Chɔɔn 1:18 - Ku̍o̍ Delee 1999

¹⁸ Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 1:18 Iomraidhean Croise

Matio 11:27

Ɔ̍ la̍a̍, “Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ ùh Jǔ tba̍-a chèɛ̀ ɔ̍ iě-a Baa toe-ɛ ke.

Pɔ̀n Chɛ̀ Luu To-a La 10:22

“Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ Jǔ tba̍-a chèɛ̀ ɔ̍ iě-a Baa toe-ɛ ke.”

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 12:41

Asaia bla̍ ɛ̀ la, dɛ̍nu̍ɛ, ɔ̍ jě Jusu-a nynɛ̌-a i̍ bɛ̌-ɛ, iě ɔ̍ bla̍ ɛ̍ dǒ ɔ̍ pùn.

Chɔɔn 13:23

Jusu-a kòà due ɔ̀ kɔn tìh ɔ̍ kma-ɛ, nɛ̀ ɔ̍ tè i̍ dǒ ɔ̍ pùn.

Chɔɔn 14:9

Iě Jusu la̍a̍, “Felɔ, ǐn wlè nɔ̌ mɔ̀ nynɛ̌ wɛ̀ de gbɛɛ̍. Ìn se̍ ǐn juo ke̍ sǔh ae? Nyɔ̍ jɔ jě-a m-ɛ, nɛ̀ ɔ̍ wɔ̀ ǐn Baa jě-ɛ wɛ̀. Ka ɛ̍ nu̍ wɛ̀ nàa̍ iě mɔ̀ Baa toe ke̍ gbɔ̀ɔ ɛ?

Chɔɔn 17:26

Ǐn nu̍ ɛ̍ u̍h juo àn nynɛ̌ wɛ̀. Nɛ̀ ɛ̍-ɛ bo ǎn mu̍ dluwe̍ i̍ gba̍ wɛ̀ ka ìn nu̍-a ǐn i̍ jbɛɛ-ɛ u̍h iě laǎn nyɔ̍ duuh jbɛɛ nu̍ ke, wɛ̀ iě u̍h-u nɛ ke.”

Chɔɔn 17:6

“Nyɔ̍ ìn sà-a kmɔ̌ ìn nyǐ-a m-ɛ, ǐn nu̍ ɛ̍ iě u̍h juo m̀ wɛ̀. U̍hɔ̍ɔ̍ àn nyɔ̍, iě ìn nyǐ u̍h m, wɛ̀ u̍h nu̍ àn wlu̍.

Chɔɔn 3:11

Tìh-a taǐn ǎn sèàɛ̍ ìn wlùh, dɛ̍ à juo-aɛ, ɛ̍ bo à sà-a. Dɛ̍ à jě-aɛ, ɛ̍ kɔn sàànsi̍i̍h bo à nu̍. Jɛ mɔ̀-a sà à wlu̍ dounᵻ i̍.

Chɔɔn 6:46

Ɛ̍ se̍ nɛ̀ nyɔ̍ dɔɔ jě Baa wɛ̀ ka i̍, jɛ nyɔ̍ ɔ̀ sɔ-a dě ja̍i̍wlɔ̀-ɛ, ɔ̍ kɔn tɛ̀ ǐn sà-o. Ɔ̍ bo ɔ̀ jě ɔ̍ wɛ̀.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Kalase 1:15

Klai ɔ̀ nyɔ̍-a jě-aɛ, ɔ̍ nɛ dě Nyɔsoa ɔ̀ nyɔ̍-ɔ jě-aɛ ɔ̍ tu̍ di̍i̍, iě ɔ̍ nu̍ sàǐtòò Jǔ kle̍kle̍ dǒ dɛ̍ᵻ kli̍hgbɛ̍ ìh nui-a nɔ̌ kmɔ̌-ɛ jǔ.

1 Timote 1:17

Nyɔsoa nɛ due gbài̍, ɔ̀ nu̍-a kmɔ̌ sie Blǔh Baa, ɔ̀ se̍-a mɛ̌ la̍ kɔn, ɔ̀ nɛ-a dě slè-ɛ, mɔ̀ tè ɔ̍ ja̍, mɔ̀ iě ɔ̍ nynɛ̌ i̍ bɛ̌-ɛ nɔ̌ kmɔ̌-a kmɔ̌. Kǎ ɛ̍-ɛ nɛ.

1 Timote 6:16

Ɔ̍ nɛ due ɔ̀ se̍ mɛ̌ la̍ kɔn, iě ɔ̍ tǐn dě sɔ̀npli ɛ̀ se̍-a i̍ plɛ̀n ka̍ nɛ-ɛ di̍i̍. Nyɔ̍ se̍ ɔ̍ jě-ɛ bɛ̌ɛ, wɛ̀ nyɔ̍-ɔ se̍a ɔ̍ jě. Dǒ ɔ̍ we̍ bo ja tè-ɛ ke kmɔ̌ sie gbǐh kɔn. Kǎ ɛ̍-ɛ nɛ.

1 Chɔɔn 4:12

Nyɔ̍-ɔ se̍a Nyɔsoa jě. Jɛ pò à jbɛɛ we̍-ɛ, nɛ̀ Nyɔsoa nɛ dě à ja̍a̍, iě ɔ̍ jbɛɛ wɛ̀ gblɛ̍ja̍i̍ dě à ja̍a̍.

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.

1 Chɔɔn 4:9

Kǎ Nyɔsoa nu̍ ka ɔ̍ jbɛɛ to-ɛ nɔ̌ à nynɛ̌. Ɔ̍ dbo̍ ɔ̍ Jǔ jɔɛ̍ due gbài̍ nɔ̌ kmɔ̌ we̍. Pò à jii ɔ̍-ɛ, wɛ̀ à iě kmɔ̌ nɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.