Chɔɔn 1:51 - Ku̍o̍ Delee 1999

⁵¹ Iě ɔ̍ la̍a̍ dě u̍h we̍, “Ǎn sèàɛ̍ mɔ̀ tìh-a taǐn wlùh, mɔ̀-a mu̍ ja̍i̍wlɔ̀ jě ɛ̍ iě wɔ̍i̍n pɔ̀ni, wɛ̀ mɔ̀ iě Nyɔsoa-a ǐnchɔ̀ jě, i̍h iě mu̍ ja̍i̍ ji̍ wlù nu̍ dǒ Nyi̍ɔ̍-a Jǔ dlǔwèàì.”

Chɔɔn 1:51 Iomraidhean Croise

Matio 25:31

Jusu la̍a̍, “Ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍ wɛ̀ ɔ̍ ke ɔ̍ ǐnchɔ̀ iě-a na-ɛ, nɛ̀ ɔ̍ mu̍ i̍ tè dǒ ɔ̍ nynɛ̌ gbalǎ kɛ̍n.

Matio 26:24

Nyi̍ɔ̍-a Jǔ-a mu̍ mɛ̌ dǒ ka Nyɔsoa-a wlu̍ dǎ-a we̍. Jɛ nyɔ̍ ɔ̀ sà-a ɔ̍ kwlǎ-a, chlě dǒ ɔ̍ we̍. Nyɔ̍ laa̍ pò ɔ̍ se̍ wlǔh de-ɛ, nɛ̀ ɛ̍ nmɔ jii̍ de dǒ ɔ̍ we̍.”

Matio 3:16

Ti̍ Chɔɔn wɔ̀-a Jusu nǐ dlǔ po̍-ɛɛ, Jusu naɛ àn jǎ dǒ tlu̍h kɛ̍n ka-a, sɔ ja̍u̍n pɔ̀ni wɔ̍i̍n dǒ ɔ̍ we̍ sǔh, iě ɔ̍ jě Nyɔsoa-a Sùù-a ji̍ wlù dǒ ɔ̍ we̍ ka gbɔ̀lǐh-a ji̍ gbǎ la̍-ɛ.

Matio 4:11

Wɛ̀ Kǔ sɔ dǒ ɔ̍ we̍-e. Iě Nyɔsoa-a ǐnchɔ̀ ji̍ wɛ̀ i̍h gbǎ ɔ̍ we̍.

Matio 8:20

Wɛ̀ Jusu la̍a̍ dě ɔ̍ we̍, “Kwlǎ nmi̍i̍ blě pɛ̌na̍ wɛ̀ na̍wɛ̍ᵻ blě tlěᵻ. Jɛ Nyi̍ɔ̍-a Jǔ nɔ̀ɔ̍, ɔ̍ se̍ tè la̍ kɔn.”

Matio 9:6

Jɛ ǎn pɔ̀n mɔ̀ iě ɛ̍ i̍ juo ka Nyi̍ɔ̍-a Jǔ blě-a tùn nɔ̌ bloɔ̍ ɔ̍ iě-a gblɛ̍n sɔ̀ɛ̀n-a tìh i̍ tǎli-ɛ.” Iě ɔ̍ la̍a̍ dě klɔ-nyɔ̍ we̍, “Sɔ bloɔ̍, dǔ àn sabli̍-i ìè gbò we̍ mu̍.”

Pɔ̀n Chɛ̀ Maɛ To-a La 1:10

Ɔ̍ naɛ àn sɔ dǒ niɔ̍ ka-ɛ, ɔ̍ jě ja̍u̍n ɛ̍ pɔ̀ni wɔ̍i̍n, wɛ̀ Sùù-a ji̍ wlù dǒ ɔ̍ we̍ ka gbɔ̀lǐh-ɛ.

Pɔ̀n Chɛ̀ Maɛ To-a La 14:62

Jusu la̍a̍, “I̍i̍n, mɔ̍ bo, nɛ̀ mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Pɔ̀n Chɛ̀ Luu To-a La 2:13

U̍h iě-a kli dǎ-a, nɛ̀ Nyɔsoa-a ǐnchɔ̀ sùɛ̀ sɔ dě ja̍i̍wlɔ̀ i̍h nɛ dǒ ǐnchɔ̀ laa̍ we̍, iě i̍h-a ble̍ Nyɔsoa tìhwe̍ po̍ duǐh. I̍h la̍a̍,

Pɔ̀n Chɛ̀ Luu To-a La 2:9

Dǒ Joi-a ǐnchɔ̀ wlǔh-i u̍h kɛ̍n, iě Joi-a tìh-a i̍ bɛ̌-ɛa fa̍n u̍h de̍e̍ i̍. Sɔ ɛ̍ po̍ u̍h faɔn kaa̍.

Pɔ̀n Chɛ̀ Luu To-a La 22:43

Wɛ̀ Nyɔsoa-a ǐnchɔ̀ sɔ dě ja̍i̍wlɔ̀ ɛ̍ wlǔh-i ɔ̍ i̍. Iě ɛ̍ po̍ ɔ̍ gbǐh ku̍u̍.

Pɔ̀n Chɛ̀ Luu To-a La 22:69

Jɛ sɔ da̍a sèàn blǐ-ɛ, Nyi̍ɔ̍-a Jǔ-a mu̍ i̍ tè dǒ Nyɔsoa ɔ̀ Blě-a Gbǐh Kli̍hgbɛ̍-ɛ di̍na̍ we̍.”

Pɔ̀n Chɛ̀ Luu To-a La 24:4

Sɔ ɛ̍ gbe-e dě u̍h di̍i̍ i̍. Kli-a ka-ɛ, nɛ̀ jɔ̍gbauᵻ sɔɔ̌n nɛ dě jlii̍ plǔᵻ di̍i̍ i̍h-a fa̍n, wɛ̀ u̍h nyna u̍h pùn.

Pɔ̀n Chɛ̀ Luu To-a La 3:21

Nyɔ̍ kli̍hgbɛ̍ wɔ̀-a nǐ dlǔ po̍-ɛ, wɛ̀ Jusu po̍ nǐ dlǔ ke. Ɔ̍ nɛ dǒ ba̍le la̍ wɛ̀ ja̍u̍n pɔ̀ni wɔ̍i̍n.

Chɔɔn 1:50

Wɛ̀ Jusu la̍a̍, “Na̍ ǐn jě m̀ dǒ fei-tu̍ sɔ̀n dɛbo ɛ̍ kɔn ìn gbaɛ ǐn wlùh ae? Bɔ̌, àn mu̍ wɔ̍n ku̍ dɛ̍ᵻ diih jě i̍h iě jɛ la sìì.”

Chɔɔn 10:1

Jusu la̍a̍, “Tìh-a taǐn ǎn sèàɛ̍ mɔ̀ wlùh, nyɔ̍ jɔ mu̍-a dě blawɛ̌ᵻá kòò di̍i̍ wɛ̀ ɔ̍ se̍-a dǒ ɛ̍ wɔ̍n we̍ jii, iě ɔ̍ jii-a tàdɔ̀ɔ̀-ɛ, nɛ̀ jlǐ-nyɔ̍ bo.

Chɔɔn 10:7

Ɛ̍ kɔn Jusu wlu dɛ dě u̍h we̍, ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, mɔ̍ bo ɔ̀ nu̍ kòò-a wɔ̍n dǒ blawɛ̌ᵻ we̍.

Chɔɔn 13:16

Tìh-a taǐn ǎn sèàɛ̍ mɔ̀ wlùh, pòi̍ju-u ku̍ wɔ̍n ɔ̍-ɔ sìì ɔ̍ dlǔtu. Nɛ̀ dbo̍ju se̍ wɔ̍n ku̍ ɔ̍ se̍ jɔ dbo̍-a ɔ̍-ɛ sìì.

Chɔɔn 13:38

Jusu la̍a̍, “Nàa̍ ìn gbàɛ̀ ìè ǐn we̍ mɛ̌-ɛ ae? Tìh-a taǐn ǎn sèàɛ̍ ìn wlùh, àn mu̍ ǎn tìh-i tòlo ìè gbɔ̍ᵻ ta̍a̍n nu̍ sasǎ wɛ̀ suuh iě slò-ɛ dǔ sɔ̀n wɔ̍i̍n.”

Chɔɔn 14:12

Bɔ̌ ǐn sèàɛ̍ mɔ̀ gblangbai̍ wlùh, nyɔ̍ jɔ gbaɛ-a ǐn wlùh-ɛ, dbo̍ ǎn nu̍-aɛ, nɛ̀ ɔ̍ mu̍ ɛ̍ nu̍ ke. Nɛ̀ ɔ̍ naɛ-a mu̍ wɔ̍n ku̍ i̍h iě jih la sìì. Dɛ̍nu̍ɛ, ǎn mu̍ dě Baa we̍.

Chɔɔn 16:20

Tìh-a taǐn ǎn sèàɛ̍ mɔ̀ wlùh, mɔ̀-a mu̍ fìn mɔ̀ iě sùàɛ̀n pa̍, wɛ̀ kmɔ̌ nyɔ̍ iě nmɔ. Mɔ̀-a wlùh-a mu̍ seɔn gbǎ. Jɛ mɔ̀-a wlùh-a seɔn gbǎ-a mu̍ nmɔ-ɛ sàɛ̀.

Chɔɔn 16:23

“Dǒ weɛ̍ laa̍ di̍i̍-ɛ, nɛ̀ mɔ̀ se̍ ǐn dɛ̍-o-dɛ̍-a tìh i̍ tèle mu̍ dɛ. Tìh-a taǐn ǎn sèàɛ̍ mɔ̀ wlùh, dɛ̍ jɛ mɔ̀-a mu̍-a jbǎ dě ǐn Baa we̍-ɛ, ɔ̍ mu̍ ɛ̍ mɔ̀ nyǐ dǒ ǎn nynɛ̌ kɛ̍n.

Chɔɔn 21:18

Tìh-a taǐn ǎn sèàɛ̍ mɔ̀ wlùh, ti̍ ìn nu̍-a jǔgbèlà-ɛ, nɛ̀ àn tba̍ àn chɛ̀ dɛ̍ gbɔ̀. Wɛ̀ àn mu̍ tà àn pɔ̀n-a mu̍-ɛ i̍-ɛ. Jɛ pò ìn nɛ̍ wɛ̀-ɛ, nɛ̀ àn slo̍ la̍ sɔ̍n iě nyɔ̍ dɔɔ-a pa̍-ɛ ìn dɛ̍-ɛ. Wɛ̀ ɔ̍ gba̍ m̀ tà ìn se̍-a pɔ̀n ìè-a mu̍-ɛ.” (

Chɔɔn 3:3

Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”

Chɔɔn 3:5

Jusu la̍a̍, “Tìh-a taǐn ǎn sèàɛ̍ ìn wlùh, pò nyɔ̍ wlǔh dode̍ dǒ nǐ ke Nyɔsoa-a Sùù we̍-ɛ, nɛ̀ ɛ̍ kɔn tɛ̀ ǐn sà-o. Jɛ pò ɛ̍ se̍ la̍a̍n nɛ-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ sǐ mu̍.

Chɔɔn 5:19

Wɛ̀ Jusu la̍a̍ dě u̍h we̍, “Mɔ̀ bɔ̌ ǐn sèàɛ̍ mɔ̀ tìh-a taǐn wlùh. Nyɔsoa-a Jǔ se̍ dɛ̍ nu̍-ɛ bɛ̌ɛ dǒ ɔ̍ chɛ̀-a gbǐh we̍. Jɛ dɛ̍ ɔ̍ jě-a ɔ̍ Baa kwa̍a̍-ɛ, ɛ̍-ɛ bo ɔ̍ nu̍. Dɛ̍nu̍ɛ, dɛ̍ Baa nu̍-aɛ, nɛ̀ ɛ̍ bo ɔ̍ Jǔ-a nu̍ ke.

Chɔɔn 5:27

Wɛ̀ ɔ̍ tù Jǔ-a chɛ̀ tùn kwa̍a̍ ɔ̍ iě taɔ pa̍, dɛ̍nu̍ɛ, ɔ̍-ɔ bo ɔ̀ nu̍ Nyi̍ɔ̍-a Jǔ.

Chɔɔn 6:26

Wɛ̀ Jusu la̍a̍, “Tìh-a taǐn ǎn sèàɛ̍ mɔ̀ wlùh, jbaɛdih mɔ̀ jě-a ǐn po̍-aɛ, ɛ̍ se̍ i̍h-a tìh mɔ̀ se̍ ka ǐn i̍ pɔ̀n o. Jɛ mɔ̀ di̍-a blèe̍ mɔ̀ dbo̍-aɛ, ɛ̍ kɔn tìh mɔ̀-a pɔ̀n ǐn i̍ o.

Chɔɔn 6:32

Iě Jusu la̍a̍ dě u̍h we̍, “Bɔ̌ ǐn sèàɛ̍ mɔ̀ tìh-a taǐn wlùh, Mose se̍ mɔ̀ blèe̍ ìh sɔ-a dě ja̍i̍wlɔ̀-ɛ nyǐ. Ǐn Baa bo ɔ̀ nyǐ la̍ mɔ̀ blèe̍-a gblangbai̍ ìh sɔ-a dě ja̍i̍wlɔ̀-ɛ.

Chɔɔn 6:47

Tìh-a taǐn ǎn sèàɛ̍ mɔ̀ wlùh, nyɔ̍ jɔ gbaɛ-a ǐn wlùh-ɛ, nɛ̀ ɔ̍ blě kmɔ̌ sie feɛ.

Chɔɔn 6:53

Iě Jusu la̍a̍ dě u̍h we̍, “Tìh-a taǐn ǎn sèàɛ̍ mɔ̀ wlùh, ɔ̀ nu̍-a Nyi̍ɔ̍-a Jǔ-ɛ, pò mɔ̀ se̍ ɔ̍ ku̍ la di̍, mɔ̀ se̍ ɔ̍ nymɔ̍ nǎ-ɛ, nɛ̀ mɔ̀ se̍ kmɔ̌ nɛ mu̍.

Chɔɔn 8:34

Jusu la̍a̍, “Tìh-a taǐn ǎn sèàɛ̍ mɔ̀ wlùh, nyɔ̍-o-nyɔ̍ ɔ̀ nu̍-a gblɛ̍n sɔ̀ɛ̀n-ɛ, nɛ̀ ɔ̍-ɔ gblɛ̍n sɔ̀ɛ̀n-a kèi̍.

Chɔɔn 8:51

Tìh-a taǐn ǎn sèàɛ̍ mɔ̀ wlùh, nyɔ̍ jɔ mu̍-a ǎn wlu̍ nu̍-ɛ, nɛ̀ ɔ̍ se̍ gba̍ mɛ̌.”

Chɔɔn 8:58

Jusu la̍a̍, “Tìh-a taǐn ǎn sèàɛ̍ mɔ̀ wlùh, Eblaɛɛn iě-a wlǔh-ɛ, nɛ̀ ‘Ǐn Nɛ Wɛ̀.’ ”

Nu̍-dɛ̍ᵻ 10:11

Wɛ̀ ɔ̍ jě ja̍u̍n ɛ̍ pɔ̀ni wɔ̍i̍n, iě dɛ̍ wɔ̀ jliɛ̍ klaa ɛ̍ sɔ dě ja̍u̍n di̍i̍. Nɛ̀ ɛ̍ wɔ̍nᵻ gbaᵻ nɛ-a nyìɛ̍-ɛ, i̍h gbɛ̍n-ɛ ɛ̍ i̍ iě ɛ̍ tlìh ɛ̍ ji̍ nɔ̌ bloɔ̍.

Nu̍-dɛ̍ᵻ 7:56

Iě Slifɛn la̍a̍, “Mɔ̀ gbɛ̀n-e, ǐn jě ja̍u̍n ɛ̍ pɔ̀ni wɔ̍i̍n, Nyi̍ɔ̍-a Jǔ nyna i̍ dǒ Nyɔsoa-a di̍na̍ we̍.”

2 Tɛsoloniɔn 1:7

Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

2 Tɛsoloniɔn 1:9

U̍h-a mu̍ kàn gbɛ̍n-ɛ, wɛ̀ u̍h iě-e gbɔ̀lɔ nɔ̌ kmɔ̌-a kmɔ̌. U̍h se̍ Joi-a jua̍a̍ jě mu̍, ɛ̍ ke ɔ̍ tìh-a i̍ bɛ̌-ɛa i̍ bɛ̌ɛ gbǐh ke.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Iblu 1:14

Ǐnchɔ̀-a chɛ̀ ka i̍h-a tìh nɛ ɛ? I̍h kli̍hgbɛ̍ bo ìh-a dbee Nyɔsoa jǔ. Iě Nyɔsoa dbo̍ i̍h, i̍h iě nyɔ̍ ɔ̍ mu̍-a pǔh-iɛ we̍ gbǎ.

Judi 1:14

Inɔ ɔ̀ po̍-a jǎɛ-o nyɔ̍-a gbɔ̍ᵻ mɛ̀sɔɔ̌n sɔ dě Adaun we̍-ɛ, ɔ̍ bo ɔ̀ po̍ gbànwli dǒ u̍h pùn. Ɔ̍ la̍a̍, “Joi ke ɔ̍ ǐnchɔ̀-a wlǔ-a wlǔ-a mu̍ ji̍

Wlɛfeleseɔn 19:11

Wɛ̀ ǐn jě ja̍i̍wlɔ̀ ɛ̍ pɔ̀ni wɔ̍n, iě soo̍bli plǔ nɛ deě. Ɔ̀ tè-a dǒ ɛ̍ kɛ̍n i̍-ɛ, ɔ̍ nynɛ̌ nu̍ Wlùh Gbaɛ ke Gblangbai̍ Nyɔ̍. Ɔ̍ nyɔ̍ kɛ̀n sà-a ke ɔ̍ tu̍h fɔ̀n-ɛ slɛ̌ i̍.

Wlɛfeleseɔn 4:1

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě gbò wɔ̍n dě ja̍i̍wlɔ̀, nɛ̀ ɛ̍ flɔn wɔ̍n ba̍a̍. Wɛ̀ wlu̍ ɛ̀ ke dɔ̍gbɛ̍-a wlu̍ wɔ̀ɛ-a ǐn wɔ̌n-a sàì-ɛ, ɛ̍ la̍a̍ dě ǐn we̍ dɛ, “Ji̍ nɔ̌ ja̍i̍ nɔ̍ɔ̀, wɛ̀ iě ìn dɛ̍ ɛ̀ kɔn ɛ̀ iě-a nɛ dě nya̍-ɛ toe.”