Iblu 7:3 - Ku̍o̍ Delee 1999

³ Nyɔ̍ se̍ ɔ̍ de̍ ke ɔ̍ baa ke ɔ̍ wloa̍ nyɔ̍ kli̍hgbɛ̍-a dɛ̍ i̍ juo. Nyɔ̍ wɔ̍ se̍ ɔ̍ wlǔh weɛ̍ ke ɔ̍ mɛ̌ɛ weɛ̍ juo ke. Ɔ̍ wɔ̀ Nyɔsoa-a Jǔ, ɔ̍ nu̍ slaǎ sà nyɔ̍ nɔ̌ kmɔ̌-a kmɔ̌.

Iblu 7:3 Iomraidhean Croise

Matio 4:3

Wɛ̀ Kǔ ji̍ iě ɛ̍ la̍a̍, “Jusu, pò ìn tù Nyɔsoa-a Jǔ chɛ̀-ɛ, nɛ̀ ìn wlu dě sɔɔ̌ᵻ la we̍ i̍h iě blèe̍ gba̍nᵻ sàɛ̀.”

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

Iblu 7:1

Mɛokeslɛ la, blǔh baa bo dǒ Selɛn wlɔ̀ we̍, wɛ̀ ɔ̍ nu̍ slaǎ sà nyɔ̍ dǒ Sìì Nyɔ̍ Wɔ̍n Nyɔsoa we̍. Ti̍ Eblaɛɛn-a sɔ-a tu̍h we̍ tà ɔ̍ dbǎ-ɛa blǔh baaᵻ nyìɛ̍-ɛ, Mɛokeslɛ laa̍ bo ɔ̀ jǎɛ ɔ̍ i̍, wɛ̀ ɔ̍ sà-ɛ Eblaɛɛn nǐ wɔ̍n.

Iblu 7:17

Ɛ̍ kɔn Nyɔsoa-a wlu̍ la̍a̍, “Mɔ̀ slaǎ sà nyɔ̍ nɔ̌ kmɔ̌-a kmɔ̌, ka slaǎ sà nyɔ̍ Mɛokeslɛ-ɛ.”

Iblu 7:2

Wɛ̀ gbɛ̍n-dɛ̍ᵻ kli̍hgbɛ̍-a gbɔ̍ᵻ gbɔ̍ᵻ Eblaɛɛn sà-a dě tu̍h we̍-ɛ, jɛ po̍ i̍h-a pùè-ɛ, nɛ̀ ɔ̍ nyǐ ɛ̍ Mɛokeslɛ. (Mɛokeslɛ-a nynɛ̌ la, ɛ̍ gbɔ̀ nu̍ I̍ Slɛ̌-ɛ Blǔh Baa. Ɔ̍ nynɛ̌ dɛɛ nu̍ Kmɔ̌ I̍ Gbe̍ɛ̍ɛn Blǔh Baa. Dɛ̍nu̍ɛ, ɔ̍ nu̍ Selɛn-a Blǔh Baa. Selɛn-a gbɔ̀ nu̍ Kmɔ̌ I̍ Gbe̍ɛ̍ɛn.)

Iblu 7:6

Mɛokeslɛ se̍ Liifaɛ-a chɛǐ jǔ, jɛ ɔ̍ gbɛ̍n dɛ̍ᵻá pùè naɛ i̍ dě Eblaɛɛn jɔ jě-a Nyɔsoa-a tɔ̀ma̍a̍ wlu̍-ɛ we̍. Wɛ̀ ɔ̍ sà-ɛ Eblaɛɛn nǐ wɔ̍n.