Iblu 4:3 - Ku̍o̍ Delee 1999

³ Àɔ̀ juh blě-a wlùh gbaɛ-ɛ, à mu̍ dě fɔla laa̍ i̍ sǐ. Dɛ̍ Nyɔsoa bla̍-aɛ, ɛ̍-ɛ la. Ɔ̍ la̍a̍, “Ǐn gbǎ jlu̍h-u wɛ̀ ǐn slɛ̀ɛ̀n, na̍a̍, ‘U̍h se̍ gba̍ dě fɔla ǐn nyǐ-a u̍h-ɛ i̍ sǐ.’ ” Ɔ̍ bla̍ ɛ̀ la nɔ̀ɔ̍ gbɛɛ, jɛ nɛ̀ ɔ̍ wɔ̀ dɛ̍ᵻ kli̍hgbɛ̍ gba̍a̍ po̍-ɛ wɛ̀ sɔ dǒ ti̍ ɔ̍ nu̍-a kmɔ̌ la-a we̍.

Iblu 4:3 Iomraidhean Croise

Matio 13:35

Ɔ̍ nu̍ ìh la wɛ̀ Nyɔsoa-a tu̍owli po̍ nyɔ̍-a wlu̍ iě tìh-a taǐn nu̍. Wlu̍-a chɛ̀ la̍a̍, “Ǐn ja dě u̍h we̍ wlu-ɛ, nɛnǎᵻ bo ǎn mu̍ po̍. Dɛ̍ᵻ ìh nyɔ̍ se̍-a juo sɔ dě kmɔ̌-a gbɔ̀ tè la̍-ɛ, i̍h bo ǎn mu̍-u sà dě u̍h we̍.”

Matio 25:34

Nɛ̀ Blǔh Baa-a mu̍ ka dǎ dě nyɔ̍ ùh nɛ-a dě ɔ̍ di̍na̍ we̍ ka-a we̍, ‘Mɔ̀ɔ̍ ǐn Baa nyǐ-a pɔ̀ìě-ɛ, mɔ̀ ji̍ kmɔ̌ Nyɔsoa kɔn-a wlu̍ i̍-ɛ, ɔ̍ mu̍ ɛ̍ mɔ̀ nyǐ. Ɔ̍ po̍ ɛ̍ gba̍a̍ dǒ mɔ̀ we̍ se̍e̍ wɛ̀ kmɔ̌ la ɛ̍ dǔ nui-ɛ.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Iblu 3:11

Ǐn gbǎ jlu̍h-u wɛ̀ ǐn slɛ̀ɛ̀n, na̍a̍, “U̍h se̍ gba̍ dě fɔla ǐn nyǐ-a u̍h-ɛ i̍ sǐ.” ’ ”

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 9:26

Pò ɛ̍ nɛ laan de-ɛ, nɛ̀ sɔ dǒ ti̍ kmɔ̌ iě-a nui-ɛ we̍ bo ɔ̍ kɔn ɔ̍ iě jua̍i̍ sàɛ̀-ɛ kɛ̍n i̍ gba̍-a sà de. Jɛ ɔ̍ ji̍ wɛ̀ kleǐnklein dǒ ti̍ la ɛ̍ dlǔ i̍ chlà la̍. Wɛ̀ ɔ̍ sà-ɛ ɔ̍ chɛ̀ slaǎ-a ɛ̍ iě gblɛ̍n sɔ̀ɛ̀n dǒ wìè-i sà.

1 Pitɛ 1:20

Nyɔsoa tba̍ ɔ̍ chèɛ̀ sasǎ iě ɔ̍ dǔ kmɔ̌ la nu̍-ɛ, iě Klai tù mɔ̀-a tìh iě ɔ̍ ji̍ dǒ bɔ̌ɛ-o wǐh la di̍i̍.