Chɔɔn 10:10 - Ku̍o̍ Delee 1999

¹⁰ Jlǐ-nyɔ̍ nɔ̀ɔ̍, ɔ̍ ji̍-i ɔ̍ iě nyɔ̍ dbǎ, ɔ̍ iě jlǐ, ɔ̍ iě dɛ̍-ɛ gbɔ̀lɔ. Jɛ mɔ̍ɔ, ǐn ji̍-i wɛ̀ nyɔ̍-a feɛ-a tùlɛ̀ iě wɛ̀n i̍ tba̍-ɛ.

Chɔɔn 10:10 Iomraidhean Croise

Matio 18:10

Jusu la̍a̍, “Mɔ̀ nu̍ nɛnɛ̌ ùh plìh la mɔ̀-ɔ je̍e u̍h-a nyɔ̍ due jlǐhɛ̍ dlǔ bla̍. Bɔ̌ ǐn sèàɛ̍ mɔ̀ wlùh, dɛ̍nu̍ɛ, u̍h-a Nyɔsoa-a ǐnchɔ̀ nɛ-a dě ja̍i̍wlɔ̀-ɛ, i̍h ke ǐn Baa-a jiěe te̍e̍ deě. [

Matio 18:11

Dɛ̍nu̍ɛ, Nyi̍ɔ̍-a Jǔ ji̍-i ɔ̍ iě kwlǎ sie nyɔ̍ pǔh-i.]

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Matio 21:13

Wɛ̀ Jusu la̍a̍ dě u̍h we̍, “Ɛ̍ chlǐh-ɛ dě Nyɔsoa-a wlu̍ di̍i̍. Nyɔsoa la̍a̍, ‘Ǎn gbò kɔn ɛ̍ iě ba̍le gbò nu̍.’ Jɛ mɔ̀-a nui ɛ̍ jlǐ-nyɔ̍-a tè la̍ we̍i̍.”

Matio 23:13

Wɛ̀ Jusu la̍a̍, “Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀-a ka̍n Nyɔsoa-a kmɔ̌ wlu̍ i̍ kɔn-ɛa wìè dǒ nyɔ̍gbei we̍. Mɔ̀-a chɛ̀ wɔ̍-ɔ sǐ deě-i, iě juh-a pɔ̀n-a deě mu̍-ɛ i̍-ɛ, mɔ̀-ɔ wɔ̌n u̍h-u sǐ deě-i ke. [

Pɔ̀n Chɛ̀ Maɛ To-a La 11:17

Ti̍ ɔ̍ po̍-a nyɔ̍ nǎ-aɛ, wɛ̀ ɔ̍ la̍a̍, “Ɛ̍ chlǐh-ɛ dě Nyɔsoa-a wlu̍ di̍i̍. Nyɔsoa la̍a̍, ‘Ǎn gbò kɔn ɛ̍ iě bloa̍ kli̍hgbɛ̍-a ba̍le gbò nu̍.’ Jɛ mɔ̀-a nui ɛ̍ jlǐ-nyɔ̍-a tè la̍ we̍i̍.”

Pɔ̀n Chɛ̀ Luu To-a La 19:10

Dɛ̍nu̍ɛ, Nyi̍ɔ̍-a Jǔ ji̍ kwlǎ sie nyɔ̍ i̍ pɔ̀n la̍-a ɔ̍ iě u̍h pǔh-i.”

Chɔɔn 10:1

Jusu la̍a̍, “Tìh-a taǐn ǎn sèàɛ̍ mɔ̀ wlùh, nyɔ̍ jɔ mu̍-a dě blawɛ̌ᵻá kòò di̍i̍ wɛ̀ ɔ̍ se̍-a dǒ ɛ̍ wɔ̍n we̍ jii, iě ɔ̍ jii-a tàdɔ̀ɔ̀-ɛ, nɛ̀ jlǐ-nyɔ̍ bo.

Chɔɔn 10:11

“Mɔ̍ bo ɔ̀ nu̍ blawɛ̌ᵻ we̍ i̍ gbɛ̀n nyɔ̍ chɛ̀. Blawɛ̌ᵻ we̍ i̍ gbɛ̀n nyɔ̍ chɛ̀ bo ɔ̀ sà ɔ̍ feɛ kwlǎ dǒ blawɛ̌ᵻ we̍.

Chɔɔn 12:47

Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ se̍ ɛ̍ nu̍-ɛ, ǐn se̍ ɔ̍ tìh gbɛ̍n-ɛ mu̍. Dɛ̍nu̍ɛ, ǐn se̍ ji̍ iě kmɔ̌ tìh gbɛ̍n-ɛ, jɛ ǐn ji̍-i wɛ̀ iě ɛ̍ sèìe.

Chɔɔn 12:6

Ɔ̍ bla̍ ɛ̀ la̍ sǔh jɛ ɛ̍ se̍ ɔ̍ nyɔ̍gbà nyɔ̍-a tìh kma-a. Ɔ̍-ɔ jlǐ-nyɔ̍ dɛbo. Ɔ̍ bo ɔ̀ nu̍ wlǐ i̍ tè nyɔ̍, jɛ nɛ̀ kǎ ɔ̍ di̍ i̍h we̍i̍ wɛɛ wɛɛ.

Chɔɔn 3:17

Nyɔsoa se̍ ɔ̍ Jǔ dbo̍ da̍a kmɔ̌ we̍ ɔ̍ iě ɛ̍ tìh gbɛ̍n-ɛ, jɛ wɛ̀ ɔ̍ iě ɛ̍ sèìe.

Chɔɔn 5:40

Jɛ mɔ̀-ɔ wɔ̌ɛn nɔ̌ ǐn we̍ ji̍ tìh i̍, wɛ̀ mɔ̀ iě feɛ jě.

Chɔɔn 6:33

Nyɔ̍ ɔ̀ sɔ-a dě ja̍i̍wlɔ̀ ɔ̀ ji̍-a nɔ̌ bloɔ̍ wɛ̀ ɔ̍ nyǐ-a kmɔ̌ nyɔ̍ feɛ-ɛ, ɔ̍ bo ɔ̀ nu̍ blèe̍ Nyɔsoa-a nyǐ nyɔ̍.”

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Wloma 2:21

Mɔ̀ ɔ̀ po̍-a nyɔ̍ duuh nǎ-ɛ, àn po̍ àn chɛ̀ nǎ ke nɔ̀ɔ̍ ae? Mɔ̀ ɔ̀ bla̍-a tìh nyɔ̍ bɔ̌-a jlǐ-ɛɛ, àn chɛ̀ nɛ̀ jlǐ ke nɔ̀ɔ̍ ae?

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

Iblu 6:17

Nyɔ̍ ùh kɔn tìh Nyɔsoa po̍-a wlu̍ tɔ̀ma̍a̍-ɛ, ka ɔ̍ se̍-a ɔ̍ wlùh i̍ bǐi mu̍-ɛ, ɔ̍ pɔ̀n ɛ̍ iě we̍i̍ flɔn kaa̍ ɛ̍ kɔn ɔ̍ slɛ̀ɛ̀n dɛ dǒ ɛ̍ de̍e̍.

Iblu 7:25

Ɛ̍ tìh-ɛ, nyɔ̍ ùh-a ji̍-a Nyɔsoa we̍ dě ɔ̍ ja̍a̍-ɛ, ɔ̍ bɛ̌ɛ u̍h pǔh-iɛ kaka ke ti̍ kli̍hgbɛ̍ we̍. Dɛ̍nu̍ɛ, ɔ̍ nɛ kmɔ̌ kleǐnklein ɔ̍ iě Nyɔsoa gbòɛ̀ i̍ bla̍-ɛ dǒ u̍h-a tàà.

2 Pitɛ 1:11

Nɛ̀ Nyɔsoa-a mu̍ mɔ̀ bu̍h i̍ sàɛ̀ wɛ̀ mɔ̀ iě dě à Sèìe Nyɔ̍ Joi Jusu Klai-a kmɔ̌ wlu̍ i̍ kɔn-ɛ di̍i̍ nɛ, ɛ̀ se̍-a i̍ sì la̍ kɔn-ɛ.