6 Jɔ̍gbau due bo Nyɔsoa dbo̍, ɔ̍ nynɛ̌ bo Chɔɔn.
Ɔ̀ la ɔ̍ kɔn tìh bo Nyɔsoa-a wlu̍ la̍a̍, ‘Ǎn mu̍ ǎn tu̍owli po̍ nyɔ̍ nya̍ dbo̍ dě ìn jǔ, ɔ̍ iě àn wìè gba̍a̍ po̍.’
Nyɔ̍ bo ɔ̀ nyǐ Chɔɔn tùn wɛ̀ ɔ̍ po̍ nyɔ̍ nǐ dlǔ ɛ? Nyɔsoa bo ɛɛ, àe̍e̍ wlɔ̀ nyi̍ɔ̍ bo ae?” Wɛ̀ u̍h-a sǔh-a pu̍e̍e ɛ̍ wɔ̍ɔ̍n i̍. U̍h la̍a̍, “Pò à la̍a̍, ‘Nyɔsoa bo-ɛ,’ nɛ̀ ɔ̍ mu̍ ka nu̍, ‘Dɛ̍nu̍ mɔ̀ se̍ ɔ̍ tìh chɛ̀ po̍ la̍ ɛ?’
Jɛ Joi-a ǐnchɔ̀ la̍a̍ dě ɔ̍ we̍, “Sɛɛkewlaɛɔ, bɔ̌ faɔn ple̍-ɛ. Nyɔsoa wɔ̌n àn ba̍le wlu̍ wɛ̀. Àn nynɔ̌ Ilesebɛ-a mu̍ jɔ̍gbau jǔ wlǔh-i dǒ ìn we̍, nɛ̀ ìn dǎɛ ɔ̍ Chɔɔn.
“Ǎn jǔ, mɔ̀ bo ɔ̀ mu̍ Sìì Nyɔ̍ Wɔ̍n Nyɔsoa-a tu̍owli po̍ nyɔ̍ nu̍. Dɛ̍nu̍ɛ, àn mu̍ dǒ Joi jǔ wɔ̀ ìè ɔ̍ wìè gba̍a̍ po̍.
Ǎn chɛ̀ ǐn se̍ ɔ̍ juo de, jɛ ɔ̀ dbo̍-a m iě-a nyɔ̍ nǐ dlǔ po̍ dǒ nǐ we̍-ɛ, ɔ̍ bo ɔ̀ la̍a̍ dě ǐn we̍, ‘Jɔ̍gbau àn mu̍-a jě Nyɔsoa-a Sùù iě-a wlù ji̍ wɛ̀ ɛ̍ iě-a ɔ̍-ɔ gbǎ-ɛ, nɛ̀ ɔ̍-ɔ bo. Nyɔsoa-a Sùù bo ɛ̀ mu̍ nǐ nu̍ ɔ̍ iě mɔ̀ dlǔ po̍.’
Mɔ̀-a chɛ̀ nu̍ ǎn sàànsi̍i̍h ka na̍a̍, ‘Ǐn se̍ Nyɔsoa-a Chèɛ̀ Tba̍ju, jɛ Nyɔsoa dbo̍ m nɔ̌ ɔ̍ jǔ.’
Jɛ Chɔɔn bo ɔ̀ bla̍ bǐi ìè nǐ dlǔ po̍ tìh dě Eslɔɛ nyɔ̍ kli̍hgbɛ̍ we̍ sasǎ, wɛ̀ Jusu dǔ ji̍-ɛ.
