Iblu 7:1 - Ku̍o̍ Delee 1999

¹ Mɛokeslɛ la, blǔh baa bo dǒ Selɛn wlɔ̀ we̍, wɛ̀ ɔ̍ nu̍ slaǎ sà nyɔ̍ dǒ Sìì Nyɔ̍ Wɔ̍n Nyɔsoa we̍. Ti̍ Eblaɛɛn-a sɔ-a tu̍h we̍ tà ɔ̍ dbǎ-ɛa blǔh baaᵻ nyìɛ̍-ɛ, Mɛokeslɛ laa̍ bo ɔ̀ jǎɛ ɔ̍ i̍, wɛ̀ ɔ̍ sà-ɛ Eblaɛɛn nǐ wɔ̍n.

Iblu 7:1 Iomraidhean Croise

Pɔ̀n Chɛ̀ Maɛ To-a La 5:7

Wɛ̀ ɔ̍ plǎn, ɔ̍ la̍a̍, “Jusu, Nyɔ̍ Wɔ̍n Sìì Nyɔsoa-a Jǔ, ka àn pɔ̀n ìè ǎn tìh nu̍ ɛ? Ǎn ba̍le m̀, po̍-e Nyɔsoa we̍ wlùh, bɔ̌ ǐn kàn gbɛ̍n-ɛ.”

Nu̍-dɛ̍ᵻ 16:17

Nynɔ̌gbaɔ jǔ laa̍ bo ɔ̀ wɔ̀ dǒ àɔ̀ ke Pɔɔ de̍e̍ iě ɔ̍ wǐi i̍. Ɔ̍ la̍a̍, “Nyɔ̍ la bo ùh nu̍ Sìì Nyɔ̍ Wɔ̍n Nyɔsoa-a pòi̍nynuu̍. Mɔ̀ iě pǔh tìh bo u̍h-a bla̍ dě mɔ̀ we̍.”

Iblu 6:20

Jusu mu̍ à jǔ iě ɔ̍ pa̍ dě gbòju laa̍ di̍i̍ dǒ à tàà. Wɛ̀ ɔ̍ nu̍ ka slaǎ sà nyɔ̍-a dlǔtu nɔ̌ kmɔ̌-a kmɔ̌, ka slaǎ sà nyɔ̍ Mɛokeslɛ-ɛ.

Iblu 7:2

Wɛ̀ gbɛ̍n-dɛ̍ᵻ kli̍hgbɛ̍-a gbɔ̍ᵻ gbɔ̍ᵻ Eblaɛɛn sà-a dě tu̍h we̍-ɛ, jɛ po̍ i̍h-a pùè-ɛ, nɛ̀ ɔ̍ nyǐ ɛ̍ Mɛokeslɛ. (Mɛokeslɛ-a nynɛ̌ la, ɛ̍ gbɔ̀ nu̍ I̍ Slɛ̌-ɛ Blǔh Baa. Ɔ̍ nynɛ̌ dɛɛ nu̍ Kmɔ̌ I̍ Gbe̍ɛ̍ɛn Blǔh Baa. Dɛ̍nu̍ɛ, ɔ̍ nu̍ Selɛn-a Blǔh Baa. Selɛn-a gbɔ̀ nu̍ Kmɔ̌ I̍ Gbe̍ɛ̍ɛn.)

Iblu 7:3

Nyɔ̍ se̍ ɔ̍ de̍ ke ɔ̍ baa ke ɔ̍ wloa̍ nyɔ̍ kli̍hgbɛ̍-a dɛ̍ i̍ juo. Nyɔ̍ wɔ̍ se̍ ɔ̍ wlǔh weɛ̍ ke ɔ̍ mɛ̌ɛ weɛ̍ juo ke. Ɔ̍ wɔ̀ Nyɔsoa-a Jǔ, ɔ̍ nu̍ slaǎ sà nyɔ̍ nɔ̌ kmɔ̌-a kmɔ̌.

Iblu 7:6

Mɛokeslɛ se̍ Liifaɛ-a chɛǐ jǔ, jɛ ɔ̍ gbɛ̍n dɛ̍ᵻá pùè naɛ i̍ dě Eblaɛɛn jɔ jě-a Nyɔsoa-a tɔ̀ma̍a̍ wlu̍-ɛ we̍. Wɛ̀ ɔ̍ sà-ɛ Eblaɛɛn nǐ wɔ̍n.