Iblu 6:4 - Ku̍o̍ Delee 1999

⁴ Nyɔ̍ ùh sɔ-a dǒ Nyɔsoa-a wìè kɛ̍n-ɛ, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi wɛ̀ u̍h iě u̍h-a gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, u̍h nɛ dě Nyɔsoa-a sɔ̀npli di̍i̍ sàì, iě u̍h juo dɛ̍ ɔ̍ nyǐ-a nyɔ̍-ɛ. U̍h jě ɔ̍ Sùù,

Iblu 6:4 Iomraidhean Croise

Matio 12:45

Wɛ̀ ɛ̍ mu̍ iě ɛ̍ ja jeědih mɛ̀sɔɔ̌n diih ìh kɔn gblɛ̍n nyni-a jii̍ ìh sìì-a ɛ̍ chɛ̀-ɛ. Wɛ̀ i̍h mu̍ iě i̍h tǐn deě. Sɔ tu̍ jɔ̍gbau laa̍ ɔ̍ bɔ̌ɛ-a dě di̍i̍ nɛ-ɛɛ, ɛ̍ nyni jii̍ ɛ̍ sìì sàì naɛ. Kǎ ɛ̍ mu̍ nɛ ke dǒ ti̍laa nyɔ̍ la ùh kɔn gblɛ̍n nyni-a jii̍-ɛ we̍.”

Matio 5:13

Jusu la̍a̍, “Mɔ̀ wɔ̀ tɔ̌n dǒ nyɔ̍ kli̍hgbɛ̍ we̍. Jɛ pò tɔ̌n wɛ̀ wɔ̍n-ɛ, nɛ̀ nyɔ̍ se̍ ɛ̍ wɔ̍n nmɔ-ɛ bɛ̌ɛ dɛ. Nɛ̀ ɛ̍ se̍ nu̍-dɛ̍ kɔn dɛ, nɛ̀ nyɔ̍-a mu̍ la̍ ɛ̍ i̍ wlǎ sǔh nyɔ̍gbei iě ɛ̍ kɛ̍n i̍ na.

Chɔɔn 15:6

Nyɔ̍-o-nyɔ̍ ɔ̀ se̍-a dě ǐn ja̍a̍ nɛ-ɛ, nɛ̀ ɔ̍ mu̍ de̍ po̍-eɛ ɔ̍ iě klǎn ka tu̍ bu̍hᵻɛ́. Nɛ̀ u̍h-a dǔ i̍h-i, iě u̍h-a tù i̍h jlǐh, wɛ̀ i̍h-a si̍n.

Chɔɔn 3:27

Chɔɔn la̍a̍, “Nyɔsoa-a se̍ nyɔ̍ dɛ̍ nyǐ wɛ̀ ɔ̍-ɔ blě ɛ̍.

Chɔɔn 4:10

Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Chɔɔn 6:32

Iě Jusu la̍a̍ dě u̍h we̍, “Bɔ̌ ǐn sèàɛ̍ mɔ̀ tìh-a taǐn wlùh, Mose se̍ mɔ̀ blèe̍ ìh sɔ-a dě ja̍i̍wlɔ̀-ɛ nyǐ. Ǐn Baa bo ɔ̀ nyǐ la̍ mɔ̀ blèe̍-a gblangbai̍ ìh sɔ-a dě ja̍i̍wlɔ̀-ɛ.

Nu̍-dɛ̍ᵻ 10:45

Juu-a wlùh gbaɛ-ɛ blě nyɔ̍ ùh ke Pitɛ na-aɛ, sɔ ɛ̍ wlǔh i̍ u̍h de̍e̍ wɛ̀ Sùù ɛ̀ nu̍-a Nyɔsoa-a nyǐ-dɛ̍-ɛ, ɛ̍ iě ka ùh se̍-a Juu nyɔ̍-ɛ kɛ̍n gbǎ ke.

Nu̍-dɛ̍ᵻ 11:17

Ti̍ à gbaɛ-a Joi Jusu Klai wlùh-ɛ, nyǐ-dɛ̍ kɔn taǐn Nyɔsoa nyǐ-a àɔ̀-ɛ, pò ɔ̍ nyǐ ɛ̍ u̍h ke-ɛ, nɛ̀ mɔ̍ɔ ǎn nynɛ̌-ɛ wɛ̀ iě ɔ̍ bɔ̌ i̍ po̍ ɛ?”

Nu̍-dɛ̍ᵻ 15:8

Nyɔsoa ɔ̀ juo-a nyɔ̍-a wlùh-ɛ, ɔ̍ bo ɔ̀ to ɛ̍ ka ɔ̍ wɔ̌ɛn-a ùh se̍-a Juu nyɔ̍-ɛ tìh i̍-ɛ. Ɛ̍ kɔn ka ɔ̍ nu̍-a àɔ̀ ɔ̍ Sùù nyǐ-ɛɛ, iě ɔ̍ nu̍ la̍a̍n ɛ̍ u̍h nyǐ-ɛ ke.

Nu̍-dɛ̍ᵻ 8:20

Wɛ̀ Pitɛ la̍a̍ dě ɔ̍ we̍, “Ka àn pɔ̀n-a ìè-a Nyɔsoa-a nyǐ-dɛ̍ wlǐ-i tɛ̀n-ɛ i̍-ɛ, ìn ke àn wlǐ-a chɛ̀ ke mɔ̀-a mu̍ fukǎ gbǎ.

Wloma 1:11

Mɔ̀-a jě-e tɔ̌n-a nu̍ m, wɛ̀ iě mɔ̀ Nyɔsoa-a Sùù-a nyǐ-dɛ̍ jii̍ gblè, wɛ̀ ɛ̍ iě mɔ̀-a wlùh fùka.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

Kelesea 3:2

Bɔ̌ ǐn tèle mɔ̀ dɛ̍ due i̍. Telě dɛ̍ɛ̍ jě tìh bo ɛ̀ jě-e mɔ̀ Nyɔsoa-a Sùù ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Kelesea 3:5

Nyɔsoa nyǐ mɔ̀ ɔ̍ Sùù iě ɔ̍ po̍ jbaɛdih dǒ mɔ̀ we̍ mɔ̀-a telě dɛ̍ɛ̍ jě tìh ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Ɛfɛsɔ 1:18

Ǎn wlu dě ɔ̍ we̍ ɔ̍ iě mɔ̀-a wlùh kɛ̍n i̍ flɔn-ɛ, mɔ̀ iě ɔ̍ sɔ̀npli jě. Wɛ̀ mɔ̀ iě dɛ̍ ɛ̀ nu̍-a wlùh i̍ kɔ̍ dɛ̍ kɔn tìh ɔ̍ dǎ-a mɔ̀-ɛ ke nyɔ̍ wɔ̍n flɔn-ɛ pɔ̀ìě klaa ɔ̍ tè-a i̍ dǒ ɔ̍ nyɔ̍ we̍-ɛ juo.

Ɛfɛsɔ 2:8

Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀. Mɔ̀-a ɔ̍ wlùh gbaɛ bo ɛ̀ nu̍ ɛ̍. Ɛ̍ se̍ mɔ̀-a chɛ̀-a nu̍-dɛ̍, Nyɔsoa-a nyǐ-dɛ̍ bo.

Ɛfɛsɔ 3:7

Nyɔsoa-a gbǐh-a nu̍ dbo̍, ɛ̍ kɔn ɔ̍ blɛ nɛ-ɛ nui ǐn pòi̍ju dǒ pɔ̀n chɛ̀ la we̍.

Ɛfɛsɔ 4:7

Nyǐ-dɛ̍ᵻ Klai nyǐ-a àɔ̀ blɛ ka-ɛ, ka ɔ̍ pɔ̀n-a i̍h iě-a nɛ-ɛ nu̍-ɛ kǎ ɔ̍ nu̍ i̍h gblè-ɛ.

1 Timote 4:14

Sùù-a nyǐ-dɛ̍ ɛ̀ Nyɔsoa nyǐ-a m̀ dǒ ɔ̍ tu̍owli po̍ nyɔ̍-a wlu̍ kɛ̍n ti̍ chɔchi̍h-a nyɔ̍ klaaᵻ tè-a ìn sɔ̍n dlǔ-ɛ, bɔ̌ ɛ̍ gbɔ̀jlɔ̍kɔ̍ɔ̍ i̍ po̍-ɛ.

2 Timote 2:25

Nɛ̀ ɔ̍ po̍ nyɔ̍ ùh-a tbaɛ-a ɔ̍ bu̍hᵻ i̍-ɛ wìè-e gba̍n gbɛ̍n ka. Nyɔ̍-se̍-juo dǒ Nyɔsoa-a mu̍ u̍h flɔn la̍ nyǐ-i, wɛ̀ u̍h iě i̍ bǐi u̍h iě tìh-a taǐn juo la̍ ji̍.

2 Timote 4:14

Ɛlesana ɔ̀ nu̍-a bla̍-nyɔ̍-ɛ, kà ɔ̍ nu̍-a ǐn pùn-ɛ, ɛ̍ ku̍ wɔ̍n. Jɛ Nyɔsoa-a mu̍ ɔ̍ gba̍a̍ sà-ɛ dǒ ɔ̍ nu̍-dɛ̍ we̍.

Iblu 10:32

Ti̍ Nyɔsoa nyǐ-a mɔ̀ sɔ̀npli-ɛ bo mɔ̀ iě wlùh we̍ nu̍. Dǒ ti̍ laa̍ di̍i̍ bo mɔ̀ sàɛ̀ jua̍i̍ iě mɔ̀ po̍ gbɔ̍igbɔ̍ te̍e̍ mɔ̀ se̍ ple̍.

Iblu 2:4

Wɛ̀ nyɔ̍ wɔ̍n flɔn-ɛ dɛ̍ᵻ ke jbaɛdih kaɛn Nyɔsoa po̍-a, i̍h nu̍ ɛ̍ sàànsi̍i̍h. Iě ɔ̍ nyǐ nyɔ̍ɔ ɔ̍ Sùù ke ka ɔ̍ wlùh-a pɔ̀n-a ɔ̍ iě-a nu̍-ɛ.

1 Chɔɔn 5:16

Pò nyɔ̍-o-nyɔ̍ jě ɔ̍ de̍di̍i̍ ɔ̍ nu̍ gblɛ̍n sɔ̀ɛ̀n ɛ̀ se̍-a mɛ̌ɛ wìè gba̍-ɛ, nɛ̀ ɔ̍ ba̍le ɔ̍ Nyɔsoa ɔ̍ iě kmɔ̌ nɛ. Ùh kɔn gblɛ̍n sɔ̀ɛ̀n se̍-a mɛ̌ɛ wìè gba̍-ɛ bo ǎn dǎ. Gblɛ̍n sɔ̀ɛ̀n jih-a gba̍-a mɛ̌ɛ wìè-ɛ, ǐn se̍ la̍ ɔ̍ iě Nyɔsoa ba̍le dǒ i̍h nɔ̀ɔ̍ we̍.