Chɔɔn 10:2 - Ku̍o̍ Delee 1999

² Jɛ nyɔ̍ ɔ̀ jii-a dǒ ɛ̍ wɔ̍n we̍-ɛ, nɛ̀ i̍h-a we̍ i̍ gbɛ̀n nyɔ̍ bo.

Chɔɔn 10:2 Iomraidhean Croise

Matio 15:11

Dɛ̍ ɛ̀ mu̍-a dě nyɔ̍ wɔ̍ɔ̍n-ɛ, ɛ̍-ɛ nyni nyɔ̍ dě Nyɔsoa jlǐh i̍. Jɛ dɛ̍ ɛ̀ sɔ-a dě wɔ̍ɔ̍n-ɛ, ɛ̍ bo ɛ̀ nyni nyɔ̍ dě Nyɔsoa jlǐh i̍.”

Chɔɔn 10:14

Mɔ̍ blawɛ̌ᵻ we̍ i̍ gbɛ̀n nyɔ̍ chɛ̀. Ǐn juo ǎn blawɛ̌ᵻ iě ǎn blawɛ̌ᵻ juo m.

Chɔɔn 10:7

Ɛ̍ kɔn Jusu wlu dɛ dě u̍h we̍, ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, mɔ̍ bo ɔ̀ nu̍ kòò-a wɔ̍n dǒ blawɛ̌ᵻ we̍.

Chɔɔn 10:9

Mɔ̍ bo ɔ̀ nu̍ kòò-a wɔ̍n. Nyɔ̍ jɔ mu̍-a ǐn we̍ jii-ɛ, nɛ̀ ɔ̍ mu̍ pǔh. Nɛ̀ ɔ̍ mu̍ pa̍ sǐ sɔ̀n nu̍, wɛ̀ ɔ̍ iě di̍-dɛ̍ jě.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

1 Timote 4:14

Sùù-a nyǐ-dɛ̍ ɛ̀ Nyɔsoa nyǐ-a m̀ dǒ ɔ̍ tu̍owli po̍ nyɔ̍-a wlu̍ kɛ̍n ti̍ chɔchi̍h-a nyɔ̍ klaaᵻ tè-a ìn sɔ̍n dlǔ-ɛ, bɔ̌ ɛ̍ gbɔ̀jlɔ̍kɔ̍ɔ̍ i̍ po̍-ɛ.

Taitɔ 1:5

Ɛ̀ kɔn tìh ǐn sie-a m̀ dě Kli bloa̍ kɛ̍n-ɛ, ɛ̍ nu̍ ìè dɛ̍ᵻ ìh se̍-a nɛ ke̍-ɛ nu̍. Ìè chɔchi̍h-a nyɔ̍ klaaᵻ chèɛ̀ tba̍ wlɔ̀ᵻ di̍i̍ i̍ dǒ ka ǐn nu̍-a ìn slɛ̌ chèɛ̀ i̍ po̍-ɛ we̍.

Iblu 13:20

Ǎn sà nǐ wɔ̍n kmɔ̌ i̍ gbe̍ɛ̍ɛn Nyɔsoa iě mɔ̀ dɛ̍ᵻ chɛ̀ kli̍hgbɛ̍ nyǐ, wɛ̀ mɔ̀ iě ɔ̍ wlùh nu̍. Ɔ̍ sà-e à Joi Jusu ɔ̀ nu̍-a Blawɛ̌ᵻ We̍ I̍ Gbɛ̀n Nyɔ̍-a wɔ̍n ku̍ naɛ ɔ̀ kɔn nymɔ̍ to-a ɛ̍ ka Nyɔsoa po̍-a ku̍o̍ kleǐnklein-ɛ. Ǎn sà nǐ wɔ̍n ke Nyɔsoa iě ɛ̍ nu̍ à iě ɔ̍ wlùh i̍ tè-e dě Jusu Klai ja̍a̍. Nɛ̀ dǒ Klai we̍ bo tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

1 Pitɛ 2:25

Mɔ̀ wɔ̀ blawɛ̌ᵻ ìh gbǎ-ɛa tàmlain-ɛ, jɛ kaka la̍ mɔ̀ ja-ɛ de̍ wɛ̀ dǒ ɔ̀ tù-a mɔ̀-a tìh jlǐhɛ̍-ɛ we̍.

1 Pitɛ 5:4

Nɛ̀ pò Blawɛ̌ᵻ We̍ I̍ Gbɛ̀n Nyɔ̍ Klaa Klai ji̍-ɛ, wɛ̀ mɔ̀ iě tìh-a i̍ bɛ̌-ɛ blawɛ̌ ɛ̀ se̍-a jlǐh wɛ̀ la̍ kɔn-ɛ tèè.

Wlɛfeleseɔn 1:20

Dɛ̍ᵻ ìh sìle-a ìh nu̍-a chǔhtlɛ̀n mɛ̀sɔɔ̌n ìn jě-a dě ǎn di̍na̍ kwa̍a̍-ɛ ke chlǎn nape̍ᵻá kɛ̍n tè dɛ̍ᵻ mɛ̀sɔɔ̌n laa̍ ìh nui-a kòo̍-ɛ, i̍h-a gbɔ̀ la. Chǔhtlɛ̀n mɛ̀sɔɔ̌n laa̍ bo ìh nu̍ Nyɔsoa-a ǐnchɔ̀ dǒ chɔchi̍h nyɔ̍ nɛ-a wlɔ̀ᵻ mɛ̀sɔɔ̌n di̍i̍-ɛ we̍. Wɛ̀ chlǎn nape̍ᵻá kɛ̍n tè dɛ̍ᵻ mɛ̀sɔɔ̌n nu̍ chɔchi̍h mɛ̀sɔɔ̌n-a chɛ̀.”