Iblu 5:7 - Ku̍o̍ Delee 1999

⁷ Ti̍ Jusu nɛ-a nɔ̌ bloɔ̍-ɛ ɔ̍ ba̍le-e, iě ɔ̍ wǐ ɔ̍ tèle Nyɔsoa i̍ dǒ fìn-wlu̍ we̍. Dɛ̍nu̍ɛ, Nyɔsoa bo ɔ̀ bɛ̌ɛ ɔ̍ mɛ̌ɛ wɔ̍i̍n sèìe-ɛ. Nyɔsoa wɔ̌n ɔ̍ wlu̍, dɛ̍nu̍ɛ, ɔ̍ ja ɔ̍ chɛ̀ wlù iě ɔ̍ fòè ɔ̍ we̍.

Iblu 5:7 Iomraidhean Croise

Matio 27:46

Jlǔh te̍le-a i̍ wɛ̀-ɛ, wɛ̀ Jusu wǐ, ɔ̍ la̍a̍, “Ila, Ila, lama sabatani?” Ɛ̍ gbɔ̀ nu̍, “Ǎn Nyɔsoa, ǎn Nyɔsoa, dɛ̍nu̍ ìn sà ǐn jlǐhɛ̍ we̍ ɛ?”

Matio 27:50

Wɛ̀ Jusu wǐ dɛ dode̍, iě ɔ̍ dǔ feɛ chɛ̍n-ɛ.

Pɔ̀n Chɛ̀ Maɛ To-a La 15:34

Jlǔh te̍le-a i̍ wɛ̀-ɛ, wɛ̀ Jusu wǐ, ɔ̍ la̍a̍, “Ilɔɛ, Ilɔɛ, lama sabatani?” Ɛ̍ gbɔ̀ nu̍, “Ǎn Nyɔsoa, ǎn Nyɔsoa, dɛ̍nu̍ ìn sà ǐn jlǐhɛ̍ we̍ ɛ?”

Pɔ̀n Chɛ̀ Maɛ To-a La 15:37

Jɛ Jusu wǐ-a dode̍-ɛ, iě ɔ̍ chɛ̍n feɛ.

Pɔ̀n Chɛ̀ Luu To-a La 23:46

Wɛ̀ Jusu wǐ, ɔ̍ la̍a̍, “Baa, dě ìn kwa̍a̍ bo ǐn po̍ ǎn sùù.” Ɔ̍ wɔ̀-a ɛ̀ la bla̍-aɛ, iě ɔ̍ chɛ̍n feɛ.

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 11:35

Iě Jusu fìn.

Chɔɔn 11:42

Ǐn juo i̍h ka àn dounᵻá nɛ-a nɔ̌ ǐn we̍ ma̍u̍-ɛ, jɛ nyɔ̍ la ùh nyna-a da̍a i̍-ɛ, ka ìn dbo̍-a m-ɛ, u̍h iě i̍h tìh chɛ̀ po̍ dɛbo ɛ̍ kɔn ǎn bla̍ jɛ la nɔ̀ɔ̍.”

Chɔɔn 17:1

Ti̍ Jusu wɔ̀-a wlu̍ la bla̍-aɛ, wɛ̀ ɔ̍ gbɛ̀n dě ja̍i̍wlɔ̀ iě ɔ̍ la̍a̍, “Baa, ti̍ nyni̍ wɛ̀, bɛ̌-ɛ àn Jǔ-a nynɛ̌ i̍, wɛ̀ Jǔ iě àn nynɛ̌ i̍ bɛ̌-ɛ ke.

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Kelesea 4:4

Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Iblu 10:10

Jusu Klai nu̍ Nyɔsoa-a wlùh. Ɔ̍ sà-ɛ ɔ̍ chɛ̀-a ku̍ slaǎ kleǐnklein à gblɛ̍n sɔ̀ɛ̀n-a tìh, ɛ̍-ɛ bo ɛ̀ wɔ̀ à nɛi̍.

Iblu 10:5

Ɛ̍ tìh-ɛ, ti̍ Klai-a mu̍-a la̍ nɔ̌ kmɔ̌ la we̍ ji̍-ɛ, iě ɔ̍ la̍a̍ dě Nyɔsoa we̍, “Ìn se̍ slaǎ sà-a ke nyǐ-dɛ̍ᵻ pɔ̀n. Jɛ ìn po̍ ǎn ku̍ gba̍a̍ wɛ̀ ɛ̍ iě slaǎ sà-ɛ.

Iblu 11:7

Nɔa-a wlùh gbaɛ blě-ɛ bo ɛ̀ nu̍ ɛ̍ iě ɔ̍ wɔ̌n Nyɔsoa-a gbòɛ̀ wlu̍ i̍ dǒ dɛ̍ᵻ ɔ̍-ɔ se̍a jě ìh-a mu̍-a gbǎ-ɛ we̍. Wɛ̀ ɔ̍ wɔ̌n Nyɔsoa-a wlu̍ i̍ iě ɔ̍ kɔ̍ blǎgbè klaa ɛ̍ iě ɔ̍ ke ɔ̍ chɛ̌ pǔh-i. Dɛ̍ᵻ ɔ̍ nu̍-a bo ìh sà kmɔ̌ la kɛ̀n, wɛ̀ Nyɔsoa nyǐ ɔ̍ i̍ slɛ̌-ɛ ɛ̀ jii-a dě wlùh gbaɛ di̍i̍-ɛ.

Iblu 12:28

Ɛ̍ tìh-ɛ, ka à jě-a Nyɔsoa-a kmɔ̌ wlu̍ i̍ kɔn-ɛ ɛ̀ se̍a dǒ wìè-i sà-ɛ mu̍-ɛ, nɛ̀ mɔ̀ à po̍ Nyɔsoa tlɔ̌ à iě ɔ̍ jǔ dbee dǒ ɔ̍ we̍ fòè-ɛ ke ɔ̍ faɔn ple̍-ɛ we̍ ɛ̀ tè-ea ɔ̍ wlùh i̍-ɛ.

Iblu 13:20

Ǎn sà nǐ wɔ̍n kmɔ̌ i̍ gbe̍ɛ̍ɛn Nyɔsoa iě mɔ̀ dɛ̍ᵻ chɛ̀ kli̍hgbɛ̍ nyǐ, wɛ̀ mɔ̀ iě ɔ̍ wlùh nu̍. Ɔ̍ sà-e à Joi Jusu ɔ̀ nu̍-a Blawɛ̌ᵻ We̍ I̍ Gbɛ̀n Nyɔ̍-a wɔ̍n ku̍ naɛ ɔ̀ kɔn nymɔ̍ to-a ɛ̍ ka Nyɔsoa po̍-a ku̍o̍ kleǐnklein-ɛ. Ǎn sà nǐ wɔ̍n ke Nyɔsoa iě ɛ̍ nu̍ à iě ɔ̍ wlùh i̍ tè-e dě Jusu Klai ja̍a̍. Nɛ̀ dǒ Klai we̍ bo tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.

1 Chɔɔn 4:3

Jɛ nyɔ̍ ùh se̍-a Jusu-a tìh i̍ wɔ̌ɛn-ɛ, nɛ̀ u̍h se̍ dě Nyɔsoa we̍ sɔ. Klai-a Nyɛ̌-nyɔ̍ kɔn nynɛ̌ mɔ̀ wɔ̌n-a ɔ̀ mu̍-a ji̍-ɛ, nɛ̀ dě ɔ̍ we̍ bo u̍h sɔ-ɔ. Ɔ̍ chɛ̀ nɛ da̍a kmɔ̌ we̍ wɛ̀.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.