Chɔɔn 1:12 - Ku̍o̍ Delee 1999

¹² Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Chɔɔn 1:12 Iomraidhean Croise

Matio 10:40

Jusu la̍a̍, “Nyɔ̍ ɔ̀ mu̍-a mɔ̀-a tìh i̍ gbɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍ ɔ̀ gbɛ̍n-a ǎn tìh i̍-ɛ, nɛ̀ nyɔ̍ ɔ̀ dbo̍-a m-ɛ, ɔ̍ tìh bo ɔ̍ gbɛ̍n i̍ wɛ̀ ke.

Matio 12:21

Ɔ̍ nynɛ̌ bo kmɔ̌ kli̍hgbɛ̍-a mu̍ wlì tè.”

Matio 18:5

Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke.”

Chɔɔn 1:11

Ɔ̍ ji̍ dǒ ɔ̍ chɛ̀ blǐ, iě ɔ̍ chɛ̀-a blǐ nyɔ̍ se̍ ɔ̍ tìh i̍ gbɛ̍n.

Chɔɔn 1:7

Ɔ̍ ji̍-i ɔ̍ iě sɔ̀npli laa̍ ɛ̍ sàànsi̍i̍h nu̍, wɛ̀ ɔ̍ iě ɛ̍ tìh nyɔ̍ wlùh sèàɛ̍. Nɛ̀ nyɔ̍ kli̍hgbɛ̍-a mu̍ ɔ̍-ɔ jii wɛ̀ u̍h iě ɛ̍ tìh chɛ̀ po̍.

Chɔɔn 11:52

Jɛ ɛ̍ se̍ Juu bloa̍ nɛ due-a tìh ɔ̍ se̍ mɛ̌ mu̍. Jɛ ɔ̍ mɛ̌ɛ-a mu̍ Nyɔsoa-a nynuu̍ ùh gbà-a ja̍i̍-ɛ i̍ gbòe. Wɛ̀ u̍h iě nyɔ̍ due nu̍.

Chɔɔn 2:23

Ti̍ Jusu nɛ-a Juluslɛn dǒ Sììkɛ̍n Weɛ̍-a Peě tù ti̍ we̍-ɛ, jbaɛdih ɔ̍ po̍-aɛ bo nyɔ̍ dɔu jě iě u̍h gbaɛ ɔ̍ wlùh.

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Chɔɔn 3:18

Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ.

Nu̍-dɛ̍ᵻ 3:16

Jɛ Jusu-a nynɛ̌ wlùh gbaɛ bo ɛ̀ nɛ kmɔ̌, iě jɔ̍gbau la mɔ̀ juo-a iě mɔ̀-a jě-a ka da̍a-ɛ, wɛ̀ ɔ̍ dalǔhᵻ sǐ-o dode̍. Wlùh gbaɛ ɛ̀ jii-a dě Jusu ja̍a̍-ɛ, ɛ̍ bo ɛ̀ nɛ kmɔ̌ iě jɔ̍gbau la ɔ̍ pǔh ka te̍kle̍e̍. Ɔ̍ bo mɔ̀ kli̍hgbɛ̍ mɔ̀-a jě-a ka da̍a.

Wloma 8:14

Nyɔ̍ ùh Nyɔsoa-a Sùù-a naɛ-aɛ, u̍h bo ùh nu̍ Nyɔsoa-a nynuu̍.

Wloma 8:16

Nyɔsoa-a Sùù bo ɛ̀ nu̍ sàànsi̍i̍h ka à nu̍-a ɔ̍ nynuu̍-ɛ.

Wloma 8:19

Kmɔ̌ kli̍hgbɛ̍ Nyɔsoa nu̍-aɛ, ɛ̍ wlùh-a nu̍ jàjà ɛ̍ fuo ti̍ ɔ̍ mu̍-a ɔ̍ nynuu̍ ɛ̍ i̍ to-ɛ kɛ̍ɛ̍n.

Kelesea 3:26

Wlùh gbaɛ bo ɛ̀ nu̍ mɔ̀ kli̍hgbɛ̍ Nyɔsoa-a chɛǐ nynuu̍ we̍i̍ wɛ̀ dě Jusu Klai ja̍a̍.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Kalase 2:6

Ka mɔ̀ wɔ̌n-a wɛ̀ Jusu Klai iě-a mɔ̀-a Joi nu̍-ɛ, nɛ̀ mɔ̀ nɛ kmɔ̌ dě ɔ̍ ja̍a̍.

2 Pitɛ 1:4

Ɛ̍ kɔn ɔ̍ wlu̍ ɛ̀ gbǎ-a dɛ̍kɛ̍n iě ɛ̀ ku̍-a wɔ̍n-ɛ, wɛ̀ ɔ̍ po̍ ɛ̍ tɔ̀ma̍a̍ dǒ à we̍. Ɛ̍ bo ɛ̀ mu̍ kmɔ̌ nɛ wɛ̀ mɔ̀ iě kmɔ̌-a tba̍ɛ kɛ̍n i̍ la wɔ̍i̍n wa̍n, wɛ̀ mɔ̀ iě Nyɔsoa wɔ̀.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

1 Chɔɔn 3:10

Kǎ à nu̍ ka Nyɔsoa ke Kǔ-a nynuu̍ we̍ sèàɛ̍-ɛ. Nyɔ̍ ɔ̀-ɔ nu̍-a i̍ slɛ̌-dɛ̍-ɛ, nɛ̀ ɔ̍ se̍ Nyɔsoa-a jǔ, ɛ̍ ke nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ ke.

1 Chɔɔn 3:2

Ǎn tìh kma nyɔ̍, àɔ̀ Nyɔsoa-a nynuu̍ nɔ̀ɔ̍ wɛ̀, jɛ ka à mu̍-a nɛ dě nya̍-ɛ, ɛ̍ se̍ we̍i̍ flɔn ke̍. Jɛ à juo ka à mu̍-a nɛ-ɛ, ti̍ ɔ̍ mu̍-a àɔ̀ kɛ̍n wlǔh-iɛ, nɛ̀ à mu̍ ɔ̍ wɔ̀. Dɛ̍nu̍ɛ, ka ɔ̍ nɛ-aɛ, nɛ̀ à mu̍ ɛ̍ jě.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.