Iblu 8:1 - Ku̍o̍ Delee 1999

¹ Dɛ̍ à sà-a chɛ̀ gbe̍i̍n-ɛ, ɛ̍-ɛ la. Slaǎ Sà Nyɔ̍-a Dlǔtu kaɛn la bo à blě, wɛ̀ ɔ̍ tè i̍ dě ja̍i̍wlɔ̀ dǒ Tìh-a I̍ Bɛ̌ɛ Nyɔsoa-a nynɛ̌ gbalǎ-a di̍na̍ we̍.

Iblu 8:1 Iomraidhean Croise

Pɔ̀n Chɛ̀ Maɛ To-a La 16:19

Ti̍ Joi Jusu wɔ̀-a ɔ̍ kòà we̍ wlu-ɛɛ, wɛ̀ ɔ̍ gba̍-ɛ dě ja̍i̍wlɔ̀. Iě ɔ̍ tè i̍ dǒ Nyɔsoa-a di̍na̍ we̍.

Ɛfɛsɔ 6:20

Pɔ̀n chɛ̀-a tìh bo ǎn wlu dě Klai we̍, ɛ̍ kɔn tìh bo ǐn nɛ ka dě jɔɔdbǔᵻ di̍i̍. Jɛ mɔ̀ ba̍le dǒ ǎn tàà wɛ̀ ka ǐn kɔn iě-a pɔ̀n chɛ̀-a tìh bla̍-a nu̍ gbài̍gbài̍-ɛ, iě laǎn nu̍.

Kalase 3:1

Ka Nyɔsoa nu̍-a ɛ̍ iě mɔ̀ wlǔh-ae wɛ̀ dǒ Klai we̍-ɛ, dɛ̍ᵻ ìh nɛ-a dě ja̍i̍wlɔ̀ tà Klai tè-a i̍ dǒ Nyɔsoa-a di̍na̍ we̍-ɛ, dě i̍h we̍ bo mɔ̀-a pɔluh iě nɛ.

Iblu 1:13

Nyɔsoa-a se̍a ka dǎ dě ɔ̍ ǐnchɔ̀-a nyɔ̍ we̍, “Tè i̍ da̍a ǐn di̍na̍ we̍ te̍e̍, iě ɛ̍ nu̍ ìè àn nyɛ̌-nyɔ̍ kɛ̍n i̍ na.”

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 10:12

Jɛ Klai nɔ̀ɔ̍, slaǎ due ɔ̍ sà-a ka-ɛ, ɔ̍ sà-ɛ ɔ̍ chɛ̀ slaǎ wɛ̀ sǔh kleǐn dǒ gblɛ̍n sɔ̀ɛ̀n-a tìh-a i̍ tǎli-ɛ we̍. Wɛ̀ ɔ̍ tè ka i̍ dǒ Nyɔsoa-a di̍na̍ we̍.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 2:17

Ɛ̍ kɔn ka ɔ̍ de̍di̍i̍ᵻ nɛ-aɛ, nɛ̀ ɔ̍ kɔn ɔ̍ iě laǎn nɛ ke tà kli̍hgbɛ̍. Ɔ̍ nu̍ ɛ̍-ɛ, wɛ̀ ɔ̍ iě u̍h-a Slaǎ Sà Nyɔ̍-a Dlǔtu nu̍ ɔ̀ kɔn-a wɔɛ iě ɔ̀ nu̍-a wlì tè nyɔ̍ dě Nyɔsoa jǔ dbee dɛ di̍i̍-ɛ. Wɛ̀ ɔ̍ nu̍ ɛ̍ iě nyɔ̍ɔ-a gblɛ̍n sɔ̀ɛ̀n-a tìh tǎli-ɛ i̍.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.