Chɔɔn 1:10 - Ku̍o̍ Delee 1999

¹⁰ Ɔ̀ kɔn nynɛ̌ nu̍-a Wlu̍-ɛ, ɔ̍ nɛ nɔ̌ kmɔ̌, iě kmɔ̌ nui-ɛ dě ɔ̍ ja̍a̍. Jɛ kmɔ̌-a nyɔ̍ se̍ ɔ̍ juo.

Chɔɔn 1:10 Iomraidhean Croise

Matio 11:27

Ɔ̍ la̍a̍, “Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ ùh Jǔ tba̍-a chèɛ̀ ɔ̍ iě-a Baa toe-ɛ ke.

Chɔɔn 1:11

Ɔ̍ ji̍ dǒ ɔ̍ chɛ̀ blǐ, iě ɔ̍ chɛ̀-a blǐ nyɔ̍ se̍ ɔ̍ tìh i̍ gbɛ̍n.

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 1:3

Dě ɔ̍ ja̍a̍ bo Nyɔsoa nui dɛ̍ᵻ kli̍hgbɛ̍. Dɛ̍ ɛ̀ se̍-a nui-ɛ dě ɔ̍ ja̍a̍-ɛ, nɛ̀ ɛ̍ se̍ nɛ.

Chɔɔn 1:5

Sɔ̀npli laa̍ bo ɛ̀ fa̍n dě kwile-e, wɛ̀ kwile se̍ ɛ̍ mɔ̌-ɛ bɛ̌ɛ.

Chɔɔn 17:25

I̍ Slɛ̌ Baa, kmɔ̌ se̍ ìn juo, jɛ mɔ̍ɔ ǐn juo m̀, iě juh la u̍h juo ɛ̍ ka ìn dbo̍-a m-ɛ.

Chɔɔn 5:17

Wɛ̀ Jusu la̍a̍, “Ǐn Baa-a nu̍ dbo̍ ma̍u̍, ɛ̍ kɔn ǎn nu̍ dbo̍ ke.”

Nu̍-dɛ̍ᵻ 14:17

Jɛ dɛ̍ᵻ chɛ̀ ɔ̍ nu̍-a i̍-ɛ, i̍h bo ìh nu̍ ɔ̍ sàànsi̍i̍h dǒ mɔ̀ we̍. Ɔ̍ nyǐ mɔ̀ nǐ iě ɛ̍ dba̍, wɛ̀ mɔ̀-a di̍-dɛ̍ᵻá tlo dǒ ti̍-a taǐn di̍i̍. Ɔ̍ nyǐ mɔ̀ di̍-dɛ̍ᵻ iě ɔ̍ jǐi mɔna̍ dǒ mɔ̀ pɔluh kɛ̍n.”

1 Kɔwlɛntiɔn 1:21

Nyɔsoa nu̍ ɛ̍ dě ɔ̍ flɔ̍nwlùh di̍i̍ wɛ̀ kmɔ̌ nyɔ̍ se̍ ɔ̍ juo-ɛ bɛ̌ɛ dě u̍h naɛ flɔ̍nwlùh di̍i̍. Dɛ̍ à bla̍-a iě kmɔ̌ nyɔ̍-a dǎɛ ɛ̍ se̍o̍nɛ. Nyɔ̍ ùh gbaɛ-a ɛ̍ wlùh-ɛ, u̍h-u bo Nyɔsoa pǔh-i.

1 Kɔwlɛntiɔn 2:8

Kmɔ̌ la ɛ̍ wlu̍ i̍ kɔn nyɔ̍-a nyɔ̍ se̍ flɔ̍nwlùh la blě. Pò u̍h blě ɛ̍ de-ɛ, nɛ̀ u̍h se̍ tìh-a i̍ bɛ̌-ɛ Joi dbǎ mu̍ dǒ gbàɛ̍ kɛ̍n i̍ tu̍ wlì de.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

Kalase 1:16

Dɛ̍nu̍ɛ, dɛ̍ᵻ kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ kmɔ̌-ɛ, dě ɔ̍ ja̍a̍ bo i̍h nui-ɛ. Jih nyɔ̍-a jě-aɛ ke jih nyɔ̍-ɔ jě-aɛ, ɛ̍ bo ɛ̀ nu̍-a gbǐh ke, nyɔ̍-a wlu̍ kwa̍ blě nyɔ̍ ke, joi kli̍hgbɛ̍ nɛ-a dě dlǔwèàì-ɛ ke tùn blě nyɔ̍ ke, dɛ̍ᵻ kli̍hgbɛ̍ nui-ɛ dě ɔ̍ ja̍a̍, iě ɔ̍ kɔn i̍h.

Iblu 11:3

À wlùh gbaɛ blě-ɛ bo ɛ̀ nu̍ ɛ̍ iě à juo ɛ̍ ka Nyɔsoa-a wɔ̍i̍n wlu̍ bo ɛ̀ nu̍-a kmɔ̌ la-ɛ. Sɔ jɛ ɛ̀ nyɔ̍-a jě-aɛ, ɛ̍-ɛ bo ɛ̀ nui-ɛ dě jɛ nyɔ̍-ɔ jě-aɛ ja̍a̍.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.