Iblu 8:6 - Ku̍o̍ Delee 1999

⁶ Nyɔsoa nu̍ Jusu slaǎ sà nyɔ̍ we̍i̍ ɔ̀ ku̍-a wɔ̍n ɔ̀ sìì-a slaǎ sà nyɔ̍ juh nɛ-a nɔ̌ bloɔ̍-ɛ. Kǎ ɛ̍ nɛ ke. Ku̍o̍ kɔn tùna̍-i-tu̍ Jusu nu̍-a ɛ̀ Nyɔsoa po̍-a dǒ ɔ̍ ke ɔ̍ nyɔ̍ nynɛ̌-ɛ, ɛ̍ nmɔ jii̍ ɛ̍ sìì ku̍o̍ ɛ̀ poe-a dě Mose ja̍a̍-ɛ. Dɛ̍nu̍ɛ, ɛ̍ tba̍ dǒ tɔ̀ma̍a̍ wlu̍ ɛ̀ nmɔ-a jii̍ ɛ̀ sìì-a sàì naɛ kɛ̍n i̍.

Iblu 8:6 Iomraidhean Croise

Pɔ̀n Chɛ̀ Luu To-a La 22:20

U̍h wɔ̀-a dɛ̍ di̍-ɛɛ, wɛ̀ ɔ̍ nyǐ u̍h kàu̍n laa̍ ke. Iě ɔ̍ la̍a̍, “Kàu̍n la, ɛ̍ bo ɛ̀ nu̍ ku̍o̍ delee Nyɔsoa po̍ dǒ ǎn nymɔ̍ ɛ̀ wlǎ-a i̍ dǒ mɔ̀ we̍-ɛ we̍.]

Wloma 9:4

Eslɔɛ nyɔ̍ laa̍ u̍h-u bo Nyɔsoa nu̍ ɔ̍ nynuu̍ we̍i̍. Ɔ̍ toe u̍h ɔ̍ tìh-a i̍ bɛ̌-ɛ, iě ɔ̍ dǔ ku̍o̍ po̍-ɛ dǒ ɔ̍ ke u̍h nynɛ̌. Wɛ̀ ɔ̍ nyǐ u̍h telě, iě ɔ̍ toe u̍h wɛɛ sà-a, wɛ̀ ɔ̍ dǔ wlu̍ tɔ̀ma̍a̍ po̍-ɛ dě u̍h we̍.

Ɛfɛsɔ 2:12

Ɛ̍ ti̍ laa̍ nɛ̀ mɔ̀ nɛ-ɛ fɔ̌ i̍ dǒ Klai we̍. Nɛ̀ mɔ̀ ke Nyɔsoa-a chèɛ̀ tba̍ nyɔ̍ se̍ nɔ̌ i̍ nɛ-ɛɛ. Ku̍o̍ ìh Nyɔsoa po̍-a dǒ ɔ̍ tɔ̀ma̍a̍ wlu̍ kɛ̍n-ɛ, nɛ̀ mɔ̀ nu̍ dakɔ̍ pàɔ̀n dǒ i̍h we̍. Nɛ̀ mɔ̀ se̍ wlùh i̍ kɔ̍ dɛ̍ blě, iě mɔ̀ se̍ Nyɔsoa dɛ i̍ juo nɔ̌ kmɔ̌ we̍.

1 Timote 2:5

Dɛ̍nu̍ɛ, Nyɔsoa nɛ due, iě wlu̍ tàdùè po̍ nyɔ̍ nɛ due dǒ wlɔ̀ nyi̍ɔ̍ ke Nyɔsoa nynɛ̌. Jɔ̍gbau ɔ̀ nu̍-a Jusu Klai-ɛ bo.

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

Iblu 12:24

Jusu ɔ̀ nu̍-a tùna̍-i̍-tu̍ iě ku̍o̍ delee poe-aɛ, mɔ̀ ji̍ nɔ̌ ɔ̍ we̍ wɛ̀, ɛ̍ ke nɔ̌ ɔ̍ nymɔ̍ ɛ̀ wlǎ-a i̍-ɛ we̍ ke. Ɔ̍ nymɔ̍ bo ɛ̀ ja wlu̍ chɛ̀ ɛ̍ sìì Ebɛ naɛ nymɔ̍.

Iblu 7:22

Slɛ̀ɛ̀n-ɛ bo ɛ̀ nu̍ ɛ̍ wɛ̀ Jusu to ɛ̍ ka à blě-a ku̍o̍ ɛ̀ sìì-a soa naɛ-ɛ.

2 Pitɛ 1:4

Ɛ̍ kɔn ɔ̍ wlu̍ ɛ̀ gbǎ-a dɛ̍kɛ̍n iě ɛ̀ ku̍-a wɔ̍n-ɛ, wɛ̀ ɔ̍ po̍ ɛ̍ tɔ̀ma̍a̍ dǒ à we̍. Ɛ̍ bo ɛ̀ mu̍ kmɔ̌ nɛ wɛ̀ mɔ̀ iě kmɔ̌-a tba̍ɛ kɛ̍n i̍ la wɔ̍i̍n wa̍n, wɛ̀ mɔ̀ iě Nyɔsoa wɔ̀.