Chɔɔn 10:6 - Ku̍o̍ Delee 1999

⁶ Jusu sèàɛ̍ u̍h dɛ̍ wlùh dě nɛnǎ la di̍i̍. Jɛ dɛ̍ ɔ̍ sà-a dě u̍h we̍-ɛ, u̍h se̍ ɛ̍-ɛ i̍ wɔ̌n.

Chɔɔn 10:6 Iomraidhean Croise

Matio 13:34

Ìh kli̍hgbɛ̍ la Jusu-a wlu-a dě nyɔ̍ tlùgbei̍ la we̍-ɛ, dě nɛnǎᵻ di̍i̍ bo ɔ̍ jaɛ i̍h. Ɔ̍-ɔ ja dɛ̍-ɛ sà dě u̍h we̍ wɛ̀ ɔ̍-ɔ se̍ nɛnǎ po̍.

Matio 13:51

Wɛ̀ Jusu tèle ɔ̍ kòà i̍, ɔ̍ la̍a̍, “Ìh kli̍hgbɛ̍ la ǐn bla̍-aɛ, mɔ̀ wɔ̌n i̍h-i ae?” Iě u̍h la̍a̍, “I̍i̍n, à wɔ̌n i̍h-i.”

Pɔ̀n Chɛ̀ Maɛ To-a La 4:34

Ɔ̍-ɔ ja dě u̍h we̍ wlu wɛ̀ ɔ̍-ɔ se̍ nɛnǎ po̍. Jɛ pò ɔ̍ ke ɔ̍ kòà chɛn gbɔ̍i̍ wɛ̀-ɛ, wɛ̀ ɔ̍ sèàɛ̍ dɛ̍ᵻ kli̍hgbɛ̍ we̍ i̍ dě u̍h we̍.

Chɔɔn 16:25

“Nɛnǎᵻ bo ǎn po̍ wɛ̀ ǎn sà tìh i̍ dě mɔ̀ we̍. Jɛ ti̍ ǐn se̍-a nɛnǎᵻ po̍ mu̍-ɛ, ɛ̍ mu̍ ji̍, wɛ̀ iě ǐn Baa-a tìh i̍ sà te̍gbe̍i̍n dě mɔ̀ we̍.

Chɔɔn 16:29

Wɛ̀ ɔ̍ kòà la̍a̍, “Jɛwɛ̀ àn wlu te̍gbe̍i̍n nɛ̀ po̍ nɛnǎᵻ dɛ.

Chɔɔn 6:52

Sɔ ɛ̍ po̍ nyɔ̍gbei jlu̍h-u iě ɛ̍ feǎn dǒ u̍h wlì. U̍h la̍a̍, “Jɔ̍gbau la ka ɔ̍ mu̍ ɔ̍ ku̍ àɔ̀ nyǐ-ɛ nu̍ à iě di̍ ɛ?”

Chɔɔn 6:60

Ɔ̍ kòà dɔu wɔ̌n-a ɛ̀ la-ɛ, iě u̍h la̍a̍, “Nǎ jɛ la ɛ̍ kma i̍. Nyɔ̍ bo ɔ̀ bɛ̌ɛ ɛ̍ i̍ gbɛ̍n-ɛ nɔ̌ kmɔ̌ ɛ?”

Chɔɔn 7:36

Ɛ̀ ɔ̍ la̍a̍, ‘Mɔ̀-a mu̍ ǐn i̍ pɔ̀n, nɛ̀ mɔ̀ se̍ ǐn jě mu̍, nɛ̀ tà ǎn mu̍-a nɛ-ɛ, mɔ̀ se̍-e ji̍-ɛ bɛ̌ɛ mu̍-ɛ,’ nɛ̀ ɛ̍ naɛ gbɔ̀-a nynɛ̌ ɛ?”

Chɔɔn 8:27

Sɔ u̍h se̍ ɛ̍-ɛ i̍ wɔ̌n ka ɔ̍ wlu-a dě u̍h we̍ ɔ̍ Baa tìh-ɛ.

Chɔɔn 8:43

Dɛ̍nu̍ mɔ̀-ɔ wɔ̌n ǎn wlu̍ i̍ ɛ? Dɛ̍nu̍ɛ, mɔ̀ se̍ dɛ̍ ǎn bla̍-a dounᵻ we̍ po̍-ɛ i̍ pɔ̀n dɛbo.

1 Kɔwlɛntiɔn 2:14

Jɛ nyɔ̍ ɔ̀ Nyɔsoa-a Sùù se̍-a dě ja̍a̍ nɛ-ɛ, nɛ̀ ɔ̍ dounᵻ se̍ dě ɛ̍ nyǐ-dɛ̍ᵻ we̍ nɛ. Nyɔ̍ kaɛn laa̍ nɛ̀ ɔ̍ se̍ i̍h i̍ wɔ̌n-ɛ bɛ̌ɛ. I̍h nu̍ se̍o̍nɛ dǒ ɔ̍ we̍. Dɛ̍nu̍ɛ, Nyɔsoa-a Sùù bo ɛ̀ nu̍ ɛ̍ wɛ̀ nyɔ̍-a juo i̍h-a sèàɛ̀gbàà.

2 Pitɛ 2:22

Dɛ̍ ɛ̀ nɛ-a u̍h jii̍-ɛ, ɛ̍ to ɛ̍ ka nɛnǎᵻ la i̍h nu̍-a tìh-a taǐn-ɛ. I̍h la̍a̍, “Gbè bǐi i̍ wɛ̀ ɛ̍ bɛ̍ ɛ̍ chɛ̀-a wlàwi̍h. Be̍e̍ ɛ̀ wɔ̀-a dle-ɛɛ, ɛ̍ bo ɛ̀ bǐi i̍ wɛ̀ ɛ̍ gbǎ dě pɔlɔ̌ di̍i̍ dode̍.”

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.