Iblu 8:5 - Ku̍o̍ Delee 1999

⁵ Tà u̍h-a dbee-a ka Nyɔsoa jǔ-ɛ, ɛ̍ wɔ̀ jɛ nɛ-a dě ja̍i̍wlɔ̀-ɛ. Jɛ i̍h se̍ due nɛ. Ɛ̍ kɔn ti̍ Mose-a ji̍-a wɛ̀ɛ̀ sɔ̍n wlù po̍ la̍-ɛ, wɛ̀ Nyɔsoa sèàɛ̍ ɔ̍ wlùh, ɔ̍ la̍a̍, “Ka ìn nu̍-a ɛ̍ jě-ɛ dě tlu̍h kɛ̍n-ɛ, kǎ ìè ɛ̍ nu̍.”

Iblu 8:5 Iomraidhean Croise

Matio 2:12

Jɛ u̍h se̍ dě Ɛlo we̍ jii dode̍, iě u̍h gba̍ wìè dɛɛ u̍h mu̍ u̍h blǐ. Dɛ̍nu̍ɛ, Nyɔsoa sèàɛ̍ u̍h wlùh dě nyinɔ̍ i̍ u̍h-u je̍e dě ɔ̍ we̍ jii dode̍.

Nu̍-dɛ̍ᵻ 7:44

“À baaᵻ blě ku̍o̍-a Wɛ̀ɛ̀ Sɔ̍n Wlù dě kwlǎslò we̍. Nyɔsoa bo ɔ̀ po̍ Mose slɛ̌ chèɛ̀ i̍ wɛ̀ ɔ̍ nu̍ ɛ̍. Ka ɔ̍ nu̍-a ɛ̍ ɔ̍ chèɛ̀ i̍ po̍-ɛ, kǎ ɔ̍ nu̍ ɛ̍ nu̍-ɛ.

Kalase 2:17

Jih laa̍ nɔ̀ɔ̍, ìh-a mu̍-a ji̍ dě nya̍-a i̍h-a sùù bo. Jɛ Klai ji̍ wɛ̀, dɛ̍ᵻá sùù la i̍h se̍ dɛ̍kɛ̍n gbǎ.

Iblu 10:1

Mose-a telě nɔ̀ɔ̍, ɛ̍ wɔ̀ dɛ̍ᵻ chɛ̀ ìh-a mu̍-a ji̍-ɛ. Telě la ke dɛ̍ᵻ chɛ̀ nɛ-a dě ja̍i̍wlɔ̀-ɛ se̍ due nɛ. Sɔ nɛ̀ ɛ̍ se̍ nyɔ̍ ùh-a sà-a Nyɔsoa wɛɛ-ɛ nɛi̍ wɔ̀-ɛ bɛ̌ɛ dǒ slaǎ due la u̍h-a sà-a ma̍u̍ ka sɔ̀n-a sǐ-a i̍-ɛ we̍.

Iblu 11:7

Nɔa-a wlùh gbaɛ blě-ɛ bo ɛ̀ nu̍ ɛ̍ iě ɔ̍ wɔ̌n Nyɔsoa-a gbòɛ̀ wlu̍ i̍ dǒ dɛ̍ᵻ ɔ̍-ɔ se̍a jě ìh-a mu̍-a gbǎ-ɛ we̍. Wɛ̀ ɔ̍ wɔ̌n Nyɔsoa-a wlu̍ i̍ iě ɔ̍ kɔ̍ blǎgbè klaa ɛ̍ iě ɔ̍ ke ɔ̍ chɛ̌ pǔh-i. Dɛ̍ᵻ ɔ̍ nu̍-a bo ìh sà kmɔ̌ la kɛ̀n, wɛ̀ Nyɔsoa nyǐ ɔ̍ i̍ slɛ̌-ɛ ɛ̀ jii-a dě wlùh gbaɛ di̍i̍-ɛ.

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

Iblu 13:10

Slaǎ sà nyɔ̍ ùh-a nu̍-a dbo̍ dě wɛ̀ɛ̀ sɔ̍n wlù di̍i̍-ɛ, u̍h se̍ i̍ blaɛ u̍h iě slaǎ sà-ɛ dɛ̍ ɛ̀ nɛ-a dǒ à gblǒ kɛ̍n-ɛ di̍.

Iblu 9:9

Ɛ̍ bo ɛ̀ nu̍ juola dǒ ti̍laa kmɔ̌ we̍ ka nyǐ-dɛ̍ᵻ ke slaǎ sà dɛ̍ᵻ ìh Nyɔsoa-a wɛɛ sà nyɔ̍-a ja-aɛ, i̍h se̍ u̍h-a wlùh kɛ̍-ɛ sà-a bɛ̌ɛ.

Wlɛfeleseɔn 15:5

Ɛ̀ la ɛ̍ wɔ̀-a nɛ-ɛ, wɛ̀ ǐn jě slaǎ sà gbò nɛ-a dě ja̍i̍wlɔ̀-ɛ, ɛ̀ nu̍-a Wɛ̀ɛ̀ Sɔ̍n Wlù tà Nyɔsoa nɛ-aɛ, nɛ̀ ɛ̍ flɔn wɔ̍n.