Iblu 5:2 - Ku̍o̍ Delee 1999

² Ka dɛ̍ᵻ dɔu-a nu̍-a ɔ̍ gbǐh-a sɔɔn ke-ɛ, nɛ̀ ɔ̍ bɛ̌ɛ gba̍n gbɛ̍n-ɛ sǔh dǒ nyɔ̍ ùh se̍-a dɛ̍ jlǐh juo ùh-a nu̍-a klǐ-dɛ̍ᵻɛ́ we̍.

Iblu 5:2 Iomraidhean Croise

Pɔ̀n Chɛ̀ Luu To-a La 22:32

Jɛ ǐn ba̍le dǒ àn tàà wɛ̀ àn wlùh gbaɛ je̍e ìn si̍h wɔ̍n po̍. Nɛ̀ pò ìn fèàɛ̀ nɔ̌ ǐn we̍ dode̍-ɛ, nɛ̀ ìn po̍ ìn de̍di̍i̍ᵻ gbǐh ku̍u̍ ke o.”

2 Kɔwlɛntiɔn 11:30

Ka ǐn kɔn iě-a wɔ̍i̍n po̍-ɛ, nɛ̀ ǎn mu̍ wɔ̍i̍n po̍ dǒ dɛ̍ᵻ ìh-a to-a ǎn gbǐh-a sɔɔn nu̍-ɛ we̍.

2 Kɔwlɛntiɔn 12:5

Ǎn mu̍ wɔ̍i̍n po̍ dǒ dɛ̍ᵻ la we̍, jɛ ǐn se̍ wɔ̍i̍n po̍ mu̍ dǒ dɛ̍ᵻ di̍i̍h we̍. Dɛ̍ᵻ ìh-a to-a ǎn gbǐh-a sɔɔn nu̍-ɛɛ, i̍h kɔn tɛ̀ ǐn sà-o.

Kelesea 4:13

Mɔ̀-a chɛ̀ juo ɛ̍-ɛ, ǎn poa-a bo ɛ̀ nɛ kmɔ̌ iě ǐn bla̍ pɔ̀n chɛ̀ dě mɔ̀ we̍ sàǐtòò.

Ɛfɛsɔ 4:18

U̍h-a wlùh gbe kɛ̍n i̍ dǒ dɛ̍ɛ̍ i̍ wɔ̌n la̍-a, sɔ u̍h nɛ-ɛ fɔ̌ i̍ dǒ kmɔ̌ Nyɔsoa nyǐ-a àɔ̀-ɛ we̍. Dɛ̍nu̍ɛ, u̍h-a se̍ dɛ̍ jlǐh juo ke u̍h-a dlǔ ku̍-ɛ bo ɛ̀ nu̍ ɛ̍.

1 Timote 1:13

Kǎ ɛ̍ nɛ gbɛɛ, tɛin laa̍ nɛ̀ ǐn nyni ɔ̍ wlu̍ wɔ̍i̍n, iě ǎn chlèe ɔ̍, wɛ̀ ǎn jě-e ɔ̍ nyɔ̍ klě. Wɛ̀ Nyɔsoa jě ǐn wɔɛ, dɛ̍nu̍ɛ, ǎn se̍ wlùh gbaɛ blě bo ɛ̀ nu̍ ɛ̍ wɛ̀ ǐn se̍ dɛ̍ sɔ̀n ǎn nu̍-aɛ juo.

Iblu 12:13

Nɛ̀ mɔ̀ sà wìè ɛ̀ slɛ̌-a i̍-ɛ ɛ̍ iě puepuě nɛ, wɛ̀ pò i̍ kɔ̌-bu̍h ja ɛ̍ we̍ na-ɛ, ɛ̍-ɛ je̍e kɛ̍n gblìh, jɛ wɛ̀ ɛ̍ iě bɔ̌.

Iblu 2:17

Ɛ̍ kɔn ka ɔ̍ de̍di̍i̍ᵻ nɛ-aɛ, nɛ̀ ɔ̍ kɔn ɔ̍ iě laǎn nɛ ke tà kli̍hgbɛ̍. Ɔ̍ nu̍ ɛ̍-ɛ, wɛ̀ ɔ̍ iě u̍h-a Slaǎ Sà Nyɔ̍-a Dlǔtu nu̍ ɔ̀ kɔn-a wɔɛ iě ɔ̀ nu̍-a wlì tè nyɔ̍ dě Nyɔsoa jǔ dbee dɛ di̍i̍-ɛ. Wɛ̀ ɔ̍ nu̍ ɛ̍ iě nyɔ̍ɔ-a gblɛ̍n sɔ̀ɛ̀n-a tìh tǎli-ɛ i̍.

Iblu 2:18

Nyɔ̍ ùh Kǔ-a pɔ̀n-a blu̍ja̍a̍ po̍-ɛ i̍-ɛ, ɔ̍ bɛ̌ɛ u̍h we̍ gbǎ-a. Dɛ̍nu̍ɛ, ɔ̍ chɛ̀ sàɛ̀ jua̍i̍ iě Kǔ-a pɔ̀n ɔ̍ blu̍ja̍a̍ po̍-ɛ i̍ ke de.

Iblu 4:15

Slaǎ Sà Nyɔ̍-a Dlǔtu à blě-aɛ, pò à gbǐh ja sɔɔn nu̍-ɛ, nɛ̀ ɛ̍ chlɛ̌n-ɛ ɔ̍ wlùh. Dɛ̍nu̍ɛ, ka Kǔ-a nu̍-a à blu̍ja̍a̍ po̍-ɛɛ, kǎ ɛ̍ nu̍ ɔ̍ blu̍ja̍a̍ po̍-ɛ i̍ pɔ̀n-ɛ ke de tà kli̍hgbɛ̍. Jɛ ɔ̍ se̍ gblɛ̍n sɔ̀ɛ̀n dɛ̍wɛ-a chɛ̀ nu̍.

Iblu 7:28

Telě-a tba̍ wlɔ̀ nyɔ̍ ùh kɔn gbǐh-a nu̍-a sɔɔn-ɛ chèɛ̀ u̍h iě slaǎ sà nyɔ̍-a dlǔtuᵻ nu̍. Jɛ Nyɔsoa-a slɛ̀ɛ̀n wlu̍ ji̍-a telě kɛ̍n i̍-ɛ, ɛ̍ tba̍ Jǔ ɔ̀ bɛ̌ɛ-a Nyɔsoa-a wlùh nu̍-ɛ nɔ̌ kmɔ̌-a kmɔ̌-ɛ chèɛ̀, ɔ̍ iě Slaǎ Sà Nyɔ̍-a Dlǔtu nu̍.

Iblu 9:7

Jɛ dě jliɛ̍ de̍e̍ ka laa̍, slaǎ sà nyɔ̍-a dlǔtu nɛ due bo ɔ̀ pa̍-e. Ɔ̍ nu̍ deě pa̍-a due dǒ sɔ̀n di̍i̍. Jɛ ɔ̍-ɔ ja-e mu̍ wɛ̀ ɔ̍-ɔ se̍ nmi̍ɛ̍-a nymɔ̍ gba̍. Nymɔ̍ laa̍ bo ɔ̍ to dǒ ɔ̍ chɛ̀ ke Eslɔɛ nyɔ̍-a gblɛ̍n sɔ̀ɛ̀n u̍h nu̍-a ìh kɔn dɛ u̍h se̍-a i̍ juo-ɛ we̍.

Chiin 5:19

Ǐn de̍di̍i̍ᵻ, pò mɔ̀-a nyɔ̍ due sɔ dǒ tìh-a taǐn wìè kɛ̍n wɛ̀ ɔ̍ ba̍ iě ɔ̍ wìè-e po̍ dode̍-ɛ,

1 Pitɛ 2:25

Mɔ̀ wɔ̀ blawɛ̌ᵻ ìh gbǎ-ɛa tàmlain-ɛ, jɛ kaka la̍ mɔ̀ ja-ɛ de̍ wɛ̀ dǒ ɔ̀ tù-a mɔ̀-a tìh jlǐhɛ̍-ɛ we̍.