka dǒ ìn jlǐhwai, ɛ̀ nu̍-a nynɛ̌-a i̍ bɛ̌-ɛ à blě-a se̍e̍ wɛ̀ kmɔ̌ iě-a nui-ɛɛ ɛ̍ bo ǎn dǎ.

Chɔɔn 18:4

Jɛ Jusu juo dɛ̍ᵻ ìh-a mu̍-a ɔ̍ jii̍ nɛ-ɛ, wɛ̀ ɔ̍ mu̍ u̍h wlì. Wɛ̀ ɔ̍ la̍a̍ dě u̍h we̍, “Nyɔ̍ mɔ̀-a pɔ̀n i̍ ɛ?”

Chɔɔn 19:28

Ti̍ Jusu juo-ao dɛ̍ i̍ ka dɛ̍ᵻ kli̍hgbɛ̍ wɛ̀-a i̍ wɛ̀-ɛ, iě ɔ̍ la̍a̍, “Dǒ ǐn wlì-a bǔ-i.” Ɔ̍ bla̍ ɛ̀ la wɛ̀ ɔ̍ iě Nyɔsoa-a wlu̍ kɛ̀ǐn po̍.

Chɔɔn 2:13

Juu nyɔ̍-a Sììkɛ̍n Weɛ̍-a Peě nɛ kɛkɛ wɛ̀ sǔh iě Jusu mu̍ dǒ Juluslɛn.

Chɔɔn 6:4

Nɛ̀ Juu nyɔ̍-a Sììkɛ̍n-a Peě kɔǎn we̍ wɛ̀.

Chɔɔn 7:30

Sɔ u̍h-a fɔ̀n la̍ dɛ̍ we̍ sǔh u̍h iě ɔ̍ gbɛ̍n, jɛ nyɔ̍ se̍ ɔ̍ sɔ̍n ja̍ po̍. Dɛ̍nu̍ɛ, nɛ̀ ɛ̍ ti̍ se̍-o nyni̍ ke̍.

Chɔɔn 7:6

Jusu la̍a̍ dě u̍h we̍, “Ǎn ti̍ se̍-o nyni̍ ke̍. Mɔ̀ɔ̍ nɔ̀ɔ̍, mɔ̀-a blě ti̍ ma̍u̍.

Chɔɔn 8:20

Jusu iě-a ìh kli̍hgbɛ̍ la wlu-ɛ, nɛ̀ ɔ̍ po̍ nǎ dě Nyɔsoa-a slaǎ sà gbò sɔ̀n dě fɔ̌ kɔn we̍ Nyɔsoa dɛ̍ nyǐ gblòùn tè-a i̍-ɛ. Jɛ nyɔ̍ se̍ ɔ̍ gbɛ̍n, dɛ̍nu̍ɛ, nɛ̀ ɛ̍ ti̍ se̍-o nyni̍ ke̍.

Wloma 8:37

Iěe, ìh kli̍hgbɛ̍ la i̍h se̍ à i̍ che̍ɛ̍ɛn bɛ̌ɛ. À sìì tu̍h du̍ nyɔ̍-a chɛ̀ wɛ̀ dě ɔ̀ jbɛɛ-a àɔ̀-ɛ ja̍a̍.

1 Kɔwlɛntiɔn 1:8

Ɔ̍ mu̍ mɔ̀-a wlùh gbaɛ-ɛ i̍ kui te̍e̍ wɛ̀ mɔ̀ɔ̍ jěe nɛi̍ nɛ dǒ weɛ̍ à Joi Jusu Klai-a mu̍-a ja-ɛ di̍i̍.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Iblu 6:11

Ɛ̍ tìh-ɛ, à pɔ̀n mɔ̀-a jɔ-ɛ, ɔ̍ iě ɛ̀ la gbǐh i̍ gbɛ̍n-ɛ te̍e̍ wɛ̀ ti̍ iě dlǔ i̍ chlà. Dɛ̍ mɔ̀ tba̍-a wlùh i̍-ɛ, nɛ̀ mɔ̀-a mu̍ ɛ̍ juo te̍kle̍e̍ ka mɔ̀-a mu̍-a ɛ̍ jě-ɛ.

1 Pitɛ 1:13

Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.

1 Chɔɔn 4:19

À jbɛɛ, dɛ̍nu̍ɛ, Nyɔsoa bo ɔ̀ jbɛɛ àɔ̀ sàǐtòò.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.