Iblu 4:1 - Ku̍o̍ Delee 1999

¹ Kaka la̍, Nyɔsoa po̍ wlu̍ tɔ̀ma̍a̍ à iě dě fɔla ɔ̍ mu̍-a à nyǐ-ɛ nyni̍. Ɛ̍ tìh-ɛ, mɔ̀ à nu̍ nɛnɛ̌ wɛ̀ mɔ̀-a nyɔ̍-ɔ se̍-e i̍ sǐ.

Iblu 4:1 Iomraidhean Croise

Matio 24:48

Jɛ pò gblɛ̍n-ɛ jii̍ nyni pòi̍ju laa̍ ɔ̍ dǎ ka dě ɔ̍ chɛ̀ we̍, ‘Ǎn dlǔtu la ɔ̍ wlè-o ji̍ la̍-a.’

Nu̍-dɛ̍ᵻ 3:19

Ɛ̍ tìh-ɛ, mɔ̀ bǐi i̍, nɛ̀ mɔ̀ fèàɛ̀ dě Nyɔsoa we̍, nɛ̀ ɔ̍ mu̍-o mɔ̀-a gblɛ̍n sɔ̀ɛ̀n i̍ slǎn.

Wloma 11:20

Tìh-a taǐn bo, kǎ ɛ̍ nɛ. Juu nyɔ̍ ùh nu̍-a ɔle-tu̍ chɛ̀-a bu̍hᵻɛ́, u̍h se̍ wlùh gbaɛ blě ɛ̍ kɔn u̍h chɛn-o, wɛ̀ mɔ̀-a wlùh gbaɛ jě-e mɔ̀ nyna la̍. Nɛ̀ mɔ̀ bɔ̌ mɔ̀-a chɛ̀ i̍ bɛ̌-ɛ, jɛ nɛ̀ mɔ̀ gbǎ faɔn.

Wloma 3:23

Dɛ̍nu̍ɛ, nyɔ̍ kli̍hgbɛ̍ nu̍ gblɛ̍n sɔ̀ɛ̀n, iě u̍h ti̍ɛ̍ɛn Nyɔsoa-a tìh-a i̍ bɛ̌-ɛ we̍ i̍.

1 Kɔwlɛntiɔn 10:12

Pò nyɔ̍-o-nyɔ̍ jě nyna la̍ wɛ̀ dě ɔ̍ chɛ̀ jlǐh-ɛ, nɛ̀ ɔ̍ nu̍ nɛnɛ̌ wɛ̀ ɔ̍-ɔ je̍e i̍ kà.

2 Kɔwlɛntiɔn 6:1

Ka à nu̍-a Nyɔsoa-a pòi̍nynuu̍-ɛ, nɛ̀ à ba̍le mɔ̀ɔ̍ ùh jě-a ɔ̍ blɛ-ɛ, mɔ̀ɔ̍ je̍e ɛ̍-ɛ gbɔ̀lɔ.

Kelesea 5:4

Mɔ̀ɔ̍ ùh-a fɔ̀n-a dɛ̍ we̍ ùh iě-a i̍ slɛ̌ dǒ telě dɛ̍ɛ̍ jě-ɛ we̍-ɛ, dǒ mɔ̀ ke Klai nynɛ̌ chɛn i̍ wɛ̀. Mɔ̀ se̍ dě Nyɔsoa-a blɛ di̍i̍ nɛ dɛ.

2 Timote 2:13

Pò à se̍ wlu̍ kɛ̍n i̍ gbɛ̍n dǒ ɔ̍ we̍-ɛ, ɔ̍ nɔ̀ɔ̍, ɔ̍ se̍ wlu̍ kɛ̍n gblìh mu̍.” Dɛ̍nu̍ɛ, ɔ̍ se̍ ɔ̍ chɛ̀ tù mu̍.

Iblu 12:15

Nɛ̀ mɔ̀ jě ɛ̍ we̍ wɛ̀ mɔ̀-a nyɔ̍-ɔ je̍e dǒ Nyɔsoa-a blɛ nɛ-ɛ de̍e̍ blu̍. Mɔ̀ jě ɛ̍ we̍ ke mɔ̀-a nyɔ̍-ɔ je̍e ku̍ dě mɔ̀ nynɛ̌ ka wɔ̍n nyni tu̍-ɛ. Nɛ̀ ɔ̍ mu̍ wě wlɔ̀ ja ɛ̍ iě nyɔ̍ dɔu jii̍ nyni-i.

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

Iblu 13:7

Mɔ̀-a nyɔ̍ klaaᵻ ùh po̍-a Nyɔsoa-a tu̍owli dě mɔ̀ we̍-ɛ, mɔ̀ nu̍ u̍h-a kmɔ̌ wlùh we̍. Ka u̍h nu̍-a mɛ̌-ɛɛ, mɔ̀ nu̍ ɛ̍ wlùh we̍, wɛ̀ mɔ̀ iě-e u̍h-a wlùh gbaɛ-a wɔ̀ɔ̀ i̍ sà.

Iblu 3:11

Ǐn gbǎ jlu̍h-u wɛ̀ ǐn slɛ̀ɛ̀n, na̍a̍, “U̍h se̍ gba̍ dě fɔla ǐn nyǐ-a u̍h-ɛ i̍ sǐ.” ’ ”

Iblu 4:11

Ɛ̍ tìh-ɛ, mɔ̀ à po̍-e gbǐh à iě dě fɔla laa̍ i̍ sǐ, wɛ̀ à-a je̍e se̍ Nyɔsoa-a wlu̍ nu̍ nyɔ̍-a dɛ̍ nu̍, à-a je̍e dǒ Nyɔsoa-a wìè kɛ̍n sɔ.

Iblu 4:9

Nɛ̀ɛ̍, fɔla nɛ-ɛ ke̍ kleǐn dǒ Nyɔsoa-a nyɔ̍ we̍. Ɛ̍ ke fɔ-weɛ̍ Nyɔsoa-a fɔ-ɛa wɔ̀ɛ.