Iblu 7:16 - Ku̍o̍ Delee 1999

¹⁶ Slaǎ sà nyɔ̍ ɔ̍ nu̍-a ka-ɛ, ɛ̍ se̍ ɔ̍ tè-o telě ɛ̀ la̍ nyɔ̍ iě-a slaǎ sà nyɔ̍-a tloemlai nu̍-ɛ tìh. Jɛ ɔ̍ nui-ɛ slaǎ sà nyɔ̍, dɛ̍nu̍ɛ, gbǐh ɔ̍ blě-aɛ, ɛ̍ sɔ dě feɛ ɛ̀ se̍-a dlǔ i̍ chla la̍ kɔn-ɛ di̍i̍.

Iblu 7:16 Iomraidhean Croise

Wloma 7:14

À juo ɛ̍-ɛ ka telě sɔ-a dě Nyɔsoa we̍-ɛ. Jɛ mɔ̍ bo ɔ̀ nu̍ kmɔ̌ we̍ nyɔ̍, iě ǐn ple̍-eɛ ka kèi̍-ɛ dě gblɛ̍n sɔ̀ɛ̀n we̍.

Kelesea 4:3

Ka ɛ̍ nɛ ke, ti̍ à se̍-a jlǐh flɔn ke̍-ɛ, nɛ̀ gbǐh jih kɔn-a kmɔ̌ la wlu̍ i̍-ɛ, nɛ̀ àɔ̀ i̍h-a kèi̍ᵻ.

Kelesea 4:9

Jɛ kaka la̍ mɔ̀-a juo la̍ Nyɔsoa. Jɛ chɛ̀ɛ̌chɛ̀-ɛ, Nyɔsoa bo ɔ̀ juo la̍ mɔ̀. Dɛ̍nu̍ mɔ̀-a pɔ̀n dě nyɔsoa-a si̍h naɛ ìh se̍-a gbǐh kɔn, ìh se̍-a dɛ̍ i̍ blaɛ-ɛ we̍ mu̍-ɛ i̍ dode̍ ɛ? Mɔ̀-a pɔ̀n mɔ̀ iě i̍h-a kèi̍ᵻ nu̍ dɛ ae?

Kalase 2:14

Gba̍ telě po̍-a à dlǔ de-ɛ, ɛ̍ bo ɔ̍ sà wɛ̀, iě ɔ̍ po̍ ɛ̍ de̍ flɔ̀. Ɛ̍ de̍ po̍-ɛ nu̍ ɛ̍ dǒ gbàɛ̍ kɛ̍n i̍ tu̍ wlì kɔ̍-ɛ.

Kalase 2:20

Ka mɔ̀ mɛ̌-ɛa Klai we̍ wɛ̀-ɛ, nɛ̀ mɔ̀ se̍ dǒ gbǐh jih kɔn-a kmɔ̌ la wlu̍ i̍-ɛ we̍ kɔn dɛ. Dɛ̍nu̍ mɔ̀-a nu̍ dě kmɔ̌ we̍ nɛ nyɔ̍-a dɛ̍ᵻ ke̍ gbɔ̀ɔ-ɛ, iě mɔ̀-a tè-o i̍h-a gbànᵻ i̍ ke̍ ɛ?

Iblu 10:1

Mose-a telě nɔ̀ɔ̍, ɛ̍ wɔ̀ dɛ̍ᵻ chɛ̀ ìh-a mu̍-a ji̍-ɛ. Telě la ke dɛ̍ᵻ chɛ̀ nɛ-a dě ja̍i̍wlɔ̀-ɛ se̍ due nɛ. Sɔ nɛ̀ ɛ̍ se̍ nyɔ̍ ùh-a sà-a Nyɔsoa wɛɛ-ɛ nɛi̍ wɔ̀-ɛ bɛ̌ɛ dǒ slaǎ due la u̍h-a sà-a ma̍u̍ ka sɔ̀n-a sǐ-a i̍-ɛ we̍.

Iblu 7:15

Ɛ̍ flɔn we̍i̍ ka slaǎ sà nyɔ̍-a nu̍-dɛ̍ se̍-a nyɔ̍ i̍ slɛ̌-ɛ bɛ̌ɛ-ɛ. Slaǎ sà nyɔ̍ dɔɔ ɔ̀ wɔ̀-a Mɛokeslɛ-ɛ, ɔ̍ bo ɔ̀ ji̍.

Iblu 7:17

Ɛ̍ kɔn Nyɔsoa-a wlu̍ la̍a̍, “Mɔ̀ slaǎ sà nyɔ̍ nɔ̌ kmɔ̌-a kmɔ̌, ka slaǎ sà nyɔ̍ Mɛokeslɛ-ɛ.”

Iblu 7:21

Jɛ Jusu nɔ̀ɔ̍, slɛ̀ɛ̀n-ɛ nɛ dǒ ɔ̍ slaǎ sà nyɔ̍ nu̍ dɛ de̍e̍. Ɛ̍ kɔn Nyɔsoa la̍a̍ dě ɔ̍ we̍, “Mɔ̍ Joi, ǐn wɔ̀ slɛ̀ɛ̀n wɛ̀, na̍a̍, ‘Mɔ̀ slaǎ sà nyɔ̍ nɔ̌ kmɔ̌-a kmɔ̌.’ Ǐn se̍ wlu̍ gbààn sàɛ̀ mu̍.”

Iblu 7:28

Telě-a tba̍ wlɔ̀ nyɔ̍ ùh kɔn gbǐh-a nu̍-a sɔɔn-ɛ chèɛ̀ u̍h iě slaǎ sà nyɔ̍-a dlǔtuᵻ nu̍. Jɛ Nyɔsoa-a slɛ̀ɛ̀n wlu̍ ji̍-a telě kɛ̍n i̍-ɛ, ɛ̍ tba̍ Jǔ ɔ̀ bɛ̌ɛ-a Nyɔsoa-a wlùh nu̍-ɛ nɔ̌ kmɔ̌-a kmɔ̌-ɛ chèɛ̀, ɔ̍ iě Slaǎ Sà Nyɔ̍-a Dlǔtu nu̍.

Iblu 7:3

Nyɔ̍ se̍ ɔ̍ de̍ ke ɔ̍ baa ke ɔ̍ wloa̍ nyɔ̍ kli̍hgbɛ̍-a dɛ̍ i̍ juo. Nyɔ̍ wɔ̍ se̍ ɔ̍ wlǔh weɛ̍ ke ɔ̍ mɛ̌ɛ weɛ̍ juo ke. Ɔ̍ wɔ̀ Nyɔsoa-a Jǔ, ɔ̍ nu̍ slaǎ sà nyɔ̍ nɔ̌ kmɔ̌-a kmɔ̌.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

Wlɛfeleseɔn 1:18

Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.