Chɔɔn 1:13 - Ku̍o̍ Delee 1999

¹³ Nyɔsoa-a chɛ̀ bo ɔ̀ nu̍ u̍h ɔ̍ nynuu̍ we̍i̍. U̍h se̍ wlǔh plǒai ka. U̍h-a wlǔh-ɛ se̍ dě nyi̍ɔ̍ we̍ sɔ-ɛ.

Chɔɔn 1:13 Iomraidhean Croise

Matio 3:9

Mɔ̀ bɔ̌ ka nu̍, ‘Àɔ̀ Eblaɛɛn-a nynuu̍, nɛ̀ Nyɔsoa se̍ à kàn gbɛ̍n mu̍,’ ɛ̍ nɔ̀ɔ̍, mɔ̀ bɔ̌ ɛ̍ dě di̍i̍ i̍ po̍-ɛ, dɛ̍nu̍ɛ, Nyɔsoa bɛ̌ɛ sɔɔ̌ᵻ la Eblaɛɛn-a nynuu̍ we̍i̍ nu̍-ɛ. Ɛ̍ kɔn ǎn sèàɛ̍ mɔ̀ wlùh,

Chɔɔn 3:3

Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”

1 Kɔwlɛntiɔn 3:6

Mɔ̍ bo ɔ̀ tù dɛ̍, iě Apolo nyǐ ɛ̍ nǐ, jɛ nɛ̀ Nyɔsoa bo ɔ̀ nu̍ ɛ̍ wɛ̀ ɛ̍ ku̍.

Felepai 2:13

Dɛ̍nu̍ɛ, Nyɔsoa bo ɔ̀ nu̍ dbo̍ dě mɔ̀ ja̍a̍ wɛ̀ dɛ̍ ɛ̀ pɛ̌n-ɛa ɔ̍ wlùh i̍-ɛ, iě mɔ̀-a pɔ̀n ɛ̍ nu̍-ɛ i̍.

Taitɔ 3:5

iě ɔ̍ sèìe àɔ̀. Ɛ̍ se̍ à nu̍-dɛ̍ᵻá i̍ slɛ̌ tìh ɔ̍ se̍ àɔ̀ sèìe. Jɛ ɔ̍ wɔɛ kɔn-ɛ bo ɛ̀ nu̍ ɛ̍ iě ɔ̍ pǔh-i àɔ̀ dě ɔ̍ Sùù di̍i̍. Ɔ̍ Sùù dle àɔ̀ i̍ ɛ̍ kɔn à wlǔh-ɛ ke à kmɔ̌ gbǎ delee i̍.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 1:23

Ɛ̍ se̍ baa jɔ-a mu̍-a mɛ̌-ɛ ja̍a̍ mɔ̀ se̍ wlǔh-i, jɛ dě jɔ se̍-a mɛ̌ mu̍-ɛ ja̍a̍ bo mɔ̀ wlǔh-i. Dɛ̍nu̍ɛ, Nyɔsoa-a wlu̍ ɛ̀ nɛ-a kmɔ̌, ɛ̀ se̍-a i̍ wɛ̀ la̍ kɔn-ɛ, dě ɛ̍ di̍i̍ bo mɔ̀ wlǔh-i wɛ̀ dode̍.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Pitɛ 2:2

Ka nynuu̍pli-a nu̍-a nyɛnɛ nǐ i̍ pɔ̀n-ɛ, kǎ mɔ̀ iě sùù-a di̍-dɛ̍ chɛ̀ i̍ pɔ̀n-ɛ nu̍ ke. Pò mɔ̀ di̍ ɛ̍-ɛ, nɛ̀ mɔ̀-a mu̍ ku̍, wɛ̀ mɔ̀ iě pǔh.

1 Chɔɔn 3:9

Nyɔ̍-ɔ nu̍ Nyɔsoa-a jǔ wɛ̀ ɔ̍-ɔ gba̍ gblɛ̍n sɔ̀ɛ̀n dluwe̍ i̍, dɛ̍nu̍ɛ, Nyɔsoa-a gblɛ̍n nɛ dě ɔ̍ ja̍a̍. Nɛ̀ ɔ̍ se̍ gblɛ̍n sɔ̀ɛ̀n nu̍-ɛ bɛ̌ɛ, dɛ̍nu̍ɛ, ɔ̍-ɔ Nyɔsoa-a jǔ.

1 Chɔɔn 4:7

Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

1 Chɔɔn 5:4

Dɛ̍nu̍ɛ, nyɔ̍ jɔ nu̍-a Nyɔsoa-a jǔ-ɛ, nɛ̀ ɔ̍ sà kmɔ̌-a dɛ̍ᵻ sɔ̀nᵻ klà wɛ̀. Dɛ̍ à du̍ i̍-a kmɔ̌ tu̍h-uɛ, ɛ̍ nu̍ à wlùh gbaɛ.