Chɔɔn 10:16 - Ku̍o̍ Delee 1999

¹⁶ Ǎn blawɛ̌ᵻ diih ìh se̍-a nɔ̌ kòò la di̍i̍ nɛ-ɛ ǐn kɔn iě i̍h ja ke, nɛ̀ i̍h-a mu̍ ǎn wlu̍-u i̍ wɔ̌n. Wɛ̀ i̍h iě blawɛ̌ᵻ gbà due nu̍ dǒ i̍h-a we̍ i̍ gbɛ̀n nyɔ̍ due sɔ̀n.

Chɔɔn 10:16 Iomraidhean Croise

Matio 17:5

Ɔ̍ nɛ dǒ wlu la̍ sǔh wɛ̀ nǐgban ji̍ iě ɛ̍ kaɛn dǒ u̍h dlǔwèàì. Dǒ wlu̍ sɔ-ɛ dě ɛ̍ di̍i̍, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍. Mɔ̀ tù ɔ̍ wlu̍ dounᵻ.”

Pɔ̀n Chɛ̀ Luu To-a La 15:8

“Nynɔ̌ ɔ̀ blě-a sebla̍ wlǐ-a jɔ̌ pùè-ɛ, pò i̍h-a due mǎ-ɛ, nɛ̀ dɛ̍ ɔ̍ mu̍ nu̍ ɛ? Nɛ̀ ɔ̍ mu̍ nape̍ tba̍ ɔ̍ iě dě gbò i̍ wo̍lo, ɔ̍ iě i̍ gbèɛ̀ɛ̍n te̍e̍, wɛ̀ ɔ̍ iě ɛ̍ jě-ɛ dǔ.

Chɔɔn 10:11

“Mɔ̍ bo ɔ̀ nu̍ blawɛ̌ᵻ we̍ i̍ gbɛ̀n nyɔ̍ chɛ̀. Blawɛ̌ᵻ we̍ i̍ gbɛ̀n nyɔ̍ chɛ̀ bo ɔ̀ sà ɔ̍ feɛ kwlǎ dǒ blawɛ̌ᵻ we̍.

Chɔɔn 10:2

Jɛ nyɔ̍ ɔ̀ jii-a dǒ ɛ̍ wɔ̍n we̍-ɛ, nɛ̀ i̍h-a we̍ i̍ gbɛ̀n nyɔ̍ bo.

Chɔɔn 10:27

Ǐn juo ǎn blawɛ̌ᵻ i̍, nɛ̀ i̍h-a wɔ̌n ǎn wlu̍-u i̍, iě i̍h-a wɔ̀ dǒ ǐn de̍e̍.

Chɔɔn 10:3

Nɛ̀ i̍h-a kòò jlǐhɛ̍ tù nyɔ̍-a pɔ̀ni ɔ̍ wɔ̍i̍n. Nɛ̀ pò ɔ̍ ja ɔ̍ kɔn-ɔ blawɛ̌ᵻá nynɛ̌ dǎ-ɛ, nɛ̀ i̍h-a juo ɔ̍ wlu̍ i̍, wɛ̀ ɔ̍ sǐ-i i̍h sɔ̀n.

Chɔɔn 10:4

Pò ɔ̍ sǐ-i i̍h sɔ̀n-ɛ, nɛ̀ ɔ̍ gbǎ dǒ i̍h jǔ wɛ̀ i̍h-a wɔ̀ dǒ ɔ̍ de̍e̍, dɛ̍nu̍ɛ, i̍h juo ɔ̍ wlu̍ i̍.

Chɔɔn 10:5

Ɛ̍ tù dihwi̍h-ɛ, nɛ̀ i̍h-a mu̍ ɔ̍ kwa̍ kwlǎ gbǎ-ɛ. I̍h se̍ dǒ ɔ̍ de̍e̍ wɔ̀ mu̍, dɛ̍nu̍ɛ, i̍h se̍ ɔ̍ wlu̍ i̍ juo.”

Chɔɔn 11:52

Jɛ ɛ̍ se̍ Juu bloa̍ nɛ due-a tìh ɔ̍ se̍ mɛ̌ mu̍. Jɛ ɔ̍ mɛ̌ɛ-a mu̍ Nyɔsoa-a nynuu̍ ùh gbà-a ja̍i̍-ɛ i̍ gbòe. Wɛ̀ u̍h iě nyɔ̍ due nu̍.

Chɔɔn 17:20

“Ǐn se̍ dǒ u̍h nɛ due-a tàà ba̍le, jɛ nyɔ̍ ùh gbaɛ-a ǐn wlùh dǒ u̍h-a wlu̍ kɛ̍n-ɛ, u̍h kɔn tàà bo ǎn ba̍le ke,

Chɔɔn 6:37

Jɛ nyɔ̍ kli̍hgbɛ̍ ǐn Baa nyǐ-a m-ɛ, u̍h-a mu̍ ǐn we̍ ji̍. Nɛ̀ nyɔ̍ jɔ mu̍-a ǐn we̍ ji̍-ɛ, ǐn se̍ gba̍ ɔ̍ i̍ nu̍.

Nu̍-dɛ̍ᵻ 15:14

Samo sèàɛ̍ àɔ̀ wlùh tiɔ, ɔ̍ la̍ Nyɔsoa iě-a ùh se̍-a Juu nyɔ̍-ɛ ja̍ gbɛ̀n-ɛ i̍ sàɛ̀-ɛ, dǒ ɔ̍ sà-ɛ nyɔ̍ dě u̍h nynɛ̌ ɔ̍ nynɛ̌ iě u̍h kɛ̍n nɛ.

Nu̍-dɛ̍ᵻ 18:10

Dɛ̍nu̍ɛ, ǐn nɛ ìn kɛ̍n. Ka ǐn blě-a nyɔ̍ dɔu da̍a wlɔ̀ la di̍i̍-ɛ, nɛ̀ nyɔ̍ se̍ ìn dɛ̍ sɔ̀n pùn nu̍-ɛ bɛ̌ɛ.”

Nu̍-dɛ̍ᵻ 22:14

Ɔ̍ la̍a̍, ‘À baaᵻá Nyɔsoa tba̍ ìn chèɛ̀ ìè ɔ̍ wlùh juo, ìè ɔ̍ Pòi̍ju ɔ̀ slɛ̌-a i̍-ɛ jě, wɛ̀ ìè wlu̍-a mu̍-a dě ɔ̍ wɔ̍ɔ̍n sɔ-ɛ wɔ̌n.

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

2 Tɛsoloniɔn 2:13

À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

Iblu 13:20

Ǎn sà nǐ wɔ̍n kmɔ̌ i̍ gbe̍ɛ̍ɛn Nyɔsoa iě mɔ̀ dɛ̍ᵻ chɛ̀ kli̍hgbɛ̍ nyǐ, wɛ̀ mɔ̀ iě ɔ̍ wlùh nu̍. Ɔ̍ sà-e à Joi Jusu ɔ̀ nu̍-a Blawɛ̌ᵻ We̍ I̍ Gbɛ̀n Nyɔ̍-a wɔ̍n ku̍ naɛ ɔ̀ kɔn nymɔ̍ to-a ɛ̍ ka Nyɔsoa po̍-a ku̍o̍ kleǐnklein-ɛ. Ǎn sà nǐ wɔ̍n ke Nyɔsoa iě ɛ̍ nu̍ à iě ɔ̍ wlùh i̍ tè-e dě Jusu Klai ja̍a̍. Nɛ̀ dǒ Klai we̍ bo tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

1 Pitɛ 2:10

Sàǐtòò-ɛ, nɛ̀ mɔ̀ se̍ Nyɔsoa-a nyɔ̍, jɛ kaka la̍, mɔ̀ɔ̍ ɔ̍ nyɔ̍ wɛ̀. Sàǐtòò-ɛ, nɛ̀ mɔ̀ɔ̍ jě Nyɔsoa-a wɔɛ kɔn-ɛ de, jɛ kaka la̍ mɔ̀-a jě ɛ̍ la̍-ɛ.

1 Pitɛ 2:25

Mɔ̀ wɔ̀ blawɛ̌ᵻ ìh gbǎ-ɛa tàmlain-ɛ, jɛ kaka la̍ mɔ̀ ja-ɛ de̍ wɛ̀ dǒ ɔ̀ tù-a mɔ̀-a tìh jlǐhɛ̍-ɛ we̍.

1 Pitɛ 5:4

Nɛ̀ pò Blawɛ̌ᵻ We̍ I̍ Gbɛ̀n Nyɔ̍ Klaa Klai ji̍-ɛ, wɛ̀ mɔ̀ iě tìh-a i̍ bɛ̌-ɛ blawɛ̌ ɛ̀ se̍-a jlǐh wɛ̀ la̍ kɔn-ɛ tèè.

Wlɛfeleseɔn 3:20

Kaka la̍, ǐn nyna i̍ dǒ gbaba kɛ̍ɛ̍n iě ǎn bla̍ ɛ̍. Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ iě dǒ gbò wɔ̍i̍n pɔ̀ni-ɛ, nɛ̀ ǎn mu̍ dě ɔ̍ we̍ gbò pa̍ ɔ̍ ke ǐn ke à iě sɔ̍n jǔ gbo̍a̍ɛ.