Iblu 6:1 - Ku̍o̍ Delee 1999

¹ Nɛ̀ɛ̍, mɔ̀ à sà bu̍h de̍ à iě cheǎn-dɛ̍ᵻá bloɔ̍ i̍ bloɔ̍ i̍ jih tba̍-a dǒ Klai pùn i̍-ɛ de̍ poe, à iě ku̍ dě i̍h cheǎn-a di̍i̍. Mɔ̀ à bɔ̌ dɛ̍ᵻ à cheǎn-a sàì-ɛ i̍h nɛ due cheǎn-a sǔh, i̍h bo ìh nu̍-a pɔ̀ɔ̍pìe̍ dɛ̍ᵻ kɛ̍n i̍ poe-ɛ ke, Nyɔsoa wlùh gbaɛ ke,

Iblu 6:1 Iomraidhean Croise

Matio 21:29

Wɛ̀ ɔ̍ la̍a̍, ‘Ǐn se̍-e mu̍ mu̍ o.’ Jɛ ɔ̍ chlì-a doǒ i̍-ɛ, wɛ̀ ɔ̍ fèàɛ̀ ɔ̍ wlùh i̍ dode̍, iě ɔ̍ mu̍ dě klè laa̍.

Matio 21:32

Dɛ̍nu̍ɛ, Chɔɔn ɔ̀ po̍-a nyɔ̍ nǐ dlǔ-ɛ ji̍ nɔ̌ mɔ̀ we̍ ɔ̍ iě mɔ̀ wìè slɛ̌ i̍ toe, iě mɔ̀ se̍ ɔ̍ tìh chɛ̀ po̍. Jɛ taa̍sìh sà nyɔ̍ ke kàìà nynɔ̌gbaɔᵻ nɔ̀ɔ̍, u̍h po̍ ɔ̍ wlu̍ tìh chɛ̀. Mɔ̀ jě-a dɛ̍-a chɛ̀ la u̍h nu̍-aɛ, ɛ̍ se̍ mɔ̀-a wlùh fèàɛ̀ mɔ̀ iě ɔ̍ tìh chɛ̀ po̍ ke.”

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 4:17

Sɔ dǒ ti̍ laa̍ di̍i̍ Jusu tè tìh bla̍-a gbɔ̀, ɔ̍ la̍a̍, “Mɔ̀ bǐi i̍ mɔ̀ iě gblɛ̍n sɔ̀ɛ̀n nu̍-ɛ i̍ tǎli. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 5:48

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Matio 7:25

Iě nǐ dba̍, wɛ̀ tègbè tè. Wɛ̀ poɔ dɔu ji̍ dǒ gbò laa̍ kɛ̍n, jɛ ɛ̍ se̍ blu̍. Dɛ̍nu̍ɛ, ɔ̍ poe ɛ̍ dǒ sɔɔ̌ kɛ̍n dɛbo.

Pɔ̀n Chɛ̀ Maɛ To-a La 1:1

Ɛ̀ la bo ɛ̀ nu̍ pɔ̀n chɛ̀-a gbɔ̀ tè la̍ dǒ Nyɔsoa-a Jǔ Jusu Klai we̍.

Pɔ̀n Chɛ̀ Maɛ To-a La 6:12

Wɛ̀ u̍h mu̍ iě u̍h bla̍ Nyɔsoa tìh nyɔ̍gbei iě gblɛ̍n sɔ̀ɛ̀n nu̍-ɛ i̍ tǎli.

Pɔ̀n Chɛ̀ Luu To-a La 6:48

nɛ̀ ɔ̍ wɔ̀ jɔ̍gbau ɔ̀ ji̍-a gbò po̍ la̍-ɛ. Ɔ̍ blǔ biě tɔ̀ɔ̀n dǒ sɔɔ̌ kɛ̍n, dǒ ɔ̍ poe gbò laa̍ wlù i̍. Wɛ̀ tègbè tè, iě ɛ̍ du̍ gbò laa̍ we̍, wɛ̀ gbò-a chɛ̀ se̍ i̍ tǐhlɔ. Dɛ̍nu̍ɛ, ɛ̍ poe-ɛ kèi̍nkèi̍n.

Chɔɔn 12:44

Iě Jusu wǐ, ɔ̍ la̍a̍, “Nyɔ̍ jɔ gbaɛ-a ǐn wlùh-ɛ, nɛ̀ ɛ̍ se̍ ǐn nɛ due ɔ̍ se̍ wlùh gbaɛ. Jɛ nɛ̀ nyɔ̍ ɔ̀ dbo̍-a m-ɛ bo ɔ̍ gbaɛ wlùh ke.

Chɔɔn 14:1

Jusu sèàɛ̍ ɔ̍ kòà dɛ̍ wlùh, ɔ̍ la̍a̍, “Mɔ̀-a wlùh bɔ̌ i̍ na-a. Mɔ̀ gbaɛ Nyɔsoa wlùh, nɛ̀ mɔ̀ gbaɛ ǐn wlùh ke.

Chɔɔn 5:24

“Tìh-a taǐn ǎn sèàɛ̍ mɔ̀ wlùh, pò nyɔ̍ wɔ̌n ǎn wlu̍ wɛ̀ ɔ̍ iě nyɔ̍ ɔ̀ dbo̍-a m-ɛ wlùh gbaɛ-ɛ, nɛ̀ ɔ̍ blě kmɔ̌ sie feɛ. Nɛ̀ tìh se̍ ɔ̍ gbɛ̍n mu̍ dɛ, nɛ̀ ɔ̍ chɛ̍n dǒ mɛ̌ɛ we̍ tìè iě ɔ̍ jɛɛ feɛ.

Nu̍-dɛ̍ᵻ 11:18

U̍h wɔ̌n-a wlu̍ la-a, sɔ ɛ̍ po̍ u̍h su̍e̍ wɔ̍i̍n. Iě u̍h-a po̍ Nyɔsoa tìhwe̍, u̍h la̍a̍, “Iě nɛ̀ Nyɔsoa nyǐ ùh se̍-a Juu nyɔ̍-ɛ flɔna̍ wɛ̀ ke, pò u̍h bǐi i̍-ɛ u̍h iě kmɔ̌ nɛ.”

Nu̍-dɛ̍ᵻ 17:30

Ti̍ kmɔ̌ nyɔ̍ se̍-a dɛ̍ jlǐh juo tɛin-ɛ, nɛ̀ Nyɔsoa-a tàn-ɛ dɛ̍ᵻ jlǐh kɛ̍n de. Jɛ kaka nɔ̀ɔ̍, ɔ̍ sèàɛ̍ la̍ nyɔ̍ wlùh tà kli̍hgbɛ̍ u̍h iě i̍ bǐi.

Nu̍-dɛ̍ᵻ 2:38

Wɛ̀ Pitɛ la̍a̍ dě u̍h we̍, “Mɔ̀ bǐi i̍, wɛ̀ mɔ̀ iě nǐ dlǔ po̍ kli̍hgbɛ̍ dǒ Jusu Klai-a nynɛ̌ kɛ̍n. Nɛ̀ mɔ̀-a gblɛ̍n sɔ̀ɛ̀n-a tìh-a mu̍ i̍ tǎli-ɛ. Nɛ̀ mɔ̀-a mu̍ Nyɔsoa-a Sùù jě.

Nu̍-dɛ̍ᵻ 20:21

Nɛ̀ ǎn gbɛ̍n-ɛ Juu nyɔ̍ ke ùh se̍-a Juu nyɔ̍-ɛ wɔ̍i̍n u̍h iě dě Nyɔsoa we̍ i̍ bǐi, wɛ̀ u̍h iě à Joi Jusu wlùh gbaɛ.

Nu̍-dɛ̍ᵻ 26:20

Dǒ Damaɛkɔ wlɔ̀ di̍i̍ bo ǐn sàɛ̀ tìh bla̍-a i̍, iě ǐn po̍ ɛ̍ dǒ Juluslɛn i̍. Wɛ̀ ǐn ple̍ Juu-a blǔh kli̍hgbɛ̍ we̍, ɛ̍ ke dě ùh se̍-a Juu nyɔ̍-ɛ we̍ ke. U̍h iě u̍h-a gblɛ̍n sɔ̀ɛ̀n kɛ̍n i̍ poe, wɛ̀ u̍h iě dě Nyɔsoa we̍ i̍ bǐi. Nɛ̀ u̍h nu̍ dɛ̍ᵻ i̍h iě ɛ̍ to ka u̍h bǐi-a i̍-ɛ.

Nu̍-dɛ̍ᵻ 3:19

Ɛ̍ tìh-ɛ, mɔ̀ bǐi i̍, nɛ̀ mɔ̀ fèàɛ̀ dě Nyɔsoa we̍, nɛ̀ ɔ̍ mu̍-o mɔ̀-a gblɛ̍n sɔ̀ɛ̀n i̍ slǎn.

1 Kɔwlɛntiɔn 13:10

Jɛ pò jɛ wɛ̀-a gblɛ̍ja̍i̍-ɛ ji̍-ɛ, nɛ̀ ɛ̀ se̍-a kwlǎ wɛ̀-ɛ, ɛ̍ tìh-a mu̍ i̍ sì.

1 Kɔwlɛntiɔn 2:6

Jɛ nyɔ̍ ùh ku̍-a dě Nyɔsoa dɛ di̍i̍-ɛ, u̍h bo à nyǐ flɔ̍nwlùh. Ɛ̍ se̍ kmɔ̌ la ɛ̍ flɔ̍nwlùh, iě ɛ̍ wɔ̍ se̍ kmɔ̌ la ɛ̍ wlu̍ i̍ kɔn nyɔ̍-a flɔ̍nwlùh ke, ùh kɔn naɛ-a mu̍-a gbɔ̀ fǒ-ɛ.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

2 Kɔwlɛntiɔn 7:10

Wlùh-a seɔn gbǎ-a ɛ̀ nu̍-a Nyɔsoa-a wlùh dɛ-ɛ, ɛ̍ blě nyɔ̍-a i̍ bǐi-ɛ, ɛ̍ ja pǔh-ɛ. Ɛ̍-ɛ po̍ nyɔ̍-a wlùh dě de̍i̍. Jɛ kmɔ̌ we̍ wlùh-a seɔn gbǎ-a ja mɛ̌ɛ.

Ɛfɛsɔ 2:1

Ti̍ mɔ̀-a nu̍-a gblɛ̍n sɔ̀ɛ̀n mɔ̀-a wa̍-a Nyɔsoa-a telě-ɛ, nɛ̀ mɔ̀ mɛ̌ wlɔ̀ i̍ de.

Ɛfɛsɔ 2:5

Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Ɛfɛsɔ 4:12

Ɔ̍ nu̍ ɛ̍-ɛ wɛ̀ ɔ̍ iě Nyɔsoa-a nyɔ̍ gba̍a̍ po̍ dǒ Nyɔsoa-a dbo̍ u̍h-a mu̍-a nu̍-ɛ we̍. Wɛ̀ u̍h iě ɔ̍ nyɔ̍ ùh nu̍-a ɔ̍ ku̍-ɛ dǒ ta̍i̍ po̍.

Kalase 1:28

À bla̍ ɔ̍ tìh dě nyɔ̍ kli̍hgbɛ̍ we̍. À gbòɛ̀ɛ̀ iě à po̍ u̍h nǎ dǒ flɔ̍nwlùh kli̍hgbɛ̍ we̍. Nɛ̀ ɛ̍ mu̍ kmɔ̌ nɛ u̍h iě ku̍ dě dɛ̍ɛ̍ i̍ wɔ̌n-ɛ di̍i̍ dě Klai ja̍a̍.

Kalase 3:14

Nɛ̀ dǒ ìh kli̍hgbɛ̍ la kɛ̍n-ɛ, jbɛɛ bo mɔ̀ iě-o po̍. Dɛ̍nu̍ɛ, ɛ̍ bo ɛ̀ ja kɛ̍n i̍ gbe̍ɛ̍ɛn dǒ tà, iě ɛ̍ wɛ̀ kwlǎ.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

1 Timote 6:19

Pò ɛ̍ ja laan nɛ-ɛ, nɛ̀ u̍h-a tè dɛ̍ i̍ dě nya̍ ɛ̍ iě u̍h gbɔ̀ i̍ ku̍ i̍. Nɛ̀ u̍h-a mu̍ feɛ ɛ̀ nu̍-a tìh-a taǐn-ɛ jě.

2 Timote 2:19

Jɛ Nyɔsoa-a gbo̍tu ɔ̍ po̍-a wlù-ɛ, ɛ̍ nyna i̍ gba̍i̍ngba̍i̍n. Iě wlu̍ la i̍h chlǐh-ɛ dǒ ɛ̍ kɛ̍n. I̍h la̍a̍, “Joi juo ùh nu̍-a ɔ̍ nyɔ̍-ɛ.” Nɛ̀ɛ̍, “Nyɔ̍-o-nyɔ̍ ɔ̀ po̍-a ɔ̍ chɛ̀ dǒ Joi-a nynɛ̌ kɛ̍n-ɛ, nɛ̀ ɔ̍ poe dɛ̍ sɔ̀n nu̍-ɛ kɛ̍n i̍.”

Iblu 11:6

Nyɔ̍ se̍ wlùh gbaɛ blě-ɛ nɛ̀ ɔ̍ se̍ Nyɔsoa-a wlùh i̍ tè-eɛ bɛ̌ɛ. Nyɔ̍ jɔ ji̍-a Nyɔsoa we̍-ɛ, nɛ̀ ɔ̍ kɔn ɔ̍ iě ɛ̍ tìh chɛ̀ po̍ ka Nyɔsoa nɛ-a kmɔ̌ iě nyɔ̍ ùh-a pɔ̀n-a ɔ̍ kwlǐh i̍-ɛ, ɔ̍ nyǐ-a u̍h dɛ̍-ɛ.

Iblu 12:13

Nɛ̀ mɔ̀ sà wìè ɛ̀ slɛ̌-a i̍-ɛ ɛ̍ iě puepuě nɛ, wɛ̀ pò i̍ kɔ̌-bu̍h ja ɛ̍ we̍ na-ɛ, ɛ̍-ɛ je̍e kɛ̍n gblìh, jɛ wɛ̀ ɛ̍ iě bɔ̌.

Iblu 7:11

Dǒ slaǎ sà nyɔ̍ ùh nu̍-a Liifaɛ-a nynuu̍-ɛ dɛ kɛ̍n bo Nyɔsoa poe telě dě Eslɔɛ nyɔ̍ we̍. Nɛ̀ pò slaǎ sà nyɔ̍ ùh nu̍-a Liifaɛ-a nynuu̍-ɛ, pò u̍h-a nu̍-dɛ̍ bɛ̌ɛ nyɔ̍ i̍ slɛ̌-ɛ de-ɛ, nɛ̀ slaǎ sà nyɔ̍ kaɛn dɔɔ ɔ̀ wɔ̀-a Mɛokeslɛ iě ɔ̀ se̍-a Ewlɔn wɔ̀-ɛ, ɔ̍ se̍ kɔn ɔ̍ iě ji̍ dɛ de.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

Chiin 1:4

Mɔ̀ nu̍ ɛ̍ mɔ̀-a dě klì i̍ ku̍-ɛ iě mɔ̀ wlɔ̀ nyni̍-i, wɛ̀ mɔ̀ iě nɛi̍ wɛ̀, mɔ̀ iě i̍ gbà, dɛ̍-ɛ je̍e mɔ̀ we̍ blu̍.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

1 Chɔɔn 4:12

Nyɔ̍-ɔ se̍a Nyɔsoa jě. Jɛ pò à jbɛɛ we̍-ɛ, nɛ̀ Nyɔsoa nɛ dě à ja̍a̍, iě ɔ̍ jbɛɛ wɛ̀ gblɛ̍ja̍i̍ dě à ja̍a̍.