Chɔɔn 1:34 - Ku̍o̍ Delee 1999

³⁴ Wɛ̀ ǐn jě ɛ̍ nɛ la̍, iě ǐn nu̍ ɔ̍ sàànsi̍i̍h, na̍ ɔ̀ la Nyɔsoa-a Jǔ bo.”

Chɔɔn 1:34 Iomraidhean Croise

Matio 11:27

Ɔ̍ la̍a̍, “Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ ùh Jǔ tba̍-a chèɛ̀ ɔ̍ iě-a Baa toe-ɛ ke.

Matio 16:16

Wɛ̀ Samo Pitɛ la̍a̍, “Mɔ̀ Chèɛ̀ Tba̍ju, ɔ̀ nu̍-a kmɔ̌ nɛ Nyɔsoa-a Jǔ-ɛ.”

Matio 17:5

Ɔ̍ nɛ dǒ wlu la̍ sǔh wɛ̀ nǐgban ji̍ iě ɛ̍ kaɛn dǒ u̍h dlǔwèàì. Dǒ wlu̍ sɔ-ɛ dě ɛ̍ di̍i̍, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍. Mɔ̀ tù ɔ̍ wlu̍ dounᵻ.”

Matio 26:63

Jɛ Jusu se̍ fuɛn nu̍. Wɛ̀ slaǎ sà nyɔ̍-a dlǔtu la̍a̍ dě ɔ̍ we̍, “Ji̍ ìè kmɔ̌ nɛ Nyɔsoa slɛ̀ɛ̀n pò ìn tù Chèɛ̀ Tba̍ju ɔ̀ nu̍-a Nyɔsoa-a Jǔ-ɛ, ìè à wlùh sèàɛ̍.”

Matio 27:40

U̍h la̍a̍, “Mɔ̀ ɔ̀ la̍ ɔ̀ mu̍-a Nyɔsoa-a slaǎ sà gbò wlǎ wɛ̀ ìè-a ɛ̍ po̍ dǒ wǐh ta̍a̍n di̍i̍-ɛ, pò ìn tù Nyɔsoa-a Jǔ chɛ̀ɛ̌chɛ̀-ɛ, nɛ̀ ìn sèìe àn chɛ̀ la̍, ìè dǒ gbàɛ̍ kɛ̍n i̍ tu̍ wlì sɔ.”

Matio 27:43

Ka ɔ̍ la̍ ɔ̍ nu̍-a Nyɔsoa-a Jǔ, iě ɔ̍ gbaɛ-a Nyɔsoa wlùh-ɛ, pò Nyɔsoa kma ɔ̍ tìh-ɛ, nɛ̀ ɔ̍ sèìe ɔ̍ la̍ à iě jě.”

Matio 27:54

Wloma-a fledlǔ-a chape ɔ̀ ke u̍h-a tù-a Jusu jlǐhɛ̍-ɛ, ti̍ u̍h jě-a wlù poɔ ɛ̀ ji̍-aɛ, ɛ̍ ke dɛ̍ᵻ dɔu diih ìh-a nɛ-aɛ, sɔ ɛ̍ po̍ u̍h faɔn kaa̍. Iě u̍h la̍a̍, “Ɔ̀ la Nyɔsoa-a Jǔ bo chɛ̀.”

Matio 3:17

Dǒ wlu̍ sɔ-ɛ dě ja̍i̍wlɔ̀. Ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍.”

Matio 4:3

Wɛ̀ Kǔ ji̍ iě ɛ̍ la̍a̍, “Jusu, pò ìn tù Nyɔsoa-a Jǔ chɛ̀-ɛ, nɛ̀ ìn wlu dě sɔɔ̌ᵻ la we̍ i̍h iě blèe̍ gba̍nᵻ sàɛ̀.”

Matio 4:6

Iě ɛ̍ la̍a̍ dě ɔ̍ we̍, “Pò ìn tù Nyɔsoa-a Jǔ chɛ̀-ɛ, nɛ̀ ìn po̍ àn chɛ̀ sɔ̀n. Dɛ̍nu̍ɛ, ɛ̍ chlǐh-ɛ dě Nyɔsoa-a wlu̍ di̍i̍, ɛ̍ la̍a̍, ‘Nyɔsoa-a mu̍ ɔ̍ ǐnchɔ̀ dbo̍ i̍h iě dǒ ìn we̍ i̍ gbɛ̀n. Nɛ̀ i̍h-i bo ìh-a mu̍ ìn sɔ̍nᵻ we̍ i̍ naɛ wɛ̀ sɔɔ̌ je̍e àn boɔ-a chɛ̀ i̍ kwǐi.’ ”

Matio 8:29

Wɛ̀ u̍h wǐ, u̍h la̍a̍, “Nyɔsoa-a Jǔ, ka àn pɔ̀n ìè à tìh nu̍ ɛ? Ìn ji̍-i ìè à kàn gbɛ̍n sasǎ wɛ̀ ti̍ iě-o nyni̍-ɛ dǔ ae?”

Pɔ̀n Chɛ̀ Maɛ To-a La 1:1

Ɛ̀ la bo ɛ̀ nu̍ pɔ̀n chɛ̀-a gbɔ̀ tè la̍ dǒ Nyɔsoa-a Jǔ Jusu Klai we̍.

Pɔ̀n Chɛ̀ Maɛ To-a La 1:11

Dǒ wlu̍ sɔ-ɛ dě ja̍i̍wlɔ̀, ɛ̍ la̍a̍, “Mɔ̀ ǎn tìh kma Jǔ, ǎn wlùh tè i̍ dǒ ìn we̍.”

Pɔ̀n Chɛ̀ Luu To-a La 1:35

Iě ǐnchɔ̀ la̍a̍ dě ɔ̍ we̍, “Nyɔsoa-a Sùù-a mu̍ ìn kɛ̍ɛ̍n ji̍, wɛ̀ Sìì Nyɔ̍ Wɔ̍n Nyɔsoa-a gbǐh iě ìn kɛ̍n nɛ. Ɛ̍ tìh-ɛ, jǔ ɔ̀ mu̍-a wlǔh-ɛ, ɔ̍ mu̍ Nyɔsoa-a Jǔ nu̍, wɛ̀ ɔ̍ iě ɔ̍ jǔ dbee.

Pɔ̀n Chɛ̀ Luu To-a La 3:22

Iě Nyɔsoa-a Sùù nɛ dě gbɔ̀lǐh-a tu̍ di̍i̍, wɛ̀ ɛ̍ ji̍ wlù dǒ ɔ̍ kɛ̍n. Wɛ̀ wlu̍ sɔ dě ja̍i̍wlɔ̀, ɛ̍ la̍a̍, “Mɔ̀ ǎn tìh kma Jǔ, ǎn wlùh tè i̍ dǒ ìn we̍.”

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 1:49

Wɛ̀ Natanio la̍a̍, “Dlǔtu, mɔ̀ Nyɔsoa-a Jǔ, mɔ̀ Eslɔɛ nyɔ̍-a Blǔh Baa.”

Chɔɔn 10:30

Ǐn ke ǐn Baa ke à nɛ due.”

Chɔɔn 10:36

Jɛ nɛ̀ mɔ̍ jɔ Baa Nyɔsoa tè-a tɛ̌n wɛ̀ ɔ̍ dbo̍-a nɔ̌ kmɔ̌ we̍-ɛ, nɛ̀ pò na̍ mɔ̍ ɔ̍ Jǔ-ɛ, nɛ̀ dɛ̍ bo ɛ̀ nu̍ ɔ̍ wɔ̍n blaɛ dɛ ǐn nu̍ ɛ?

Chɔɔn 11:27

Mata la̍a̍, “I̍i̍n Joi, ǐn po̍ ɛ̍ tìh chɛ̀ mɔ̀ bo ɔ̀ nu̍ Nyɔsoa-a Chèɛ̀ Tba̍ju, ɔ̀ nu̍-a ɔ̍ Jǔ ɔ̀ kɔn ɔ̀ iě-a nɔ̌ kmɔ̌ we̍ ji̍-ɛ.”

Chɔɔn 19:7

Wɛ̀ nyɔ̍gbei la̍a̍, “À blě telě, ɛ̍ la̍ ɔ̍ kɔn ɔ̍ iě mɛ̌, dɛ̍nu̍ɛ, ɔ̍ dǎɛ ɔ̍ chɛ̀ Nyɔsoa-a Jǔ.”

Chɔɔn 20:28

Tɔmɔ la̍a̍ dě ɔ̍ we̍, “Ǎn Joi ke ǎn Nyɔsoa.”

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Chɔɔn 6:69

À gbaɛ ìn wlùh wɛ̀, iě à juo ɛ̍ ka ìn nu̍-a Nɛi̍ Wɛ̀ Nyɔ̍ ìn sɔ-a dě Nyɔsoa we̍-ɛ.”

Wloma 1:4

Ti̍ Klai mɛ̌-aɛ, Nyɔsoa-a Sùù flɔn-ɛ ɛ̍ we̍i̍ ka ɔ̍ wlǔh-ae wɛ̀ ɔ̍ nu̍-a Nyɔsoa-a Jǔ ɔ̍ blě-a gbǐh-ɛ.

2 Kɔwlɛntiɔn 1:19

Dɛ̍nu̍ɛ, Nyɔsoa-a Jǔ Jusu Klai ɔ̀ kɔn tìh mɔ̍ ke, Sale ke, Timote ke à bla̍-a dě mɔ̀ we̍-ɛ, ɔ̍-ɔ wɔ̌n-ɛ “I̍i̍n” ke “Iěe” tàdùè. Jɛ “I̍i̍n” bo ɛ̀ sɔ dě ɔ̍ we̍ ti̍ kli̍hgbɛ̍ we̍.

Iblu 7:3

Nyɔ̍ se̍ ɔ̍ de̍ ke ɔ̍ baa ke ɔ̍ wloa̍ nyɔ̍ kli̍hgbɛ̍-a dɛ̍ i̍ juo. Nyɔ̍ wɔ̍ se̍ ɔ̍ wlǔh weɛ̍ ke ɔ̍ mɛ̌ɛ weɛ̍ juo ke. Ɔ̍ wɔ̀ Nyɔsoa-a Jǔ, ɔ̍ nu̍ slaǎ sà nyɔ̍ nɔ̌ kmɔ̌-a kmɔ̌.

1 Chɔɔn 2:23

Nyɔ̍ jɔ tba̍-a Jǔ chla-ɛ, nɛ̀ ɔ̍ tba̍ Baa chla. Jɛ nyɔ̍ ɔ̀ wɔ̌ɛn-a Jǔ-a tìh i̍-ɛ, nɛ̀ ɔ̍ wɔ̌ɛn Baa-a tìh i̍ wɛ̀ ke.

1 Chɔɔn 3:8

Nyɔ̍ jɔ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍ kɔn dǒ Kǔ we̍. Dɛ̍nu̍ɛ, Kǔ sà gblɛ̍n sɔ̀ɛ̀n nu̍-ɛ dě tɔ̀blɔ̍ɔ̍. Ɛ̍ kɔn Nyɔsoa-a Jǔ ji̍ wɛ̀ ɔ̍ iě Kǔ-a nu̍-dɛ̍ᵻ i̍ gbɔ̀lɔ.

1 Chɔɔn 4:9

Kǎ Nyɔsoa nu̍ ka ɔ̍ jbɛɛ to-ɛ nɔ̌ à nynɛ̌. Ɔ̍ dbo̍ ɔ̍ Jǔ jɔɛ̍ due gbài̍ nɔ̌ kmɔ̌ we̍. Pò à jii ɔ̍-ɛ, wɛ̀ à iě kmɔ̌ nɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

2 Chɔɔn 1:9

Nyɔ̍ jɔ se̍-a dǒ Klai-a nǎ po̍ wlu̍ de̍e̍ wɔ̀ wɛ̀ ɔ̍ tàn-ɛa ɛ̍ kɛ̍n-ɛ, nɛ̀ ɔ̍ tba̍ Nyɔsoa chla. Jɛ nyɔ̍ ɔ̀ nɛ-a dǒ ɔ̍ nǎ po̍-ɛ de̍e̍-ɛ, nɛ̀ Baa Nyɔsoa ke ɔ̍ Jǔ-a tìh bo ɔ̍ wɔ̌ɛn-ɛ.

Wlɛfeleseɔn 2:18

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Taɛtawla wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě Nyɔsoa-a Jǔ ɔ̀ kɔn jlǐh wɔ̀-a nɛ̍-a pàìbǒ iě ɔ̍ bu̍hᵻ wɔ̀-a ka nyɔ̍ po̍-a tìɛ̀n jlǐh-ɛ we̍.