4 Pò ɔ̍ nɛ nɔ̌ bloɔ̍ de-ɛ, nɛ̀ ɔ̍ se̍ slaǎ sà nyɔ̍ nu̍ mu̍ de fu̍u̍. Slaǎ sà nyɔ̍ nɛ wɛ̀, iě u̍h-a to nyǐ-dɛ̍ᵻ ɛ̀ Mose-a telě la̍ u̍h iě-a nu̍-ɛ.
Slaǎ sà nyɔ̍ kli̍hgbɛ̍ ka sɔ̀n-a sɛ̀n-aɛ, u̍h-a gba̍ u̍h-a slaǎ sà dbo̍ due laa̍ kɛ̍n i̍. Jɛ ɛ̍ se̍ gblɛ̍n sɔ̀ɛ̀n-a tìh i̍ wɔ̀-ɛ bɛ̌ɛ.
Ebɛ-a wlùh gbaɛ blě-ɛ bo ɛ̀ nu̍ ɛ̍ iě ɔ̍ sà slaǎ chɛ̀ ɛ̍ sìì Kein naɛ. Ebɛ-a wlùh gbaɛ blě-ɛ bo ɛ̀ nu̍ ɛ̍ iě Nyɔsoa po̍ ɔ̍ i̍ slɛ̌-ɛ tìh-a kòò dǒ ti̍ ɔ̍ gbɛ̍n-a ɔ̍ nyǐ-dɛ̍ᵻ i̍-ɛ we̍. Ɔ̍ mɛ̌-ɛ nɔ̀ɔ̍, jɛ à cheǎn-ɛ ɔ̍ wlùh gbaɛ blě-ɛ dɛ̍ we̍ ke̍.
Slaǎ sà nyɔ̍-a dlǔtu-a tba̍-ɛ chèɛ̀ dě ɔ̍ blǐ nyɔ̍ nynɛ̌ ɔ̍ iě Nyɔsoa jǔ dbee dǒ u̍h-a tàà. Wɛ̀ ɔ̍ to nyǐ-dɛ̍ᵻ, iě ɔ̍ sà slaǎ dǒ gblɛ̍n sɔ̀ɛ̀n-a tìh i̍ tǎli-ɛ we̍.
Ɔ̍ se̍ slaǎ sà nyɔ̍-a dlǔtuᵻ duuh wɔ̀. Ɔ̍ nɔ̀ɔ̍, ka sɔ̀n-a sɛ̀n-aɛ, ɔ̍ se̍ kɔn ɔ̍ iě slaǎ-a sà. Ka juh laa̍ u̍h-a sà-a u̍h-a chɛ̀-a gblɛ̍n sɔ̀ɛ̀n-a slaǎ sasǎ iě u̍h-a sà-a nyɔ̍ duuh naɛ-ɛ, ɔ̍-ɔ nu̍ la̍a̍n. Jɛ ɔ̍ nɔ̀ɔ̍, slaǎ due bo ɔ̍ sà sǔh kleǐn, ɛ̍-ɛ bo ɛ̀ nu̍-a ɔ̍ chɛ̀ ɔ̍ to-a.
Slaǎ sà nyɔ̍-a dlǔtuᵻ kli̍hgbɛ̍ tba̍-ɛ chèɛ̀ u̍h iě nyǐ-dɛ̍ᵻ to-ɛ ke slaǎ sà dɛ nu̍ dǒ Nyɔsoa we̍. Ɛ̍ tìh-ɛ, à naɛ Slaǎ Sà Nyɔ̍-a Dlǔtu kɔn ɔ̍ iě dɛ̍ blě ke ɔ̍ iě to.
Ɛ̍ bo ɛ̀ nu̍ juola dǒ ti̍laa kmɔ̌ we̍ ka nyǐ-dɛ̍ᵻ ke slaǎ sà dɛ̍ᵻ ìh Nyɔsoa-a wɛɛ sà nyɔ̍-a ja-aɛ, i̍h se̍ u̍h-a wlùh kɛ̍-ɛ sà-a bɛ̌ɛ.