Chɔɔn 10:4 - Ku̍o̍ Delee 1999

⁴ Pò ɔ̍ sǐ-i i̍h sɔ̀n-ɛ, nɛ̀ ɔ̍ gbǎ dǒ i̍h jǔ wɛ̀ i̍h-a wɔ̀ dǒ ɔ̍ de̍e̍, dɛ̍nu̍ɛ, i̍h juo ɔ̍ wlu̍ i̍.

Chɔɔn 10:4 Iomraidhean Croise

Matio 16:24

Wɛ̀ ɔ̍ la̍a̍ dě ɔ̍ kòà we̍, “Pò nyɔ̍-o-nyɔ̍ ja pɔ̀n ɔ̍ iě dǒ ǐn de̍e̍ gbǎ-ɛ, nɛ̀ ɔ̍ tǎli ɔ̍ chɛ̀-a wlùh gbɛ̍n dɛ̍ᵻ i̍, ɔ̍ iě ɔ̍ naɛ gbàɛ̍ kɛ̍n i̍ tu̍-u dǔ, wɛ̀ ɔ̍ iě dǒ ǐn de̍e̍ gbǎ.

Chɔɔn 10:16

Ǎn blawɛ̌ᵻ diih ìh se̍-a nɔ̌ kòò la di̍i̍ nɛ-ɛ ǐn kɔn iě i̍h ja ke, nɛ̀ i̍h-a mu̍ ǎn wlu̍-u i̍ wɔ̌n. Wɛ̀ i̍h iě blawɛ̌ᵻ gbà due nu̍ dǒ i̍h-a we̍ i̍ gbɛ̀n nyɔ̍ due sɔ̀n.

Chɔɔn 10:27

Ǐn juo ǎn blawɛ̌ᵻ i̍, nɛ̀ i̍h-a wɔ̌n ǎn wlu̍-u i̍, iě i̍h-a wɔ̀ dǒ ǐn de̍e̍.

Chɔɔn 10:3

Nɛ̀ i̍h-a kòò jlǐhɛ̍ tù nyɔ̍-a pɔ̀ni ɔ̍ wɔ̍i̍n. Nɛ̀ pò ɔ̍ ja ɔ̍ kɔn-ɔ blawɛ̌ᵻá nynɛ̌ dǎ-ɛ, nɛ̀ i̍h-a juo ɔ̍ wlu̍ i̍, wɛ̀ ɔ̍ sǐ-i i̍h sɔ̀n.

Chɔɔn 10:5

Ɛ̍ tù dihwi̍h-ɛ, nɛ̀ i̍h-a mu̍ ɔ̍ kwa̍ kwlǎ gbǎ-ɛ. I̍h se̍ dǒ ɔ̍ de̍e̍ wɔ̀ mu̍, dɛ̍nu̍ɛ, i̍h se̍ ɔ̍ wlu̍ i̍ juo.”

Chɔɔn 10:8

Juh kli̍hgbɛ̍ ji̍-a ǐn jǔ-ɛ, jlǐ-nyɔ̍ bo, sɔ blawɛ̌ᵻá dounᵻ se̍ dě u̍h we̍ nɛ.

Chɔɔn 12:26

Nyɔ̍-o-nyɔ̍ ɔ̀ pɔ̀n-a ǐn jǔ dbee-ɛ i̍-ɛ, nɛ̀ ɔ̍ kɔn ɔ̍ iě dǒ ǐn de̍e̍ gbǎ. Wɛ̀ tà ǐn nɛ-aɛ, ǎn pòi̍ju iě-o nɛ ke. Nyɔ̍ ɔ̀ mu̍-a ǐn jǔ dbee-ɛ, ǐn Baa-a mu̍ ɔ̍ ja̍ tè.

Chɔɔn 13:15

Ɛ̀ ǎn nu̍-a mɔ̀ pùn-ɛ, nɛ̀ wìè bo ǎn toe mɔ̀, wɛ̀ mɔ̀ iě-e ǎn wɔ̀ɔ̀ i̍ sà.

Chɔɔn 18:37

Pale la̍a̍, “Iě nɛ̀ mɔ̀ blǔh baa lě.” Jusu la̍a̍, “Nàa̍, mɔ̍ blǔh baa. Ɛ̍ kɔn tìh ǐn wlǔh iě ǐn ji̍ da̍a kmɔ̌ la we̍, wɛ̀ iě tìh-a taǐn-a sàànsi̍i̍h nu̍. Nyɔ̍ juh kɔn-a dǒ tìh-a taǐn we̍-ɛ, u̍h bo ùh-a wɔ̌n ǎn wlu̍-i i̍.”

Chɔɔn 3:29

Nynɔ̌ delee kɔn dǒ ɔ̍ kɔan ɔ̍ ji̍-ia jla̍-a we̍. Nɛ̀ pò kɔan delee ba̍ nyna doǒ i̍ wɛ̀ ɔ̍ iě kɔan-a wlu̍ wɔ̌n-ɛ, nɛ̀ ɛ̍ po̍ ɔ̍ mɔna̍-a kaa̍. Ɛ̍ bo ɛ̀ po̍ m ke, ǎn nmɔ-ɛ wɛ̀ kwlǎ wɛ̀ kaka.

1 Kɔwlɛntiɔn 11:1

Mɔ̀ sà-e ǎn wɔ̀ɔ̀ i̍, ka ǎn nu̍-ae Klai-a wɔ̀ɔ̀ i̍ sà-aɛ.

Ɛfɛsɔ 5:1

Ka mɔ̀ nu̍-a Nyɔsoa-a tìh kma nynuu̍-ɛ, nɛ̀ ɔ̍ wɔ̀ɔ̀ bo mɔ̀ iě-e i̍ sà.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 6:20

Jusu mu̍ à jǔ iě ɔ̍ pa̍ dě gbòju laa̍ di̍i̍ dǒ à tàà. Wɛ̀ ɔ̍ nu̍ ka slaǎ sà nyɔ̍-a dlǔtu nɔ̌ kmɔ̌-a kmɔ̌, ka slaǎ sà nyɔ̍ Mɛokeslɛ-ɛ.

1 Pitɛ 2:21

Ɛ̍ kɔn tìh bo Nyɔsoa dǎ mɔ̀, dɛ̍nu̍ɛ, Klai-a chɛ̀ sàɛ̀ jua̍i̍ ke dǒ mɔ̀ we̍. Mɔ̀ɔ̍ bo ùh nu̍ ɔ̍ blaiɛ̍ ɔ̍ si̍e̍ mɔ̀ iě-e ɔ̍ wɔ̀ɔ̀ i̍ sà.

1 Pitɛ 4:1

Nɛ̀ɛ̍, ka Klai jě-a ɔ̍ chɛ̀-a ku̍ wɔ̍n-ɛ, nɛ̀ mɔ̀ gbàɛ̀ mɔ̀ iě dě ɔ̍ tu̍ laa̍ di̍i̍ nɛ ke. Dɛ̍nu̍ɛ, nyɔ̍-o-nyɔ̍ ɔ̀ jě-a ɔ̍ chɛ̀-a ku̍ wɔ̍n-ɛ, nɛ̀ ɔ̍ sɔ dě gblɛ̍n sɔ̀ɛ̀n di̍i̍ wɛ̀.

1 Pitɛ 5:3

Mɔ̀ bɔ̌ u̍h nyɔ̍ klaaᵻ dɛ̍ kɛ̍n i̍ nui-ɛ, jɛ mɔ̀ɔ̍ bo u̍h iě dɛ̍ i̍ blaɛ.