Chɔɔn 11:4 - Ku̍o̍ Delee 1999

⁴ Ti̍ Jusu wɔ̌n-a pɔ̀n la-ɛ, iě ɔ̍ la̍a̍, “Ɔ̍ wɛ̌ la mɛ̌ɛ se̍ ɛ̍ dlǔ i̍ chlà mu̍. Ɛ̍ nu̍ ɛ̍ sǔh wɛ̀ Nyɔsoa-a nynɛ̌ iě i̍ bɛ̌. Dě ɛ̍ di̍i̍ bo Nyɔsoa-a Jǔ-a mu̍ nynɛ̌ jě-e.”

Chɔɔn 11:4 Iomraidhean Croise

Chɔɔn 10:38

Mɔ̀ se̍ ǎn wlu̍ tìh chɛ̀ po̍ gbɛɛ-ɛ, jɛ dbo̍ jɛ ǎn nu̍-aɛ nɔ̀ɔ̍, ɛ̍ bo mɔ̀ kɔn mɔ̀ iě tìh chɛ̀ po̍. Mɔ̀ iě ɛ̍-ɛ i̍ wɔ̌n, wɛ̀ mɔ̀ iě-o dɛ̍ i̍ juo ka ǐn Baa nɛ-a m wɛ̀ ǐn nɛ-a ǐn Baa ke-ɛ.”

Chɔɔn 11:40

Jusu la̍a̍ dě ɔ̍ we̍, “Ǐn se̍ ìn wlùh sèàɛ̍, ǐn se̍ la̍ pò ìn blě wlùh gbaɛ-ɛ, nɛ̀ àn mu̍ Nyɔsoa-a tìh-a i̍ bɛ̌-ɛ jě ae?”

Chɔɔn 12:28

Baa, àn nynɛ̌ bo ìè i̍ bɛ̌-ɛ o.” Wɛ̀ wlu̍ sɔ dě ja̍i̍wlɔ̀, ɛ̍ la̍a̍, “Ǐn bɛ̌-ɛ ɛ̍ i̍ wɛ̀ se̍e̍, iě ǎn mu̍ ɛ̍ i̍ bɛ̌-ɛ dɛ.”

Chɔɔn 17:1

Ti̍ Jusu wɔ̀-a wlu̍ la bla̍-aɛ, wɛ̀ ɔ̍ gbɛ̀n dě ja̍i̍wlɔ̀ iě ɔ̍ la̍a̍, “Baa, ti̍ nyni̍ wɛ̀, bɛ̌-ɛ àn Jǔ-a nynɛ̌ i̍, wɛ̀ Jǔ iě àn nynɛ̌ i̍ bɛ̌-ɛ ke.

Chɔɔn 17:10

Ùh kli̍hgbɛ̍ ǐn blě-aɛ, u̍hɔ̍ɔ̍ àn nyɔ̍. Nɛ̀ ùh kli̍hgbɛ̍ ìn blě-aɛ, u̍hɔ̍ɔ̍ ǎn nyɔ̍. Dě u̍h ja̍a̍ bo ǎn nynɛ̌-a bɛ̌-ɛ i̍.

Chɔɔn 17:5

Nɛ̀ɛ̍, Baa, bɛ̌-ɛ ǎn nynɛ̌ i̍ kaka dǒ ìn jlǐhwai, ɛ̀ nu̍-a nynɛ̌-a i̍ bɛ̌-ɛ à blě-a se̍e̍ wɛ̀ kmɔ̌ iě-a nui-ɛɛ ɛ̍ bo ǎn dǎ.

Chɔɔn 2:11

Ɛ̀ la bo ɛ̀ nu̍ Jusu-a jbaɛdih-a sàǐtòò naɛ ɔ̍ po̍ dǒ Keina dě Kaladii bloa̍ kɛ̍n, iě ɛ̍ to ɔ̍ tìh-a i̍ bɛ̌-ɛ. Wɛ̀ ɔ̍ kòà gbaɛ ɔ̍ wlùh.

Chɔɔn 5:23

Ɔ̍ nu̍ ɛ̍-ɛ wɛ̀ nyɔ̍ kli̍hgbɛ̍ iě Jǔ la ja̍ tè, ɛ̀ kɔn ba̍ u̍h-a nu̍-a Baa ja̍ tè-ɛ ke-ɛ. Nyɔ̍ ɔ̀ se̍-a Jǔ ja̍ tè-ɛ, nɛ̀ Baa jɔ dbo̍-a Jǔ-a chɛ̀-ɛ bo ɔ̍ se̍ ja̍ tè.

Chɔɔn 8:54

Jusu la̍a̍, “Pò ǐn ja ǎn chɛ̀-a nynɛ̌ i̍ bɛ̌-ɛ de-ɛ, nɛ̀ ɛ̍ mu̍ pɔ̀ɔ̍pìe̍ nynɛ̌ nu̍. Jɛ ǐn Baa ɔ̀ mɔ̀ la̍ ɔ̀ nu̍-a mɔ̀-a Nyɔsoa-aɛ, ɔ̍ bo ɔ̀ bɛ̌-ɛ ǎn nynɛ̌ i̍.

Chɔɔn 9:24

Wɛ̀ u̍h dǎ-ɛ jɔ̍gbau ɔ̀ dɔ̌-a de-ɛ de̍ dɛ. U̍h la̍a̍, “Ji̍ ìè slɛ̀ɛ̀n, ka àn mu̍-a tìh-a taǐn sà da̍a Nyɔsoa jǔ-ɛ. Dɛ̍nu̍ɛ, jɔ̍gbau la ɔ̀ pɔ̀ni-a àn jlǐh-ɛ, à juo ɛ̍-ɛ gblɛ̍n sɔ̀ɛ̀n nyɔ̍ bo.”

Chɔɔn 9:3

Jusu la̍a̍, “Ɔ̍ dɔ̌-ɛ se̍ dě ɔ̍ chɛ̀-a gblɛ̍n sɔ̀ɛ̀n ke ɔ̍ de̍ bei-a gblɛ̍n sɔ̀ɛ̀n we̍ dɛ̍ i̍ po̍. Jɛ ɔ̍ dɔ̌-ɛ wɛ̀ ka Nyɔsoa-a gbǐh-a nu̍-a dbo̍-ɛ, iě nyɔ̍ɔ iě ɛ̍ jě dǒ ɔ̍ pùn.

Wloma 11:11

Ǎn tèle tìh i̍ dɛ o, ɛ̀ Juu nyɔ̍ gbèle-a ka-ɛ, nɛ̀ u̍h kà i̍ wɛ̀ kleǐnklein ae? Iěe tììh. Jɛ u̍h-a gblɛ̍n sɔ̀ɛ̀n nu̍ ɛ̍ wɛ̀ pǔh-ɛ ji̍ ùh se̍-a Juu nyɔ̍-ɛ we̍, ɛ̍ iě Juu nyɔ̍ wlɛ̀n di̍i̍ po̍.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Felepai 1:20

Dɛ̍ ǐn gbàɛ̀-a iě ǐn tè-a wlì-ɛ, ɛ̍ nu̍ ǐn se̍ ǎn chɛ̀ tɛ̀n nui mu̍ kleǐnklein. Ǎn mu̍ wlu gbài̍gbài̍ kaka, wɛ̀ pò dě nya̍-ɛ, ǐn nɛ kmɔ̌ àe̍e̍ pò ǐn mɛ̌-ɛ, wɛ̀ ǎn ku̍ kli̍hgbɛ̍ iě Klai ja̍ tè.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Pitɛ 4:11

Nyɔ̍-o-nyɔ̍ ɔ̀ mu̍-a tìh bla̍-ɛ, Nyɔsoa-a wlu̍ bo ɔ̍ iě bla̍. Nyɔ̍-o-nyɔ̍ ɔ̀ mu̍-a nyɔ̍ jǔ dbee ke-ɛ, ɔ̍ dbee u̍h jǔ dǒ gbǐh Nyɔsoa nyǐ-a ɔ̍ ɛ̍ we̍. Wɛ̀ Nyɔsoa iě tìhwe̍ po̍-eɛ dǒ Jusu Klai-a nynɛ̌ kɛ̍n dǒ dɛ̍ᵻ kli̍hgbɛ̍ we̍. Tìh-a i̍ bɛ̌-ɛ ke gbǐh kɔn dǒ ɔ̍ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

1 Pitɛ 4:14

Pò u̍h po̍ mɔ̀ wlu̍ pùn mɔ̀-a Klai de̍e̍ gbǎ tìh-ɛ, nɛ̀ mɔ̀ nmɔ i̍. Dɛ̍nu̍ɛ, tìh-a i̍ bɛ̌-ɛ Sùù ɛ̀ kɔn-a dǒ Nyɔsoa we̍-ɛ, nɛ̀ ɛ̍ nɛ mɔ̀ kɛ̍n.