Iblu 4:11 - Ku̍o̍ Delee 1999

¹¹ Ɛ̍ tìh-ɛ, mɔ̀ à po̍-e gbǐh à iě dě fɔla laa̍ i̍ sǐ, wɛ̀ à-a je̍e se̍ Nyɔsoa-a wlu̍ nu̍ nyɔ̍-a dɛ̍ nu̍, à-a je̍e dǒ Nyɔsoa-a wìè kɛ̍n sɔ.

Iblu 4:11 Iomraidhean Croise

Matio 11:12

Sɔ dě Chɔɔn-a ti̍ we̍ wɛ̀ ɛ̍ iě-a ti̍ la jɛɛ-ɛ, dǒ Nyɔsoa-a kmɔ̌ wlu̍ i̍ kɔn-ɛ sà tìh jě-ɛ. Iě dɛ̍ᵻá kloǒ nu̍ nyɔ̍-a pɔ̀n ɛ̍ klànklàn gbɛ̍n-ɛ i̍.

Matio 7:13

Jusu la̍a̍, “Gbàɛ̍gbà wɔ̍n ɛ̀ nɛ-a sɔɔ̌sɔ-ɛ, ɛ̍ bo mɔ̀ iě dě di̍i̍ jii. Dɛ̍nu̍ɛ, gbàɛ̍gbà wɔ̍n jɛ bɛ̌-a we̍ i̍-ɛ, ɛ̍ wìè se̍ gba̍-a kma. Ɛ̍ tìh-ɛ, nyɔ̍ dɔu-a gba̍ wìè-a chɛ̀. Jɛ ɛ̍ gba̍ nyɔ̍ dě kàn nɛ̍ di̍i̍.

Pɔ̀n Chɛ̀ Luu To-a La 13:24

“Mɔ̀ fɔ̀n dɛ̍ we̍ mɔ̀ iě dě gbò wɔ̍n sɔɔ̌sɔ we̍ jii. Ǎn sèàɛ̍ mɔ̀ wlùh, nyɔ̍ dɔu-a mu̍ ɛ̍ we̍ jii-ɛ i̍ pɔ̀n, jɛ u̍h se̍ ɛ̍ bɛ̌ɛ mu̍.

Pɔ̀n Chɛ̀ Luu To-a La 16:16

“Mose-a telě ke Nyɔsoa-a tu̍owli po̍ nyɔ̍-a chlǐh-dɛ̍ᵻ nɛ-ɛ se̍e̍, wɛ̀ Chɔɔn ɔ̀ po̍-a nyɔ̍ nǐ dlǔ-ɛ dǔ wlǔh-ɛ. Sɔ dǒ ti̍ laa̍ di̍i̍-ɛ, pɔ̀n chɛ̀ ɛ̀ kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ, ɛ̍ dǔ-a bla̍-ɛɛ bo ɛ̍ blě-a. Wɛ̀ nyɔ̍ kli̍hgbɛ̍-a fɔ̀n dɛ̍ we̍ u̍h iě dě ɛ̍ di̍i̍ gbǎ.

Chɔɔn 6:27

Di̍-dɛ̍ᵻ jih-a mu̍-a sɔ̀n-ɛ, mɔ̀ bɔ̌ i̍h-a dbo̍ nu̍-ɛ. Jɛ di̍-dɛ̍ jɛ mu̍-a mɔ̀ i̍ kui wɛ̀ mɔ̀ iě-a kmɔ̌ sie feɛ blě-ɛ, ɛ̍ kɔn dbo̍ bo mɔ̀ iě nu̍. Di̍-dɛ̍ ǎn dǎ-aɛ, ɛ̍ bo ɔ̀ nu̍-a Nyi̍ɔ̍-a Jǔ-ɛ ɔ̍ mu̍-a mɔ̀ nyǐ. Dɛ̍nu̍ɛ, ɔ̍ bo Baa Nyɔsoa wɔ̌ɛn we̍.”

Nu̍-dɛ̍ᵻ 26:19

“Nɛ̀ɛ̍, Blǔh Baa Aklepa, se̍ mɔ̌ ja̍wli sɔ-a dě ja̍i̍wlɔ̀ ǐn ja-aɛ, ǐn se̍ ɛ̍ wɔ̍n blaɛ.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 5:6

Bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ si̍h tmɔ̌-ɛ we̍. Dɛ̍ᵻ sɔ̀nᵻ la bo ìh-a mu̍ ɛ̍ nu̍ wɛ̀ Nyɔsoa iě nyɔ̍ ùh se̍-a ɔ̍ wlu̍ nu̍-ɛ jlu̍h-u gbǎ-ɛ.

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

Kalase 3:6

Ìh la bo ìh-a ja Nyɔsoa-a jlu̍h dǒ nyɔ̍ ùh-u jě-a ɔ̍ dɛ̍ɛ̍-ɛ we̍.

Taitɔ 1:16

U̍h la̍ u̍h juo Nyɔsoa, jɛ u̍h-a nu̍-dɛ̍ᵻ to ɛ̍-ɛ ka u̍h se̍-a ɔ̍ juo-ɛ. U̍h nu̍ nyɔ̍ sɔ̀nᵻ nyɔ̍. U̍h-u nu̍ Nyɔsoa-a wlu̍ iě u̍h se̍ dɛ̍ chɛ̀ nu̍-ɛ bɛ̌ɛ.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

Iblu 3:12

Nɛ̀ɛ̍, ǐn de̍di̍i̍ᵻ, mɔ̀ nu̍ nɛnɛ̌ mɔ̀-a nyɔ̍ je̍e wlùh sɔ̀n blě wɛ̀ ɔ̍-ɔ se̍-e wlùh gbaɛ blě, ɔ̍-ɔ je̍e dǒ kmɔ̌ nɛ Nyɔsoa-a wìè kɛ̍n sɔ.

Iblu 3:18

Nyɔ̍ kɔn tìh bo Nyɔsoa slɛ̀ɛ̀n wɛ̀ ɔ̍ la̍ u̍h se̍ gba̍ dě fɔla ɔ̍ nyǐ-a u̍h-ɛ i̍ sǐ mu̍ ɛ? Ùh se̍-a ɔ̍ wlu̍ nu̍-ɛ bo.

Iblu 4:6

À baaᵻ wɔ̌n pɔ̀n chɛ̀ laa̍ de, jɛ u̍h-a se̍ Nyɔsoa-a wlu̍ nu̍ bo ɛ̀ nu̍ ɛ̍ iě u̍h se̍ dě fɔla laa̍ i̍ sǐ. Jɛ nyɔ̍ duuh nɛ-o u̍h-a mu̍ deě i̍ sǐ.

Iblu 6:11

Ɛ̍ tìh-ɛ, à pɔ̀n mɔ̀-a jɔ-ɛ, ɔ̍ iě ɛ̀ la gbǐh i̍ gbɛ̍n-ɛ te̍e̍ wɛ̀ ti̍ iě dlǔ i̍ chlà. Dɛ̍ mɔ̀ tba̍-a wlùh i̍-ɛ, nɛ̀ mɔ̀-a mu̍ ɛ̍ juo te̍kle̍e̍ ka mɔ̀-a mu̍-a ɛ̍ jě-ɛ.

2 Pitɛ 2:6

Nyɔsoa sà Sɔdɔm ke Kɔmowla wlɔ̀ᵻ kɛ̀n, iě ɔ̍ gbɔ̀lɔ i̍h dǒ nɛ̍ we̍. I̍h bo ìh nu̍ juola dǒ nyɔ̍ ùh se̍-a Nyɔsoa dɛ-ɛ nɛ-ɛ we̍.