Iblu 4:12 - Ku̍o̍ Delee 1999

¹² Nyɔsoa-a wlu̍ tè kmɔ̌ i̍, iě ɛ̍ nu̍ dɛ̍ᵻ i̍. Ɛ̍ nmǎ-ɛ ɛ̍ sìì plàn chlɛ̀n. Ɛ̍ juo nyɔ̍-a wlùh kli̍hgbɛ̍ we̍ i̍ ka plàn chlɛ̀n tba̍ dě nyɔ̍ di̍i̍-ɛ. Ɛ̍ bo ɛ̀ chlɛ̌ nyi̍ɔ̍-a wlùh-a pɔ̀n-dɛ̍ᵻ ke wlùh i̍ naɛ dɛ̍ᵻ we̍ i̍.

Iblu 4:12 Iomraidhean Croise

Pɔ̀n Chɛ̀ Luu To-a La 8:11

“Nɛnǎ-a chɛ̀ ɛ̍ gbɔ̀ la. Dɛ̍ᵻ jɔ̌ bo ìh nu̍ Nyɔsoa-a wlu̍.

Chɔɔn 12:48

Jɛ nyɔ̍ jɔ ɔ̀ tba̍-a ǐn chla sǔh wɛ̀ ɔ̀ se̍-a ǎn wlu̍ nu̍-ɛ, ɔ̍ blě dɛ̍ ɛ̀ mu̍-a ɔ̍ tìh gbɛ̍n-ɛɛ. Wlu̍ ǎn bla̍-a ka-ɛ, ɛ̍ bo ɛ̀ mu̍ ɔ̍ tìh gbɛ̍n-ɛ dǒ bɔ̌ɛ-o weɛ̍ di̍i̍.

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Nu̍-dɛ̍ᵻ 2:37

Ti̍ nyɔ̍gbei wɔ̌n-a wlu̍ la-a, sɔ ɛ̍ tǔh u̍h i̍ kaa̍. Wɛ̀ u̍h la̍a̍ dě Pitɛ ke gba̍tòà juh sie-a dǒ de̍-ɛ we̍, “De̍di̍i̍ᵻ, nɛ̀ ka à iě nu̍ ɛ?”

Nu̍-dɛ̍ᵻ 4:31

U̍h iě-a ba̍le-ɛ wɔ̀-ɛ, tà u̍h nɛ-a wɛ̀ u̍h iě-a ba̍le-ɛ, sɔ dǒ sìka i̍ sǔh. Wɛ̀ Nyɔsoa-a Sùù jǐi u̍h kli̍hgbɛ̍ i̍, iě u̍h-a bla̍ Nyɔsoa-a wlu̍ gbài̍gbài̍.

Nu̍-dɛ̍ᵻ 5:33

U̍h wɔ̌n-a wlu̍ la-ɛ, nɛ̀ u̍h sɔ̀n wɛ̀ dǒ ta̍i̍, iě u̍h-a pɔ̀n Pitɛ bei dbǎ-a i̍.

Nu̍-dɛ̍ᵻ 7:38

Mose laa̍ bo ɔ̀ nɛ dě u̍h-a gbɔ̀ù nynɛ̌ iě ɔ̍ ke à baaᵻ na dě kwlǎslò we̍, ɛ̍ ke Nyɔsoa-a ǐnchɔ̀ jɛ wlu-a ɔ̍ we̍ dǒ Saɛnaɛ Tlu̍h kɛ̍n-ɛ ke. Dǒ ɔ̍ jě-e kmɔ̌ nɛ tu̍owli ɔ̍ iě sìì nɔ̌ àɔ̀ we̍.

Wloma 1:16

Ǐn se̍ Nyɔsoa-a pɔ̀n chɛ̀-a tɛ̀n ple̍, dɛ̍nu̍ɛ, ɛ̍ bo ɛ̀ nu̍ ɔ̍ gbǐh ɛ̀ iě wlùh gbaɛ blě nyɔ̍ kli̍hgbɛ̍ sèìe. Juu nyɔ̍ bo ɛ̍ mu̍ pùn nɛ sàǐtòò, wɛ̀ ɛ̍ iě juh se̍-a Juu nyɔ̍-ɛ jɛɛ-ɛ dǔ ke.

1 Kɔwlɛntiɔn 1:24

Jɛ Juu nyɔ̍ ke juh se̍-a Juu Nyɔsoa-a dǎ-aɛ, nɛ̀ Klai bo ɔ̀ nu̍ Nyɔsoa-a gbǐh ke ɔ̍ flɔ̍nwlùh dǒ u̍h we̍.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

Ɛfɛsɔ 5:13

Jɛ dɛ̍-o-dɛ̍ ɛ̀ wlǔh-a gbɔ̀ dǒ sɔ̀npli we̍-ɛ, nɛ̀ ɛ̍ jě-eɛ chɛ̀ɛ̌chɛ̀, iě nyɔ̍-a ju̍o̍e ɛ̍ we̍ i̍.

Ɛfɛsɔ 5:26

ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

Ɛfɛsɔ 6:17

Nɛ̀ Nyɔsoa-a mɔ̀ pǔh-iɛ bo ɛ̀ iě mɔ̀-a nɛ̍ne̍ɛ̍ gblà nu̍ mɔ̀ iě tèè. Nyɔsoa-a wlu̍ ɔ̍ Sùù nyǐ-a mɔ̀-ɛ, mɔ̀ dǔ ɛ̍-ɛ, ɛ̍ iě mɔ̀-a plàn chlɛ̀n nu̍.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

Iblu 13:7

Mɔ̀-a nyɔ̍ klaaᵻ ùh po̍-a Nyɔsoa-a tu̍owli dě mɔ̀ we̍-ɛ, mɔ̀ nu̍ u̍h-a kmɔ̌ wlùh we̍. Ka u̍h nu̍-a mɛ̌-ɛɛ, mɔ̀ nu̍ ɛ̍ wlùh we̍, wɛ̀ mɔ̀ iě-e u̍h-a wlùh gbaɛ-a wɔ̀ɔ̀ i̍ sà.

Iblu 6:5

iě u̍h juo Nyɔsoa-a wɔ̍n nmɔ wlu̍. Wɛ̀ kmɔ̌ jɛ mu̍-a ji̍-ɛ, iě u̍h juo ɛ̍ gbǐh.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 1:23

Ɛ̍ se̍ baa jɔ-a mu̍-a mɛ̌-ɛ ja̍a̍ mɔ̀ se̍ wlǔh-i, jɛ dě jɔ se̍-a mɛ̌ mu̍-ɛ ja̍a̍ bo mɔ̀ wlǔh-i. Dɛ̍nu̍ɛ, Nyɔsoa-a wlu̍ ɛ̀ nɛ-a kmɔ̌, ɛ̀ se̍-a i̍ wɛ̀ la̍ kɔn-ɛ, dě ɛ̍ di̍i̍ bo mɔ̀ wlǔh-i wɛ̀ dode̍.

Wlɛfeleseɔn 1:16

Nɛ̀ ɔ̍ blě chǔhtlɛ̀n mɛ̀sɔɔ̌n dě ɔ̍ di̍na̍ kwa̍a̍. Wɛ̀ nmǎ-a plàn chlɛ̀n sɔ dě ɔ̍ wɔ̍ɔ̍n, iě ɔ̍ jua̍a̍-a fa̍n ka sìi̍ jlǔh-ɛ.

Wlɛfeleseɔn 19:15

Nmǎ-a plàn chlɛ̀n sɔ-a dě ɔ̍ wɔ̍ɔ̍n-ɛ, ɛ̍ bo ɔ̍ mu̍ bloa̍ klà sà-ɛ. Wɛ̀ ɔ̍ iě u̍h wlu̍ i̍ kɔn dǒ nɛ̍ne̍ɛ̍ bliku we̍. Wɛ̀ ɔ̍ iě tlo-dɛ̍ᵻ kɛ̍n i̍ na dě i̍h-a plǐn-biě ɛ̀ jǐ-a Nyɔsoa Ɔ̀ Blě-a Gbǐh Kli̍hgbɛ̍-ɛ ɔ̍ jlu̍h di̍i̍-ɛ.

Wlɛfeleseɔn 19:21

Wɛ̀ plàn chlɛ̀n ɛ̀ sɔ-a dě ɔ̀ tè-a i̍ dǒ soo̍bli kɛ̍n-ɛ wɔ̍ɔ̍n-ɛ, ɛ̍ dbǎ fledlǔ juh sie-a doǒ-ɛ. Wɛ̀ na̍wɛ̍ᵻ kli̍hgbɛ̍ sì-i i̍h-a chɛ̀ kwlǐ gbɔ̀i̍ dǒ u̍h-a plǎᵻ we̍.

Wlɛfeleseɔn 2:16

Mɔ̀ bǐi i̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe duedɛ. Jɛ pò ɛ̍ se̍ la̍a̍n nɛ-ɛ, nɛ̀ ǎn mu̍ dě mɔ̀ we̍ ji̍ suei̍ wɛ̀ iě nyɔ̍ laa̍ we̍ fɔ̀n dǒ plàn chlɛ̀n sɔ-a dě ǐn wɔ̍ɔ̍n-ɛ we̍.

Wlɛfeleseɔn 2:23

Nɛ̀ ǎn mu̍ ɔ̍ nynuu̍ dbǎ, wɛ̀ chɔchi̍h nyɔ̍ kli̍hgbɛ̍ iě ɛ̍ juo ka mɔ̍ bo ɔ̀ juo-a dɛ̍ nɛ-a dě nyɔ̍ wlùh di̍i̍-ɛ. Nɛ̀ jɔ-ɛ ka ɔ̍ nu̍-dɛ̍ᵻ nɛ-a, kǎ ǎn mu̍ ɔ̍ pɛ̌ɛ-ɛ nu̍.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.