Iblu 6:2 - Ku̍o̍ Delee 1999

² nǎ po̍-ɛ dǒ nǐ dlǔ po̍-ɛ gbɔ̍ᵻ gbɔ̍ᵻ we̍ ke, nyɔ̍ sɔ̍n dlǔ tè-ɛ ke, mɛ̌-nyɔ̍-ae wlǔh-ɛ ke, sàwi̍h sì-ɛ ɛ̀ se̍-a siee la̍ kɔn-ɛ ke.

Iblu 6:2 Iomraidhean Croise

Matio 28:19

Ɛ̍ tìh-ɛ, mɔ̀ mu̍, mɔ̀ ple̍ blǔh kli̍hgbɛ̍ la we̍ mɔ̀ iě nyɔ̍ kli̍hgbɛ̍ ǎn kòà we̍i̍ nu̍. Nɛ̀ mɔ̀ po̍ u̍h nǐ dlǔ dǒ Baa ke Jǔ ke Nyɔsoa-a Sùù-a nynɛ̌ kɛ̍n.

Matio 3:14

Sɔ Chɔɔn-a pɔ̀n ɔ̍ iě ɔ̍ bɔ̌ i̍ po̍, iě Chɔɔn la̍a̍, “Mɔ̀ jɔ iě-a ǐn nǐ dlǔ po̍-ɛ, wɛ̀ àn ji̍ nɔ̌ ǐn we̍ iě ìn nǐ dlǔ po̍ ae?”

Pɔ̀n Chɛ̀ Maɛ To-a La 16:16

Nyɔ̍ ɔ̀ po̍-a ɛ̍ tìh chɛ̀ wɛ̀ ɔ̍ iě nǐ dlǔ po̍-ɛ, nɛ̀ ɔ̍ mu̍ pǔh. Jɛ nyɔ̍ ɔ̀ se̍-a ɛ̍ tìh chɛ̀ po̍-ɛ, nɛ̀ kɛ̀n-a mu̍ ɔ̍ kwa̍a̍ sɔ.

Pɔ̀n Chɛ̀ Maɛ To-a La 7:4

Pò u̍h sɔ dě dɔɔ̌-ɛ, nɛ̀ u̍h-a dle i̍ sasǎ wɛ̀ u̍h-a di̍ dɛ̍. U̍h blě telě dɔu diih. U̍h-a wɔ̍lɔ tìɛ̀n jawih ke, kàu̍nᵻ ke plěaᵻ kɛ̍n i̍, ɛ̍ ke tike̍ᵻ bei ke.

Pɔ̀n Chɛ̀ Maɛ To-a La 7:8

Jusu la̍a̍, “Mɔ̀ poe Nyɔsoa-a telě kɛ̍n i̍ wɛ̀ mɔ̀-a tè-o wlɔ̀ nyi̍ɔ̍-a nàɛ̀ i̍.”

Pɔ̀n Chɛ̀ Luu To-a La 11:38

Fɛlesii jǔ jě-a Jusu-ɛ, sɔ ɛ̍ kèle ɔ̍ i̍. Dɛ̍nu̍ɛ, ɔ̍ se̍ i̍ dle wɛ̀ ɔ̍ di̍ dɛ̍.

Pɔ̀n Chɛ̀ Luu To-a La 12:50

Klě jě nǐ ǎn mu̍-a dlǔ po̍-ɛ, ǎn wlùh-a nu̍ wàànwààn te̍e̍ wɛ̀ ɛ̍ iě dlǔ i̍ chlà-a dǔ.

Pɔ̀n Chɛ̀ Luu To-a La 14:14

Nɛ̀ àn mu̍ i̍ nmɔ, dɛ̍nu̍ɛ, u̍h nɔ̀ɔ̍, u̍h se̍ àn gba̍ sà-a bɛ̌ɛ. Jɛ ti̍ i̍ slɛ̌-nyɔ̍-a mu̍-ae wlǔh-ɛ, dǒ Nyɔsoa-a mu̍ ìn pɛ̌ɛ.”

Pɔ̀n Chɛ̀ Luu To-a La 3:16

Wɛ̀ Chɔɔn la̍a̍ dě u̍h kli̍hgbɛ̍ we̍, “Ǎn po̍ mɔ̀ nǐ dlǔ dǒ nǐ we̍, jɛ jɔ mu̍-a ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Chɔɔn 1:33

Ǎn chɛ̀ ǐn se̍ ɔ̍ juo de, jɛ ɔ̀ dbo̍-a m iě-a nyɔ̍ nǐ dlǔ po̍ dǒ nǐ we̍-ɛ, ɔ̍ bo ɔ̀ la̍a̍ dě ǐn we̍, ‘Jɔ̍gbau àn mu̍-a jě Nyɔsoa-a Sùù iě-a wlù ji̍ wɛ̀ ɛ̍ iě-a ɔ̍-ɔ gbǎ-ɛ, nɛ̀ ɔ̍-ɔ bo. Nyɔsoa-a Sùù bo ɛ̀ mu̍ nǐ nu̍ ɔ̍ iě mɔ̀ dlǔ po̍.’

Chɔɔn 5:29

Nɛ̀ u̍h-a mu̍ sɔ̀n i̍ sǐ. Nɛ̀ juh nu̍-a dɛ̍ᵻ chɛ̀ i̍-ɛ, u̍h-a mu̍-e wlǔh wɛ̀ u̍h iě kmɔ̌ nɛ. Wɛ̀ juh nu̍-a dɛ̍ᵻ sɔ̀nᵻ i̍-ɛ, u̍h iě-e wlǔh wɛ̀ u̍h iě kɛ̀n sà-ɛ.

Nu̍-dɛ̍ᵻ 10:47

“Ɛ̀ kɔn taǐn à nu̍-a Nyɔsoa-a Sùù jě-ɛɛ, ɛ̍ bo nyɔ̍ la u̍h nu̍ wɛ̀ ke. Nyɔ̍we̍ bo ɔ̀ bɛ̌ɛ ka u̍h nǐ dlǔ po̍ wìè-i sà-a ɛ?”

Nu̍-dɛ̍ᵻ 13:3

U̍h wɔ̀-a jlǔh po̍-ɛ ke ba̍le dɛ nu̍-ɛɛ, wɛ̀ u̍h tè u̍h sɔ̍n dlǔ, iě u̍h dbo̍ u̍h.

Nu̍-dɛ̍ᵻ 16:15

Wɛ̀ ɔ̍ ke ɔ̍ blǐ gbò nyɔ̍ kli̍hgbɛ̍ po̍ nǐ dlǔ, iě ɔ̍ dǎ àɔ̀, ɔ̍ la̍a̍, “Pò mɔ̀ juo ɛ̍ dǒ mɔ̀ pɔluh kɛ̍n ǐn gbaɛ Joi wlùh wɛ̀-ɛ, nɛ̀ mɔ̀ à mu̍ dě ǐn blǐ gbò mɔ̀ iě-e i̍ tè.” Iě ɔ̍ nɛ̌ à kɛ̍ɛ̍n à iě-e mu̍.

Nu̍-dɛ̍ᵻ 16:33

Wɛ̀ kasoo jlǐhɛ̍ tù nyɔ̍ dle u̍h-a chìèᵻ dǒ tàdùè laa̍ maɔ̍. Wɛ̀ ɔ̍ ke ɔ̍ chɛ̌ kli̍hgbɛ̍ nyna-o iě u̍h po̍ nǐ dlǔ.

Nu̍-dɛ̍ᵻ 17:18

Ɛ̍ tìh flɔ̍nwlùh kɔn nyɔ̍ u̍h-a dǎɛ-a Ɛpekiuwli ke Slowe-ɛ, ɔ̍ ke u̍h-a duuh sà wɔ̍ɔ̍n i̍ ke. Iě u̍h la̍a̍, “Se̍ dɛ̍ jlǐh juo nyɔ̍ la ɔ̍ la̍ dɛ̍ɛ ke ɛ?” Duuh la̍a̍, “Nyɔ̍-se̍-juo dakɔ̍ diih-a nyɔsoa-a tìh bo ɔ̍ bla̍.” Dɛ̍nu̍ɛ, Pɔɔ-a bla̍ Jusu ke mɛ̌ wlǔh-e tìh, ɛ̍ kɔn u̍h-a wlu dɛ̍ la.

Nu̍-dɛ̍ᵻ 2:38

Wɛ̀ Pitɛ la̍a̍ dě u̍h we̍, “Mɔ̀ bǐi i̍, wɛ̀ mɔ̀ iě nǐ dlǔ po̍ kli̍hgbɛ̍ dǒ Jusu Klai-a nynɛ̌ kɛ̍n. Nɛ̀ mɔ̀-a gblɛ̍n sɔ̀ɛ̀n-a tìh-a mu̍ i̍ tǎli-ɛ. Nɛ̀ mɔ̀-a mu̍ Nyɔsoa-a Sùù jě.

Nu̍-dɛ̍ᵻ 2:41

Nyɔ̍ ùh wɔ̌ɛn-a Pitɛ-a wlu̍-ɛ, u̍h bo ùh poe-ɛ nǐ dlǔ. Nyɔ̍ ùh gbǎ-a dě u̍h-a gbɔ̀ù di̍i̍ dǒ weɛ̍ laa̍ di̍i̍-ɛ, u̍h bɛ̌ɛ nyɔ̍-a wlǔ ta̍a̍n (3,000) nu̍-ɛ.

Nu̍-dɛ̍ᵻ 23:6

Pɔɔ gbɛ̀n-a ɛ̍ ja ka nyɔ̍ duuh nu̍-a Sadiusii nyɔ̍ iě duuh nu̍-a Fɛlesii nyɔ̍-ɛ, wɛ̀ ɔ̍ wǐ dě taɔ laa̍ nynɛ̌, ɔ̍ la̍a̍, “Ǐn de̍di̍i̍ᵻ, mɔ̍ la mɔ̍ Fɛlesii nyɔ̍-a wlǔh-i jǔ. Ǐn tè ɛ̍ wlì ka mɛ̌-nyɔ̍-a mu̍-ae wlǔh-ɛ, ɛ̍ kɔn mɔ̍ u̍h nyna-ɛa bu̍hᵻ ta̍i̍ da̍a.”

Nu̍-dɛ̍ᵻ 24:15

Nyɔsoa due u̍h tè-a wlì-ɛ, ɔ̍ bo ǐn tè wlì ke. Ǐn tè ɛ̍ wlì nyɔ̍ sɔ̀nᵻ ke nyɔ̍ chɛ̀ ùh mɛ̌-aɛ, u̍h-a mu̍-e wlǔh dode̍.

Nu̍-dɛ̍ᵻ 24:21

Dɛ̍ due gbài̍ bo ǐn nu̍ dǒ u̍h jǔ, ǐn wǐ-i, wɛ̀ na̍a̍, ‘Ǐn gbaɛ ɛ̍ wlùh mɛ̌-nyɔ̍-a mu̍-e wlǔh. Ɛ̍ bo ɛ̀ nyna-ɛa ka ǐn bu̍hᵻ ta̍i̍ sèàn da̍a mɔ̀ jǔ.’ ”

Nu̍-dɛ̍ᵻ 24:25

Jɛ i̍-i slɛ̌-ɛ ke, nyɔ̍-a chɛ̀ i̍ gbɛ̍n-ɛ ke, sàwi̍h sì-ɛ ɛ̀ mu̍-a ji̍-ɛ, Pɔɔ-a sà-a la̍ i̍h-a tìh i̍-ɛ, sɔ File gbǎ faɔn. Iě ɔ̍ la̍a̍, “Mu̍ ke̍ sèàn, pò ǐn jě ti̍ dɛ-ɛ, nɛ̀ ǎn mu̍ ìn dǎ.”

Nu̍-dɛ̍ᵻ 26:8

Mɔ̀ɔ̍ Juu nyɔ̍, ka Nyɔsoa-a sà-e mɛ̌-nyɔ̍-ɛ, dɛ̍nu̍ mɔ̀-ɔ gbaɛ ɛ̍ wlùh ɛ?

Nu̍-dɛ̍ᵻ 4:2

Sɔ ɛ̍ feǎn dǒ u̍h wlì. Dɛ̍nu̍ɛ, Pitɛ bei-a po̍ nyɔ̍gbei nǎ iě u̍h-a bla̍ tìh ka Jusu wlǔh-aeɛ, nɛ̀ mɛ̌-nyɔ̍-a mu̍ la̍-e wlǔh dode̍.

Nu̍-dɛ̍ᵻ 6:6

U̍h-u bo u̍h sà kwlǎ dě gba̍tòà we̍, wɛ̀ u̍h tè u̍h sɔ̍n dlǔ iě u̍h ba̍le dǒ u̍h-a tàà.

Wloma 2:16

Weɛ̍ Nyɔsoa-a mu̍-a Jusu Klai-i jii-ɛ, dǒ ɛ̍ di̍i̍ bo ɔ̍ mu̍ nyi̍ɔ̍-a sìle dɛ̍ᵻá sàwi̍h sì-i. Kǎ pɔ̀n chɛ̀ ǎn bla̍-a dǎ.

1 Kɔwlɛntiɔn 10:2

Wɛ̀ u̍h kli̍hgbɛ̍ u̍h po̍ nǐ dlǔ dě nǐgban sɔ̀n ke dǒ jbǒ kɛ̍n, iě u̍h ke Mose nɛ due.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

2 Kɔwlɛntiɔn 5:10

Dɛ̍nu̍ɛ, à kli̍hgbɛ̍ à kɔn à iě dǒ Klai-a taɔ gbalǎ jǔ i̍ nyna. Jɔ-ɛ, ɔ̍ mu̍ dɛ̍ jě dǒ dɛ̍ chɛ̀ àe̍e̍ dɛ̍ sɔ̀n ɔ̍ nu̍-a nɔ̌ kmɔ̌-ɛ we̍.

Felepai 3:21

Ɔ̍ blě gbǐh dǒ dɛ̍ᵻ kli̍hgbɛ̍ wlu̍ i̍ kɔn-ɛ we̍. I̍h bo ɔ̍ mu̍ nu̍ wɛ̀ à ku̍ ìh-a mu̍-a mɛ̌-ɛ i̍h iě ɔ̍ chɛ̀-a ku̍ ɛ̀ kɔn tìh bɛ̌-ɛa i̍-ɛ wɔ̀.

Kalase 2:12

Ti̍ mɔ̀ po̍-a nǐ dlǔ-ɛ, ka u̍h nu̍-a Klai i̍ tè-ɛ bo u̍h nu̍ mɔ̀. Iě ka ɔ̍ nu̍-ae wlǔh-ɛɛ, wɛ̀ mɔ̀ nu̍ la̍a̍n dě-e wlǔh-ɛ ke dě mɔ̀-a wlùh gbaɛ di̍i̍, dǒ Nyɔsoa-a gbǐh ɛ̀ sà-e Klai-ɛ we̍.

2 Timote 2:18

U̍h blu̍ tìh-a taǐn wìè kɛ̍n, iě u̍h la̍ à-e wlǔh-ɛ sì i̍ wɛ̀ se̍e̍. Sɔ ɛ̍ nyni i̍ nyɔ̍ duuh-a wlùh gbaɛ jii̍.

Iblu 11:35

U̍h-a wlùh gbaɛ blě-ɛ bo ɛ̀ sà-e nynɔ̌gbaɔᵻ duuh-a nyɔ̍ ùh mɛ̌-aɛ, wɛ̀ u̍h jě u̍h de̍. Duuh la̍ u̍h se̍ sèìe tìh i̍ wɔ̌ɛn, iě u̍h mɛ̌-ɛ dě tìh jě-ɛ di̍i̍, wɛ̀ u̍h iě-e wlǔh dě kmɔ̌ chɛ̀ di̍i̍ dě nya̍.

Iblu 9:10

Dɛ̍nu̍ɛ, i̍h nɔ̀ɔ̍, i̍h tba̍ dǒ di̍-dɛ̍ ke, nǎ-dɛ̍ ke, i̍ dle-ɛ bei pùn i̍. Ìh la nu̍-dɛ̍ᵻ naɛ telě bo. I̍h nɛ-ɛ te̍e̍ wɛ̀ Nyɔsoa po̍ dɛ̍ᵻ kli̍hgbɛ̍ delee i̍.

2 Pitɛ 3:7

Jɛ Nyɔsoa-a wlu̍ due laa̍ bo ɛ̀ nu̍ ɛ̍ wɛ̀ blǔh ke ja̍u̍n ìh nɛ-a ka kmɔ̌-ɛ, iě nɛ̍ tè ka i̍h de̍e̍ i̍ wɛ̀ ɛ̍ iě se̍ Nyɔsoa dɛ-ɛ nɛ nyɔ̍-a sàwi̍h sì weɛ̍ jɛɛ, wɛ̀ u̍h iě-e gbɔ̀lɔ.