Chɔɔn 12:2 - Ku̍o̍ Delee 1999

² Dǒ u̍h pi̍-i Jusu-a dɛ̍. Nɛ̀ Jusu bei tè i̍ dǒ teble̍ gbɔ̀, nɛ̀ dǒ Laaslɔɛ nɛ ke, wɛ̀ Mata-a gba̍ balih.

Chɔɔn 12:2 Iomraidhean Croise

Matio 26:6

Ti̍ Jusu nɛ-a dǒ Bɛtani-ɛ, nɛ̀ ɔ̍ di̍ dɛ̍ dě Samo blǐ gbò, ɔ̀ wìèìdih-a nu̍-a de-ɛ.

Pɔ̀n Chɛ̀ Maɛ To-a La 14:3

Samo ɔ̀ wìèìdih-a nu̍-a de-ɛ, dě ɔ̍ blǐ gbò bo Jusu sǐi-o dɛ̍ di̍ la̍ dǒ Bɛtani wlɔ̀ di̍i̍ wɛ̀ nynɔ̌ due ji̍. Nɛ̀ ɔ̍ blě-e chlǎn dě sɔɔ̌ u̍h-a dǎɛ-a alebasla-a ɛ̍ sòlɛ̀ di̍i̍. Tu̍ ɛ̀ u̍h nui-a dɛ̍kɛ̍n gbǎ chlǎn wlihwlǐh-a chɛ̀-ɛ, ɛ̍ nynɛ̌ bo naa. Wɛ̀ ɔ̍ chɛ̍n ɛ̍ sòlɛ̀ wɔ̍i̍n, iě ɔ̍ chɛ̌li ɛ̍ dǒ Jusu dlǔ.

Pɔ̀n Chɛ̀ Luu To-a La 12:37

Pòi̍nynuu̍ ùh kɔn dlǔtu ji̍-a wɛ̀ ɔ̍ se̍-a u̍h nyinɔ̍ i̍ jɛɛ-ɛ, nɛ̀ u̍h nmɔ i̍. Tìh-a taǐn ǎn sèàɛ̍ mɔ̀ wlùh, nɛ̀ ɔ̍ mu̍ ɔ̍ dɛ̍wlo̍o̍ i̍ sà chɛ̀gbɛɛ, wɛ̀ ɔ̍ iě u̍h dǒ teble̍ gbɔ̀ gba̍, ɔ̍ iě u̍h-a dɛ̍i̍ nu̍.

Pɔ̀n Chɛ̀ Luu To-a La 14:12

Wɛ̀ Jusu wlu dě dihwi̍h baa we̍ ke. Ɔ̍ la̍a̍, “Pò ìn dǎ peě-ɛ, bɔ̌ ìn ba̍ᵻ o, ìn de̍di̍i̍ᵻ o, àn wloa̍ nyɔ̍ o, pàn-nyɔ̍ ùh ke ìn tǐn-a dǒ gbòᵻ nynɛ̌-ɛ o, bɔ̌ u̍h-a nyɔ̍ dǎ-a. Dɛ̍nu̍ɛ, u̍h-a mu̍ ìn peě kɛ̍n dǎ ke u̍h iě àn gba̍ sà.

Pɔ̀n Chɛ̀ Luu To-a La 22:27

Jɔ tè-a i̍ dǒ teble̍ gbɔ̀ u̍h-a dbee-a jǔ-ɛ ke, jɔ dbee-a nyɔ̍ jǔ-ɛ, u̍h nɛ-a sɔɔ̌n-ɛ, jɔwe̍ bo ɔ̀ ku̍ wɔ̍n ɛ? Jɔ tè-a i̍-ɛ bo ɔ̀ ku̍ wɔ̍n. Jɛ ǐn nɛ nɔ̌ mɔ̀ nynɛ̌ ka nyɔ̍ jǔ dbee nyɔ̍-ɛ.

Pɔ̀n Chɛ̀ Luu To-a La 5:29

Wɛ̀ Liifaɛ dǎ peě klaa dǒ Jusu we̍ dě ɔ̍ blǐ gbò. Iě taa̍sìh sà nyɔ̍ dɔu ke nyɔ̍ dɔu duuh ji̍. Iě u̍h ke u̍h tìèe̍ i̍ dǒ teble̍ gbɔ̀.

Wlɛfeleseɔn 3:20

Kaka la̍, ǐn nyna i̍ dǒ gbaba kɛ̍ɛ̍n iě ǎn bla̍ ɛ̍. Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ iě dǒ gbò wɔ̍i̍n pɔ̀ni-ɛ, nɛ̀ ǎn mu̍ dě ɔ̍ we̍ gbò pa̍ ɔ̍ ke ǐn ke à iě sɔ̍n jǔ gbo̍a̍ɛ.