Chɔɔn 12:1 - Ku̍o̍ Delee 1999

¹ Ɛ̍ sie-o wǐh mɛ̀o̍ wɛ̀ ɛ̍ iě Sììkɛ̍n Weɛ̍-a Peě nu̍ wɛ̀ Jusu mu̍ dǒ Bɛtani dǒ Laaslɔɛ blǐ wlɔ̀. Laaslɔɛ Jusu sà-eɛ, ɔ̍-ɔ bo.

Chɔɔn 12:1 Iomraidhean Croise

Matio 21:17

Wɛ̀ ɔ̍ sɔ dǒ u̍h we̍-e, iě ɔ̍ mu̍ dǒ Bɛtani dě ɔ̍ pɛ̌n.

Pɔ̀n Chɛ̀ Maɛ To-a La 11:11

Jusu sǐ-a dǒ Juluslɛn i̍-ɛ, wɛ̀ ɔ̍ mu̍ dě Nyɔsoa-a slaǎ sà gbò sɔ̀n. Iě ɔ̍ gbèɛ̀ɛ̍n dɛ̍ᵻ kli̍hgbɛ̍ ja̍ i̍, jɛ nɛ̀ jlǔh-a mu̍ la̍-ɛ. Wɛ̀ ɔ̍ ke ɔ̍ kòà-a pùè jɔ̌ sɔɔ̌n laa̍ u̍h mu̍ dǒ Bɛtani wlɔ̀ di̍i̍.

Pɔ̀n Chɛ̀ Luu To-a La 24:50

Wɛ̀ Jusu sà u̍h dǒ wlɔ̀ ɔ̍ gba̍ u̍h Bɛtani fɔɔ. Iě ɔ̍ te sɔ̍nᵻ ja̍i̍, wɛ̀ ɔ̍ sà-ɛ u̍h nǐ wɔ̍n.

Pɔ̀n Chɛ̀ Luu To-a La 7:37

Nɛ̀ nynɔ̌ due nɛ dǒ wlɔ̀ laa̍ di̍i̍ ɔ̍ nu̍ gblɛ̍n sɔ̀ɛ̀n nyɔ̍. Dǒ ɔ̍ wɔ̌n-ɛ pɔ̀n ka Jusu-a di̍-a dɛ̍ dě Fɛlesii jǔ blǐ gbò-ɛ. Wɛ̀ ɔ̍ gba̍ alebasla sòlɛ̀ ɛ̀ nɔ̌ chlǎn nɛ-a dě di̍i̍-ɛ.

Chɔɔn 11:1

Bɛtani ɛ̀ nu̍-a Mɛle ke ɔ̍ de̍di̍i̍ Mata-a wlɔ̀-ɛ, dǒ u̍h de̍di̍i̍ jɔ̍gbau nɛ ɔ̍ poa. Ɔ̍ nynɛ̌ bo Laaslɔɛ. Mɛle ɔ̀ mu̍-a Joi-a bu̍hᵻ nɔ̌ chlǎn i̍ tli̍ wɛ̀ ɔ̍ iě-a ɔ̍ mǐ nu̍ ɔ̍ iě-a i̍h i̍ slǎn-a, ɔ̍-ɔ bo.

Chɔɔn 11:43

Ɔ̍ wɔ̀-a ɛ̀ la wlu-ɛɛ, iě ɔ̍ plǎn, ɔ̍ la̍a̍, “Laaslɔɛ, ji̍ sɔ̀n sǐ.”

Chɔɔn 11:44

Laaslɔɛ ɔ̀ mɛ̌-a de-ɛ, wɛ̀ ɔ̍ sǐ sɔ̀n. Nɛ̀ jlii̍ u̍h po̍-a ɔ̍-ɛ, nɛ̀ i̍h pìàɛ̍n ɔ̍ dlǔ i̍, ɛ̍ ke ɔ̍ ja̍i̍ ke̍. Wɛ̀ Jusu la̍a̍, “Mɔ̀ sà i̍h ɔ̍ ja̍i̍ ɔ̍ iě mu̍.”

Chɔɔn 11:55

Ɛ̍ ti̍ laa̍ nɛ̀ Sììkɛ̍n Weɛ̍-a Peě kɔǎn we̍ wɛ̀. Wɛ̀ nyɔ̍ɔ dɔu-a sɔ wlɔ̀gbàɛ̀ di̍i̍ i̍ u̍h-a mu̍ dǒ Juluslɛn, u̍h iě u̍h-a chɛ̀ i̍ dle dě Nyɔsoa jlǐh i̍ nmɔ dɛ di̍i̍ wɛ̀ Sììkɛ̍n-a Peě iě nyni̍-ɛ dǔ.

Chɔɔn 12:12

Sɔ̀n dɛɛ sɛ̀n-aɛ, nyɔ̍ tlùgbei̍ ùh ji̍-a Sììkɛ̍n Weɛ̍-a Peě kɛ̍n-ɛ, dǒ u̍h wɔ̌n-ɛ pɔ̀n ka Jusu-a ji̍-a Juluslɛn-ɛ.

Chɔɔn 12:20

Nɛ̀ nyɔ̍ ùh mu̍-a Nyɔsoa wɛɛ sà la̍ dǒ peě laa̍ kɛ̍n-ɛ, Klii nyɔ̍ nɛ u̍h nynɛ̌ i̍.

Chɔɔn 12:9

Ka Jusu nɛ-a dǒ Bɛtani wlɔ̀ di̍i̍-ɛ, i̍h bo nyɔ̍ tlùgbei̍ wɔ̌n, iě u̍h mu̍ deě. Jɛ ɛ̍ se̍ Jusu nɛ due tìh u̍h se̍-e mu̍. Laaslɔɛ jɔ ɔ̍ sà-eɛ, ɔ̍ bo u̍h-a mu̍ jě la̍ ke.