Chɔɔn 1:16 - Ku̍o̍ Delee 1999

¹⁶ Blɛ ɛ̀ jǐ-a dě ɔ̍ ja̍a̍-ɛ, ɛ̍ bo ɛ̀ jě-e à kli̍hgbɛ̍ pɔ̀ìě dɔu dɔu.

Chɔɔn 1:16 Iomraidhean Croise

Matio 13:12

Dɛ̍nu̍ɛ, nyɔ̍ ɔ̀ blě-a dɛ̍-ɛ, nɛ̀ ɔ̍ mu̍ dɛ̍ dɔu nyǐ-ɛ, wɛ̀ ɔ̍ iě tlùgbei̍ blě. Jɛ nyɔ̍ ɔ̀ se̍-a dɛ̍ blě-ɛ, nɛ̀ dɛ̍ juwɛ-a chɛ̀ ɔ̍ blě-a de-ɛ, ɛ̍ mu̍ ɔ̍ kwa̍a̍ sà-ɛ.

Matio 3:11

Ǎn po̍ mɔ̀ nǐ dlǔ dǒ nǐ we̍ ɛ̍ iě ɛ̍ to ka mɔ̀ poe-a mɔ̀-a gblɛ̍n sɔ̀ɛ̀n kɛ̍n i̍-ɛ. Jɛ jɔ mu̍-a ǐn kɛ̍n i̍ ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǎn chɛ̀ ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Matio 3:14

Sɔ Chɔɔn-a pɔ̀n ɔ̍ iě ɔ̍ bɔ̌ i̍ po̍, iě Chɔɔn la̍a̍, “Mɔ̀ jɔ iě-a ǐn nǐ dlǔ po̍-ɛ, wɛ̀ àn ji̍ nɔ̌ ǐn we̍ iě ìn nǐ dlǔ po̍ ae?”

Pɔ̀n Chɛ̀ Luu To-a La 21:15

Dɛ̍nu̍ɛ, ǎn mu̍ mɔ̀ wlu̍ wɔ̍ɔ̍n po̍, wɛ̀ iě mɔ̀ flɔ̍nwlùh nyǐ. Nɛ̀ mɔ̀-a nyɛ̌-nyɔ̍ se̍ ɛ̍ i̍ nyna-a bɛ̌ɛ mu̍ u̍h iě ɛ̍ dǒ wìè-i sà.

Chɔɔn 3:34

Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Wloma 5:17

Nyɔ̍ due-a gblɛ̍n sɔ̀ɛ̀n-a tìh bo ɛ̀ nu̍ ɛ̍ wɛ̀ mɛ̌ɛ kɔn nyɔ̍ kli̍hgbɛ̍ wlu̍ i̍. Jɛ nyɔ̍ ùh gbɛ̍n-a Nyɔsoa-a blɛ dɔu ke ɔ̍ nyǐ-dɛ̍ ɛ̀ nu̍-a nyɔ̍ i̍ slɛ̌-ɛ, nɛ̀ u̍h-a mu̍ kmɔ̌ sie feɛ blě wɛ̀ u̍h iě kmɔ̌ wlu̍ i̍ kɔn dě nyɔ̍ due ɔ̀ nu̍-a Jusu Klai-ɛ ja̍a̍.

Wloma 5:2

Dě ɔ̍ ja̍a̍ bo à jii iě à jě Nyɔsoa-a blɛ à nɛ-a ka dě di̍i̍-ɛ ɛ̍ gbɛ̍n la̍. Nyɔsoa-a tìh-a i̍ bɛ̌-ɛ à mu̍-a kwa̍a̍ i̍ klɛ̀ɛ̀n-ɛ, ɛ̍ bo à kɔ̍ wlùh i̍ wɛ̀ à nmɔ.

Wloma 5:20

Nyɔsoa po̍ telě wɛ̀ nyɔ̍-a gblɛ̍n sɔ̀ɛ̀n nu̍-ɛ iě kɛ̍n gbǎ. Jɛ tà gblɛ̍n sɔ̀ɛ̀n-a gbǎ-ɛa kɛ̍n-ɛ, dǒ Nyɔsoa-a blɛ-a gbǎ-ɛ kɛ̍n ke dɛ̍blɔ.

Wloma 8:9

Mɔ̀ɔ̍ nɔ̀ɔ̍, gblɛ̍n sɔ̀ɛ̀n-a tu̍ se̍ mɔ̀ wlu̍ i̍ kɔn dɛ, jɛ Nyɔsoa-a Sùù bo ɛ̀ kɔn mɔ̀ wlu̍ i̍ wɛ̀ ka ɛ̍ nɛ-a dě mɔ̀ ja̍a̍-ɛ. Nyɔ̍ ɔ̀ Klai-a Sùù se̍-a dě ja̍a̍ nɛ-ɛ, nɛ̀ ɔ̍ se̍ dǒ Klai we̍ kɔn.

Ɛfɛsɔ 1:23

Chɔchi̍h bo ɛ̀ wɔ̀ Klai-a ku̍ iě ɔ̍ wɔ̀ ɛ̍ dlǔ, wɛ̀ ɔ̍ jǐi chɔchi̍h i̍. Ɔ̍ nɛ tà kli̍hgbɛ̍, iě ɔ̍ jǐi kmɔ̌ kli̍hgbɛ̍-ɛ i̍.

Ɛfɛsɔ 3:19

Wɛ̀ mɔ̀ iě ɛ̍ juo ka Klai jbɛɛ-a mɔ̀ɔ̍-ɛ. Nyɔ̍ se̍ ɔ̍ mɔ̀ɔ̍ jbɛɛ we̍ i̍ ju̍o̍e-ɛ bɛ̌ɛ kleǐnklein. Nɛ̀ ɔ̍ jbɛɛ-a mu̍ ɛ̍ nu̍ Nyɔsoa-a nɛ ka̍ iě mɔ̀ɔ̍ i̍ jǐi.

Kalase 1:19

Dɛ̍nu̍ɛ, Nyɔsoa-a wlùh tè i̍ ɔ̍ nɛka kli̍hgbɛ̍ iě dě ɔ̍ Jǔ la ja̍a̍ nɛ.

Kalase 2:3

Dě ɔ̍ ja̍a̍ bo dɛ̍kɛ̍n gbǎ flɔ̍nwlùh ke tɔɔ kli̍hgbɛ̍ tè-ɛ i̍.

1 Pitɛ 1:11

Ka Klai-a mu̍-a jua̍i̍ sàɛ̀, wɛ̀ tìh-a i̍ bɛ̌-ɛ iě-a dǒ ɛ̍ de̍e̍ i̍ tba̍-aa, ti̍ i̍h-a mu̍-a nɛ-ɛ ke ka i̍h-a mu̍-a nɛ-ɛ nu̍-ɛ, ɛ̍ bo u̍h-a pɔ̀n juo-ɛ i̍. Iě Klai-a Sùù nɛ-a dě u̍h ja̍a̍-ɛ, wɛ̀ ɛ̍ sèàɛ̍ ɛ̍ we̍ i̍ dě u̍h we̍.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.