Iblu 8:8 - Ku̍o̍ Delee 1999

⁸ Jɛ Nyɔsoa jě ɔ̍ nyɔ̍ laa̍ klǐ-dɛ̍ pùn, ɛ̍ kɔn ɔ̍ la̍a̍, “Mɔ̍ Joi bo ɔ̀ wlu-a. Ɛ̍ mu̍ ti̍ kɔn, wɛ̀ iě ku̍o̍ delee po̍ dǒ ǐn ke Eslɔɛ nyɔ̍ nynɛ̌, ɛ̍ ke dǒ ǐn ke Juuda nyɔ̍ nynɛ̌ ke.

Iblu 8:8 Iomraidhean Croise

Matio 26:28

Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu-a gblɛ̍n sɔ̀ɛ̀n-a tìh i̍ tǎli-ɛ we̍.

Pɔ̀n Chɛ̀ Maɛ To-a La 14:24

Jusu la̍a̍ dě u̍h we̍, “Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu we̍.

Pɔ̀n Chɛ̀ Luu To-a La 17:22

Wɛ̀ ɔ̍ la̍a̍ dě ɔ̍ kòà we̍, “Ti̍-a ji̍ la̍-ɛ, wɛ̀ mɔ̀ iě Nyi̍ɔ̍-a Jǔ-a weɛ̍ due jě-ɛ i̍ pɔ̀n. Jɛ mɔ̀ se̍ ɛ̍ jě mu̍.

Pɔ̀n Chɛ̀ Luu To-a La 22:20

U̍h wɔ̀-a dɛ̍ di̍-ɛɛ, wɛ̀ ɔ̍ nyǐ u̍h kàu̍n laa̍ ke. Iě ɔ̍ la̍a̍, “Kàu̍n la, ɛ̍ bo ɛ̀ nu̍ ku̍o̍ delee Nyɔsoa po̍ dǒ ǎn nymɔ̍ ɛ̀ wlǎ-a i̍ dǒ mɔ̀ we̍-ɛ we̍.]

Pɔ̀n Chɛ̀ Luu To-a La 5:38

Jɛ nmɔ̍ delee bo ɛ̀ iě dě dɛ̍ku sòlɛ̀ delee di̍i̍ gbǎ.

1 Kɔwlɛntiɔn 11:25

Ti̍ u̍h wɔ̀-a dɛ̍ di̍-ɛ, ɛ̀ due laa̍ bo ɔ̍ nu̍ dɛ, iě ɔ̍ dǔ kàu̍n wɛ̀ ɔ̍ la̍a̍, “Kàu̍n la, ɛ̍ bo ɛ̀ nu̍ ku̍o̍ delee Nyɔsoa po̍ dǒ ǎn nymɔ̍ we̍. Pò mɔ̀ nǎɛ ɛ̀ la di̍i̍-ɛ, wɛ̀ ɛ̍ iě ǎn tìh dǒ mɔ̀ wlì i̍ sǐ-i.”

2 Kɔwlɛntiɔn 3:6

Ɔ̍ nyǐ àɔ̀ gbǐh dǒ ku̍o̍ delee-a pòi̍nynuu̍ nu̍-ɛ we̍. Ku̍o̍ delee la ɛ̍ se̍ telě ɛ̀ chlǐh-aɛ, jɛ ɛ̍ sɔ dě Nyɔsoa-a Sùù we̍. Telě ɛ̀ chlǐh-aɛ, ɛ̍ ja̍ mɛ̌ɛ, jɛ Sùù-a nyǐ nyɔ̍ feɛ.

Iblu 12:24

Jusu ɔ̀ nu̍-a tùna̍-i̍-tu̍ iě ku̍o̍ delee poe-aɛ, mɔ̀ ji̍ nɔ̌ ɔ̍ we̍ wɛ̀, ɛ̍ ke nɔ̌ ɔ̍ nymɔ̍ ɛ̀ wlǎ-a i̍-ɛ we̍ ke. Ɔ̍ nymɔ̍ bo ɛ̀ ja wlu̍ chɛ̀ ɛ̍ sìì Ebɛ naɛ nymɔ̍.

Iblu 7:22

Slɛ̀ɛ̀n-ɛ bo ɛ̀ nu̍ ɛ̍ wɛ̀ Jusu to ɛ̍ ka à blě-a ku̍o̍ ɛ̀ sìì-a soa naɛ-ɛ.

Iblu 8:13

Dǒ ku̍o̍ delee-a tìh i̍ sà la̍ bo Nyɔsoa nui sàì naɛ dɛ̍ soa we̍i̍. Nɛ̀ dɛ̍-o-dɛ̍ ɛ̀ gbǎ-a soa i̍ iě ɛ̀ wɛ̀-a wɔ̍n-ɛ, nɛ̀ ɛ̍ tìh-a mu̍ i̍ wɛ̀.

Iblu 8:6

Nyɔsoa nu̍ Jusu slaǎ sà nyɔ̍ we̍i̍ ɔ̀ ku̍-a wɔ̍n ɔ̀ sìì-a slaǎ sà nyɔ̍ juh nɛ-a nɔ̌ bloɔ̍-ɛ. Kǎ ɛ̍ nɛ ke. Ku̍o̍ kɔn tùna̍-i-tu̍ Jusu nu̍-a ɛ̀ Nyɔsoa po̍-a dǒ ɔ̍ ke ɔ̍ nyɔ̍ nynɛ̌-ɛ, ɛ̍ nmɔ jii̍ ɛ̍ sìì ku̍o̍ ɛ̀ poe-a dě Mose ja̍a̍-ɛ. Dɛ̍nu̍ɛ, ɛ̍ tba̍ dǒ tɔ̀ma̍a̍ wlu̍ ɛ̀ nmɔ-a jii̍ ɛ̀ sìì-a sàì naɛ kɛ̍n i̍.

Iblu 9:15

Ɛ̍ tìh-ɛ, Klai bo ɔ̀ nu̍ tùna̍-i̍-tu̍ dǒ ku̍o̍ delee la we̍, wɛ̀ nyɔ̍ ùh Nyɔsoa dǎ-aɛ, u̍h iě kmɔ̌ sie pɔ̀ìě la ɛ̀ kɔn wlu̍ ɔ̍ po̍-a tɔ̀ma̍a̍-ɛ jě. Kaka la̍, ɔ̍ mɛ̌-ɛ, wɛ̀ ɔ̍ iě nyɔ̍ ùh nu̍-a gblɛ̍n sɔ̀ɛ̀n dě sàǐtòò ku̍o̍-a ti̍ di̍i̍-ɛ sèìe.