Chɔɔn 10:1 - Ku̍o̍ Delee 1999

¹ Jusu la̍a̍, “Tìh-a taǐn ǎn sèàɛ̍ mɔ̀ wlùh, nyɔ̍ jɔ mu̍-a dě blawɛ̌ᵻá kòò di̍i̍ wɛ̀ ɔ̍ se̍-a dǒ ɛ̍ wɔ̍n we̍ jii, iě ɔ̍ jii-a tàdɔ̀ɔ̀-ɛ, nɛ̀ jlǐ-nyɔ̍ bo.

Chɔɔn 10:1 Iomraidhean Croise

Matio 7:15

Ɔ̍ la̍a̍, “Mɔ̀ nu̍ nɛnɛ̌ dǒ Nyɔsoa-a tu̍owli po̍ nyɔ̍-a si̍h naɛ we̍. Pò u̍h ja dǒ nyɔ̍ we̍ ji̍ sàǐtòò-ɛ, nɛ̀ u̍h gbɛ̍n tìh i̍ ka blawɛ̌-ɛ. Jɛ nɛ̀ u̍h wɔ̀ gbɛ̍n-nmi̍i̍ dě u̍h di̍i̍ ka.

Chɔɔn 10:7

Ɛ̍ kɔn Jusu wlu dɛ dě u̍h we̍, ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, mɔ̍ bo ɔ̀ nu̍ kòò-a wɔ̍n dǒ blawɛ̌ᵻ we̍.

Chɔɔn 3:3

Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”

Wloma 10:15

Nɛ̀ pò nyɔ̍ se̍ dbo̍-eɛɛ, nɛ̀ ka tìh-a chɛ̀-ɛ mu̍ bla̍-ɛ nu̍ ɛ? Ɛ̍ kɔn Nyɔsoa-a wlu̍ la̍a̍, “Nyɔ̍ ùh-a bla̍-a pɔ̀n chɛ̀ la-ɛ, ɛ̍ po̍ nyɔ̍gbei mɔna̍-a dǒ u̍h-a ji̍-ɛ we̍.”

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

Taitɔ 1:11

Ìn kɔn ìè u̍h bɔ̌ i̍ po̍. Dɛ̍nu̍ɛ, wlǐ klǎn kɔn tìh-ɛ, u̍h-a nyni-i chɛ̌tu gbài̍ laa̍ u̍h-a dlǔᵻ jii̍ dǒ dɛ̍ᵻ u̍h se̍-a kɔn u̍h iě-a nǎ poe de-ɛ we̍.

Iblu 5:4

Nyɔ̍-ɔ dǔ nyɔ̍-a chɛ̀-ɛ, wɛ̀ nɛ̀ nu̍ àn chɛ̀ slaǎ sà nyɔ̍-a dlǔtu ɔ̀ kɔn nynɛ̌ bɛ̌-ɛa i̍-ɛ we̍i̍. Nyɔsoa due gbài̍ ɔ̀ dǎ nyɔ̍-ɛ, wɛ̀ nyɔ̍-a nu̍ dlǔtu, ɛ̍-ɛ bo ɛ̀ nɛ-a Ewlɔn pùn.

1 Pitɛ 1:10

Nyɔsoa-a nyɔ̍ sèìe blɛ la ɔ̍ mu̍-a mɔ̀ pùn nu̍-ɛ, ɔ̍ tu̍owli po̍ nyɔ̍ nu̍ ɛ̍ nɛnɛ̌, wɛ̀ u̍h chlɛ̌ ɛ̍ we̍ i̍ chɛ̀gbɛɛ, iě u̍h dǔ ɛ̍ gbànwli poe-ɛ.

2 Pitɛ 2:1

Ka Nyɔsoa-a tu̍owli po̍ nyɔ̍-a si̍h naɛ nu̍-a nyɔ̍ɔ nynɛ̌ gbǎ-a tɛin-ɛ, kǎ nǎ po̍ nyɔ̍-a si̍h naɛ-a mu̍ mɔ̀ nynɛ̌ gbǎ-a nu̍ ke ti̍laa. Nɛ̀ si̍h ɛ̀ gbɔ̀lɔ-a dɛ̍ɛ̍-ɛ, ɛ̍ bo u̍h-a mu̍ nyɔ̍gbei nǎ poe. Wɛ̀ Dlǔtu jɔ pùhbɔ-a u̍h kɛ̍ɛ̍n-ɛ, u̍h iě ɔ̍ chla tba̍. Wɛ̀ i̍-i gbɔ̀lɔ-ɛ ɛ̀ kèè-a nyɔ̍ kɛ̍n-ɛ, u̍h iě ɛ̍ u̍h-a chɛ̀ we̍ ja.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.