Chɔɔn 10:12 - Ku̍o̍ Delee 1999

¹² Jɛ nyɔ̍ jɔ se̍-a blawɛ̌ᵻ kɔn wɛ̀ u̍h pɛ̌ɛ-a ɔ̍ ɔ̍ iě-a dǒ i̍h we̍ i̍ gbɛ̀n-ɛ, nɛ̀ ɔ̍ se̍ blawɛ̌ᵻ we̍ i̍ gbɛ̀n nyɔ̍ chɛ̀ɛ̌chɛ̀. Pò ɔ̍ jě gbɛ̍n-nmi̍ɛ̍ ja ji̍-ɛ, nɛ̀ ɔ̍ ple̍-e ɔ̍ sɔ dǒ blawɛ̌ᵻ we̍. Nɛ̀ pò ɛ̍ flǎ i̍h-a dɛ̍-ɛ, nɛ̀ i̍h gbà ja̍i̍.

Chɔɔn 10:12 Iomraidhean Croise

Matio 10:16

Ɔ̍ la̍a̍, “Ǎn dbo̍ mɔ̀ ka nyɔ̍-a dbo̍ blawɛ̌ᵻ dě gbɛ̍n-nmi̍i̍ nynɛ̌ we̍-ɛ. Ɛ̍ tìh-ɛ, mɔ̀ klǐhbih jlǐh i̍ ka nǐ plǐn la̍ smìɛ̍-ɛ, wɛ̀ mɔ̀ iě gba̍n gbɛ̍n ke.

Matio 7:15

Ɔ̍ la̍a̍, “Mɔ̀ nu̍ nɛnɛ̌ dǒ Nyɔsoa-a tu̍owli po̍ nyɔ̍-a si̍h naɛ we̍. Pò u̍h ja dǒ nyɔ̍ we̍ ji̍ sàǐtòò-ɛ, nɛ̀ u̍h gbɛ̍n tìh i̍ ka blawɛ̌-ɛ. Jɛ nɛ̀ u̍h wɔ̀ gbɛ̍n-nmi̍i̍ dě u̍h di̍i̍ ka.

Chɔɔn 10:13

Ɔ̍ ple̍-e ɔ̍ sɔ dǒ blawɛ̌ᵻ laa̍ we̍-e, dɛ̍nu̍ɛ, ɔ̍ nu̍ dbo̍ pɛ̌ɛ la tìh, jɛ ɔ̍ se̍ i̍h-a ti̍ blě.

Chɔɔn 10:2

Jɛ nyɔ̍ ɔ̀ jii-a dǒ ɛ̍ wɔ̍n we̍-ɛ, nɛ̀ i̍h-a we̍ i̍ gbɛ̀n nyɔ̍ bo.

Chɔɔn 10:3

Nɛ̀ i̍h-a kòò jlǐhɛ̍ tù nyɔ̍-a pɔ̀ni ɔ̍ wɔ̍i̍n. Nɛ̀ pò ɔ̍ ja ɔ̍ kɔn-ɔ blawɛ̌ᵻá nynɛ̌ dǎ-ɛ, nɛ̀ i̍h-a juo ɔ̍ wlu̍ i̍, wɛ̀ ɔ̍ sǐ-i i̍h sɔ̀n.

Nu̍-dɛ̍ᵻ 20:29

Ǐn juo ɛ̍-ɛ pò ǐn sɔ da̍a-ɛ, gbɛ̍n-nmi̍i̍ ìh kma-a wɔ̍n-ɛ, i̍h-a mu̍ mɔ̀ nynɛ̌ gbǎ. Nɛ̀ i̍h se̍-o blawɛ̌ᵻ la i̍h-a dɛ̍ i̍ sie mu̍.

1 Timote 3:3

Nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, jɛ ɔ̍ gbɛ̍n gba̍n, ɔ̍ iě kmɔ̌ i̍ gbe̍ɛ̍ɛn nyɔ̍ nu̍. Ɔ̍ bɔ̌ wlǐ klǎn kɔn-ɛ.

1 Timote 3:8

Chɔchi̍h-a jǔ dbee nyɔ̍ kɔn u̍h iě tìh-a i̍ gbɛ̍n nyɔ̍ nu̍, u̍h bɔ̌ mɛɔ sɔɔ̌n wɔ̍ɔ̍n nɛ-ɛ. U̍h bɔ̌ nmɔ̍ dɔu nǎ nyɔ̍ nu̍-ɛ, u̍h bɔ̌ wlǐ klǎn kɔn-ɛ.

2 Timote 4:10

Dɛ̍nu̍ɛ, Dima gbǎ dě ti̍laa kmɔ̌ la ɛ̍ we̍ jbɛɛ dɛ di̍i̍. Ɛ̍ kɔn ɔ̍ sà ǐn sɔ̍nᵻ i̍, iě ɔ̍ mu̍ dǒ Tɛsolonaika. Klɛsɛin mu̍ Kelesea fɔɔ, iě Taitɔ mu̍ Damɛtia fɔɔ.

Taitɔ 1:7

Ka ɔ̍ nu̍-a fààmlà iě Nyɔsoa-a kɔan nɛ-a dě ɔ̍ kwa̍-ɛ, ɔ̍ bɔ̌ kǐh bu̍hᵻ i̍ nɛ-ɛ. Ɔ̍ bɔ̌ ɔ̍ chɛ̀ i̍ bɛ̌-ɛ, dǒ ɔ̍ wlì bɔ̌ i̍ kɔǎn-a, nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, ɔ̍ bɔ̌ wlǐ klǎn kɔn-ɛ.

1 Pitɛ 5:2

nyɔ̍ ùh Nyɔsoa nyǐ-a mɔ̀-ɛ, mɔ̀ gbɛ̀n dǒ u̍h we̍ i̍, mɔ̀ iě u̍h-a nɛnɛ̌ nu̍. Mɔ̀-a kloǒ bɔ̌ ɛ̍ nu̍-ɛ, jɛ mɔ̀ nu̍ ɛ̍ dǒ wlùh-a i̍ pɛ̌n-ɛ we̍ ka Nyɔsoa-a pɔ̀n-a mɔ̀ iě-a nu̍-ɛ. Mɔ̀ bɔ̌ dbo̍ nu̍-ɛ pɛ̌ɛ la tìh, jɛ mɔ̀ nui ɛ̍ nyɔ̍ jǔ dbee-ɛ.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.