Iblu 5:5 - Ku̍o̍ Delee 1999

⁵ Kǎ ɛ̍ nu̍ nɛ-ɛ ke dǒ Klai we̍. Ɔ̍ se̍ ɔ̍ chɛ̀ ja̍i̍ dǔ ɔ̍ iě slaǎ sà nyɔ̍-a dlǔtu nu̍. Jɛ Nyɔsoa bo ɔ̀ la̍a̍ dě ɔ̍ we̍, “Mɔ̀ ǎn Jǔ, sɔ da̍a sèàn blǐ mɔ̍ ìn Baa wɛ̀.”

Iblu 5:5 Iomraidhean Croise

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 7:18

Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.

Chɔɔn 8:54

Jusu la̍a̍, “Pò ǐn ja ǎn chɛ̀-a nynɛ̌ i̍ bɛ̌-ɛ de-ɛ, nɛ̀ ɛ̍ mu̍ pɔ̀ɔ̍pìe̍ nynɛ̌ nu̍. Jɛ ǐn Baa ɔ̀ mɔ̀ la̍ ɔ̀ nu̍-a mɔ̀-a Nyɔsoa-aɛ, ɔ̍ bo ɔ̀ bɛ̌-ɛ ǎn nynɛ̌ i̍.

Nu̍-dɛ̍ᵻ 13:33

Jɛ àɔ̀ nu̍-a u̍h-a nynuu̍-ɛ, nɔ̌ à we̍ bo ɔ̍ poe wlu̍-a chɛ̀ chɛ̀-ɛ, ɛ̍ kɔn ɔ̍ sà-e Jusu. Dě Duǐh Chlǐh-dɛ̍-a wlu̍ sɔɔ̌n naɛ di̍i̍, ɛ̍ chlǐh-wlu̍ la̍a̍, ‘Mɔ̀ ǎn jǔ, sɔ da̍a sèàn blǐ-ɛ, mɔ̍ ìn baa.’

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Iblu 1:1

Nyɔsoa jii dě ɔ̍ tu̍owli po̍ nyɔ̍ dɔu ja̍a̍ tɛin iě ɔ̍ wlu dě à baaᵻ we̍ dǒ ti̍ dɔu di̍i̍.

Iblu 1:5

Dɛ̍nu̍ɛ, Nyɔsoa-a se̍a ka dǎ dě ɔ̍ ǐnchɔ̀-a nyɔ̍ we̍, “Mɔ̀ ǎn Jǔ, sɔ da̍a sèàn blǐ mɔ̍ ìn Baa wɛ̀.” Iě ɔ̍-ɔ se̍a ka nu̍ jɔ la, “Ǎn mu̍ ɔ̍ Baa nu̍, wɛ̀ ɔ̍ iě ǎn Jǔ nu̍.”

Iblu 2:17

Ɛ̍ kɔn ka ɔ̍ de̍di̍i̍ᵻ nɛ-aɛ, nɛ̀ ɔ̍ kɔn ɔ̍ iě laǎn nɛ ke tà kli̍hgbɛ̍. Ɔ̍ nu̍ ɛ̍-ɛ, wɛ̀ ɔ̍ iě u̍h-a Slaǎ Sà Nyɔ̍-a Dlǔtu nu̍ ɔ̀ kɔn-a wɔɛ iě ɔ̀ nu̍-a wlì tè nyɔ̍ dě Nyɔsoa jǔ dbee dɛ di̍i̍-ɛ. Wɛ̀ ɔ̍ nu̍ ɛ̍ iě nyɔ̍ɔ-a gblɛ̍n sɔ̀ɛ̀n-a tìh tǎli-ɛ i̍.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

Iblu 5:10

Wɛ̀ Nyɔsoa la̍a̍, “Mɔ̀ slaǎ sà nyɔ̍-a dlǔtu ka Mɛokeslɛ-ɛ.”