Iblu 7:6 - Ku̍o̍ Delee 1999

⁶ Mɛokeslɛ se̍ Liifaɛ-a chɛǐ jǔ, jɛ ɔ̍ gbɛ̍n dɛ̍ᵻá pùè naɛ i̍ dě Eblaɛɛn jɔ jě-a Nyɔsoa-a tɔ̀ma̍a̍ wlu̍-ɛ we̍. Wɛ̀ ɔ̍ sà-ɛ Eblaɛɛn nǐ wɔ̍n.

Iblu 7:6 Iomraidhean Croise

Nu̍-dɛ̍ᵻ 3:25

Mɔ̀ɔ̍ bo ùh nu̍ Nyɔsoa-a tu̍owli po̍ nyɔ̍-a nynuu̍. Mɔ̀ɔ̍ kɔn ku̍o̍ bo ɔ̍ po̍-a dǒ mɔ̀ baaᵻ we̍. Ɔ̍ la̍a̍ dě Eblaɛɛn we̍, ‘Dě àn tloemlai ja̍a̍ bo ǎn mu̍ kmɔ̌ nyɔ̍ kli̍hgbɛ̍ pɔ̀ìě nyǐ-i.’

Wloma 4:13

Eblaɛɛn slè-ɛ i̍ slɛ̌-nyɔ̍ dě ɔ̍ wlùh gbaɛ blě-ɛ di̍i̍. Ɛ̍ kɔn Nyɔsoa po̍ wlu̍ tɔ̀ma̍a̍ dǒ ɔ̍ ke ɔ̍ tloemlai we̍ u̍h iě kmɔ̌ la wlu̍ i̍ kɔn. Jɛ ɛ̍ se̍ ɔ̍ Nyɔsoa-a telě dɛ̍ɛ̍ jě tìh.

Wloma 9:4

Eslɔɛ nyɔ̍ laa̍ u̍h-u bo Nyɔsoa nu̍ ɔ̍ nynuu̍ we̍i̍. Ɔ̍ toe u̍h ɔ̍ tìh-a i̍ bɛ̌-ɛ, iě ɔ̍ dǔ ku̍o̍ po̍-ɛ dǒ ɔ̍ ke u̍h nynɛ̌. Wɛ̀ ɔ̍ nyǐ u̍h telě, iě ɔ̍ toe u̍h wɛɛ sà-a, wɛ̀ ɔ̍ dǔ wlu̍ tɔ̀ma̍a̍ po̍-ɛ dě u̍h we̍.

Kelesea 3:16

Nyɔsoa po̍ wlu̍ tɔ̀ma̍a̍ dě Eblaɛɛn ke ɔ̍ tloemlai we̍. Nyɔsoa-a wlu̍ se̍ ka nu̍ Eblaɛɛn-a tloemlai dɔu. Jɛ ɛ̍ la̍ tloemlai due, nɛ̀ nyɔ̍ due bo ɛ̍ dǎ. Ɛ̍-ɛ bo ɛ̀ nu̍-a Klai.

Iblu 11:13

Ùh kli̍hgbɛ̍ la dě u̍h-a wlùh gbaɛ blě-ɛ di̍i̍ bo u̍h mɛ̌-ɛ. U̍h se̍ dɛ̍ kɔn wlu̍ Nyɔsoa po̍-a tɔ̀ma̍a̍-ɛ jě, jɛ u̍h jě ɛ̍ dě nya̍ wɛ̀ u̍h nu̍ ɛ̍ dɛ̍i̍. Ka u̍h nu̍-a dakɔ̍ pàɔ̀n nɔ̌ bloɔ̍-ɛ, u̍h juo ɛ̍ i̍, iě u̍h sà ɛ̍-ɛ.

Iblu 11:17

Ti̍ Nyɔsoa tɛ̀n-a Eblaɛɛn i̍-ɛ, Eblaɛɛn-a wlùh gbaɛ blě-ɛ bo ɛ̀ nu̍ ɛ̍ iě ɔ̍ to Ase de ɔ̍ iě slaǎ sà-ɛ dɛ̍ nu̍. Dě Eblaɛɛn we̍ bo Nyɔsoa poe wlu̍ tɔ̀ma̍a̍. Ɔ̍ la̍ dě Ase ja̍a̍ bo Eblaɛɛn-a tloemlai-a mu̍ jii. Jɛ ɔ̀ nu̍-a Eblaɛɛn-a jǔ jɔɛ̍ due gbài̍-ɛ bo Eblaɛɛn dǔ-u wɛ̀ de ɔ̍ iě slaǎ sà-ɛ.

Iblu 7:1

Mɛokeslɛ la, blǔh baa bo dǒ Selɛn wlɔ̀ we̍, wɛ̀ ɔ̍ nu̍ slaǎ sà nyɔ̍ dǒ Sìì Nyɔ̍ Wɔ̍n Nyɔsoa we̍. Ti̍ Eblaɛɛn-a sɔ-a tu̍h we̍ tà ɔ̍ dbǎ-ɛa blǔh baaᵻ nyìɛ̍-ɛ, Mɛokeslɛ laa̍ bo ɔ̀ jǎɛ ɔ̍ i̍, wɛ̀ ɔ̍ sà-ɛ Eblaɛɛn nǐ wɔ̍n.

Iblu 7:7

Ɛ̍ nɔ̀ɔ̍, tìh-a taǐn bo, nyɔ̍ ɔ̀ nyǐ-a nyɔ̍ pɔ̀ìě-ɛ, nɛ̀ ɔ̍-ɔ bo ɔ̀ ku̍ wɔ̍n dǒ nyɔ̍ ɔ̍ nyǐ-a pɔ̀ìě-ɛ kɛ̍n.