Iblu 4:2 - Ku̍o̍ Delee 1999

² Ka à nu̍-a Nyɔsoa-a pɔ̀n chɛ̀ wɔ̌n-ɛɛ, kǎ à baaᵻ nu̍ ɛ̍ wɔ̌n-ɛ ke de. Jɛ ɛ̍ se̍ dɛ̍ chɛ̀ nu̍ dǒ u̍h we̍, dɛ̍nu̍ɛ, u̍h wɔ̌n-a tu̍owli la-ɛ, iě u̍h se̍ ɛ̍ wlùh gbaɛ i̍ gbɛ̍n-ɛ.

Iblu 4:2 Iomraidhean Croise

Nu̍-dɛ̍ᵻ 13:46

Wɛ̀ Pɔɔ ke Banaba wlu gbài̍gbài̍, u̍h la̍a̍, “Dě mɔ̀ we̍ bo à kɔn à iě Nyɔsoa-a wlu̍ la bla̍-ɛ sàǐtòò. Jɛ ka mɔ̀ tba̍-a ɛ̍ chla-ɛ, iě mɔ̀-a chɛ̀ nɔ̀ɔ̍, mɔ̀ se̍-a kmɔ̌ sie feɛ jě ka̍ nɛ-ɛ, nɛ̀ à mu̍ à dɛ̍ dě ùh se̍-a Juu nyɔ̍-ɛ we̍ o.

Nu̍-dɛ̍ᵻ 3:26

Ɛ̍ kɔn Nyɔsoa dǔ-a ɔ̍ pòi̍ju ja̍i̍-ɛ, iě ɔ̍ dbo̍ ɔ̍ nɔ̌ mɔ̀ we̍ sàǐtòò ɛ̍ iě mɔ̀-a pɔ̀ìě nu̍, ɔ̍ iě mɔ̀ fèàɛ̀, mɔ̀ iě kà kɔn gblɛ̍n i̍ tǎli.”

Wloma 2:25

Pò ìn ja telě dɛ̍ɛ̍ jě-ɛ, nɛ̀ àn plɔ̀n gbǎ-a gbǎ dɛ̍kɛ̍n. Jɛ pò ìn wa̍ telě-ɛ, nɛ̀ ìn wɔ̀ nyɔ̍ ùh se̍-a plɔ̀n gbǎ-ɛ.

Wloma 3:3

Nɛ̀ pò u̍h-a nyɔ̍ duuh ja u̍h-a wlu̍ kɛ̍n gblìh-ɛ, nɛ̀ dɛ̍ ɛ̍ mu̍ nu̍ ɛ? Ɛ̍ bo ɛ̀ mu̍ ɛ̍ nu̍ wɛ̀ Nyɔsoa iě ɔ̍ naɛ wlu̍ kɛ̍n gblìh ke ae?

1 Kɔwlɛntiɔn 13:3

Pò ǎn jɛ nmɔ-ɛ ǎn kɔn-dɛ̍ᵻ kli̍hgbɛ̍ wlùh, wɛ̀ iě ǎn ku̍ kwlǎ sà ɛ̍ iě fɔ̍n-ɛ, jɛ pò ǐn se̍ nyɔ̍ɔ jbɛɛ-ɛ, nɛ̀ ɛ̍ se̍-o ǐn dɛ̍ po̍ mu̍.

Kelesea 3:2

Bɔ̌ ǐn tèle mɔ̀ dɛ̍ due i̍. Telě dɛ̍ɛ̍ jě tìh bo ɛ̀ jě-e mɔ̀ Nyɔsoa-a Sùù ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Kelesea 3:8

Nyɔsoa-a wlu̍ sà ɛ̍-ɛ se̍e̍ ka ɔ̍ mu̍-a ùh se̍-a Juu nyɔ̍-ɛ i̍ slɛ̌-nyɔ̍ dǎɛ dě u̍h-a wlùh gbaɛ-ɛ di̍i̍-ɛ. Ti̍ sie nya̍ wɛ̀ pɔ̀n chɛ̀-a tìh bla̍-ɛɛ dě Eblaɛɛn we̍. Ɛ̍ la̍a̍, “Dě ìn ja̍a̍ bo bloa̍ kli̍hgbɛ̍-a mu̍ pɔ̀ìě jě-e.”

Kelesea 4:13

Mɔ̀-a chɛ̀ juo ɛ̍-ɛ, ǎn poa-a bo ɛ̀ nɛ kmɔ̌ iě ǐn bla̍ pɔ̀n chɛ̀ dě mɔ̀ we̍ sàǐtòò.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

1 Timote 4:8

Nyi̍ɔ̍tu-a kmu-ɛ cheǎn-a blě dɛ̍kɛ̍n gbǎ naɛ. Jɛ Nyɔsoa dɛ cheǎn-a nɔ̀ɔ̍, ɛ̍ gbǎ dɛ̍kɛ̍n tà kli̍hgbɛ̍. Dɛ̍nu̍ɛ, ɛ̍ po̍ wlu̍ tɔ̀ma̍a̍ dǒ feɛ à blě-a kaka-ɛ ke jɛ mu̍-a ji̍ dě nya̍-a we̍.

Iblu 11:6

Nyɔ̍ se̍ wlùh gbaɛ blě-ɛ nɛ̀ ɔ̍ se̍ Nyɔsoa-a wlùh i̍ tè-eɛ bɛ̌ɛ. Nyɔ̍ jɔ ji̍-a Nyɔsoa we̍-ɛ, nɛ̀ ɔ̍ kɔn ɔ̍ iě ɛ̍ tìh chɛ̀ po̍ ka Nyɔsoa nɛ-a kmɔ̌ iě nyɔ̍ ùh-a pɔ̀n-a ɔ̍ kwlǐh i̍-ɛ, ɔ̍ nyǐ-a u̍h dɛ̍-ɛ.

Iblu 3:12

Nɛ̀ɛ̍, ǐn de̍di̍i̍ᵻ, mɔ̀ nu̍ nɛnɛ̌ mɔ̀-a nyɔ̍ je̍e wlùh sɔ̀n blě wɛ̀ ɔ̍-ɔ se̍-e wlùh gbaɛ blě, ɔ̍-ɔ je̍e dǒ kmɔ̌ nɛ Nyɔsoa-a wìè kɛ̍n sɔ.

Iblu 4:6

À baaᵻ wɔ̌n pɔ̀n chɛ̀ laa̍ de, jɛ u̍h-a se̍ Nyɔsoa-a wlu̍ nu̍ bo ɛ̀ nu̍ ɛ̍ iě u̍h se̍ dě fɔla laa̍ i̍ sǐ. Jɛ nyɔ̍ duuh nɛ-o u̍h-a mu̍ deě i̍ sǐ.

Chiin 1:21

Ɛ̍ tìh-ɛ, mɔ̀ sà sììjii̍ nu̍-ɛ sɔ̍n di̍i̍, ɛ̍ ke kà kɔn-ɛ ke. Nɛ̀ mɔ̀ ji̍ ja̍ mɔ̀ iě wlu̍ Nyɔsoa tù-a dǒ mɔ̀ wlùh kɛ̍n-ɛ i̍ gbɛ̍n. Ɛ̍-ɛ bo ɛ̀ bɛ̌ɛ mɔ̀ pǔh-iɛ.

1 Pitɛ 1:12

Nyɔsoa flɔn-ɛ ɛ̍ we̍i̍ dě ɔ̍ tu̍owli po̍ nyɔ̍ laa̍ we̍, ka dbo̍ u̍h-a nu̍-aɛ, ɛ̍ se̍-a dǒ u̍h-a chɛ̀ we̍ kɔn-ɛ, jɛ ɛ̍ kɔn-a dǒ mɔ̀ we̍-ɛ. Ti̍ u̍h bla̍-a ìh la wɛ̀ mɔ̀ iě-a ka i̍h wɔ̌n dě pɔ̀n chɛ̀ we̍i̍ bla̍ nyɔ̍ wɔ̍ɔ̍n-ɛ, Nyɔsoa-a Sùù sɔ-a dě ja̍i̍wlɔ̀-ɛ bo ɛ̀ gbǎ u̍h we̍ iě u̍h bla̍ i̍h. Ìh la bo Nyɔsoa-a ǐnchɔ̀-a chɛ̀-a pɔ̀n we̍ i̍ ju̍o̍e-ɛ i̍ ke.