Chɔɔn 1:4 - Ku̍o̍ Delee 1999

⁴ Dě ɔ̍ ja̍a̍ bo feɛ nɛ. Feɛ laa̍ bo ɛ̀ nu̍ sɔ̀npli dǒ nyi̍ɔ̍ we̍.

Chɔɔn 1:4 Iomraidhean Croise

Matio 4:16

Mɔ̀ɔ̍ ùh tè-a dě kwile i̍ de-ɛ, mɔ̀ jě sɔ̀npli ɛ̀ ku̍-a wɔ̍n-ɛ wɛ̀. Mɔ̀ɔ̍ ùh tù-a se̍ Nyɔsoa juo tìh ùh mɛ̌-a wlɔ̀ i̍-ɛ, sɔ̀npli-a mu̍ la̍ fa̍n dě mɔ̀ we̍.”

Pɔ̀n Chɛ̀ Luu To-a La 2:32

Ɔ̍ bo ɔ̀ nu̍ sɔ̀npli ɔ̀ mu̍ àn tìh-a taǐn to dě ùh se̍-a Juu nyɔ̍-ɛ we̍. Wɛ̀ ɔ̍ iě àn tìh-a i̍ bɛ̌-ɛ dě àn Eslɔɛ nyɔ̍ we̍ gba̍.”

Chɔɔn 11:25

Wɛ̀ Jusu la̍a̍ dě ɔ̍ we̍, “Mɔ̍ bo ɔ̀ nu̍-e wlǔh-ɛ ke feɛ. Nyɔ̍ jɔ gbaɛ-a ǐn wlùh-ɛ, pò ɔ̍ jɛ mɛ̌-ɛ, jɛ nɛ̀ ɔ̍ mu̍ kmɔ̌ nɛ.

Chɔɔn 12:35

Iě Jusu la̍a̍ dě u̍h we̍, “Sɔ̀npli-a mu̍ da̍a mɔ̀ we̍ nɛ ke̍ dǒ ti̍ gbɔ̍ di̍i̍. Mɔ̀ na duedɛ ka mɔ̀ blě-a sɔ̀npli ke̍-ɛ, wɛ̀ wlù-u je̍e mɔ̀ wɔ̀-ɛ. Nyɔ̍ ɔ̀ na-ɛa dě kwile-ɛ, tà ɔ̍ mu̍-aɛ, nɛ̀ ɔ̍-ɔ jě-o i̍.

Chɔɔn 12:46

Ǐn ji̍ nɔ̌ kmɔ̌ we̍ ka sɔ̀npli-ɛ, wɛ̀ nyɔ̍ ùh gbaɛ-a ǐn wlùh-ɛ u̍h-u je̍e dě kwile di̍i̍ sie.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 3:19

Ɛ̀ mu̍-a tìh-a gbɛ̍n-ɛ blě-ɛ, ɛ̍-ɛ la. Sɔ̀npli ji̍ nɔ̌ kmɔ̌ we̍, jɛ nyɔ̍ɔ jbɛɛ kwile-e iě u̍h se̍ sɔ̀npli-i jbɛɛ. Dɛ̍nu̍ɛ, u̍h-a nu̍ dɛ̍ᵻ sɔ̀nᵻ.

Chɔɔn 5:21

Ka Baa-a sà-e mɛ̌-nyɔ̍ iě ɔ̍ nyǐ-a u̍h feɛ-ɛ, kǎ Jǔ-a nu̍ nyɔ̍ ɔ̍ pɔ̀n-a feɛ nyǐ-ɛ i̍-ɛ ke.

Chɔɔn 5:26

Ka Baa Nyɔsoa-a chɛ̀ nu̍-a nyɔ̍ feɛ nyǐ gbǐh blě-ɛɛ, kǎ ɔ̍ nu̍ ɔ̍ Jǔ wɛ̀ ke.

Chɔɔn 8:12

Wɛ̀ Jusu wlu dě Fɛlesii nyɔ̍ we̍ dɛ, ɔ̍ la̍a̍, “Mɔ̍ bo ɔ̀ nu̍ kmɔ̌ la ɛ̍ sɔ̀npli. Nyɔ̍ jɔ mu̍-a dǒ ǐn de̍e̍ gbǎ-ɛ, nɛ̀ ɔ̍ se̍ dě kwile-e na-ɛ mu̍, jɛ nɛ̀ ɔ̍ mu̍ sɔ̀npli ɛ̀ nyǐ-a nyɔ̍ feɛ-ɛ blě.”

Chɔɔn 9:5

Ka ǐn nɛ-a nɔ̌ kmɔ̌ we̍-ɛ, nɛ̀ mɔ̍ bo ɔ̀ nyǐ kmɔ̌ la sɔ̀npli.”

Nu̍-dɛ̍ᵻ 26:23

Ka Nyɔsoa-a Chèɛ̀ Tba̍ju-a mu̍-a jua̍i̍ sàɛ̀, wɛ̀ ɔ̍ iě-a sàǐtòò nyɔ̍ nu̍ ɔ̍ iě-ae wlǔh, wɛ̀ ɔ̍ iě-a sɔ̀npli-a tìh we̍i̍ bla̍ dě ɔ̍ chɛ̀-a nyɔ̍ ke ùh se̍-a Juu nyɔ̍-ɛ we̍-ɛ, i̍h bo ǎn bla̍ ke.”

1 Kɔwlɛntiɔn 15:45

Nyɔsoa-a wlu̍ la̍a̍, “Sàǐtòò jɔ̍gbau Nyɔsoa nu̍-aa ɔ̍ nynɛ̌ bo Adaun.” Jɛ Adaun jɔ bɔ̌ɛ-aoɛ bo ɔ̀ nu̍ nyɔ̍ feɛ nyǐ nyɔ̍.

Ɛfɛsɔ 5:14

Dɛ̍nu̍ɛ, dɛ̍ ɛ̀ sà-a dɛ̍ tà te̍gbe̍i̍n-ɛ, nɛ̀ sɔ̀npli bo. Ɛ̍ kɔn wlu̍ la ɛ̍ la̍a̍, “Mɛ̌-nyɔ̍, wlǔh-e ìè bloɔ̍ sɔ, wɛ̀ Klai-a sɔ̀npli iě ìn kɛ̍n i̍ fa̍n-ɛ.”

Kalase 3:4

Klai ɔ̀ nu̍-a mɔ̀-a kmɔ̌ nɛ-ɛɛ, ti̍ ɔ̍ mu̍-a tà wlǔh-ɛ, nɛ̀ mɔ̀ ke ɔ̍ mu̍ tà wlǔh dě tìh-a i̍ bɛ̌-ɛ di̍i̍.

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.

1 Chɔɔn 1:2

Feɛ laa̍ bo ɛ̀ wlǔh tà iě à jě ɛ̍, wɛ̀ à nu̍ ɛ̍ sàànsi̍i̍h iě à sèàɛ̍ mɔ̀ wlùh ɛ̍ tìh. Kmɔ̌ sie feɛ ɛ̀ nɛ-a dě Baa Nyɔsoa we̍-ɛ, ɛ̍-ɛ bo ɛ̀ wlǔh tà dǒ àɔ̀ we̍.

1 Chɔɔn 5:11

Nyɔsoa nyǐ à kmɔ̌ sie feɛ dě ɔ̍ Jǔ ja̍a̍. Ɛ̍ bo ɛ̀ nu̍ Nyɔsoa naɛ sàànsi̍i̍h.

Wlɛfeleseɔn 22:1

Wɛ̀ ǐnchɔ̀ toe ǐn nǐ klaa ɛ̀ nyǐ-a nyɔ̍ feɛ-ɛ, nɛ̀ ɛ̍ sɔ-ɛɛ dě Nyɔsoa ke Blawɛ̌ Jǔ-a nynɛ̌ gbalǎ we̍. Ɛ̍ nɛ wlihwlǐh ka klàsi̍-ɛ.

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”