Iblu 3:7 - Ku̍o̍ Delee 1999

⁷ Nɛ̀ɛ̍, kǎ Nyɔsoa-a Sùù dǎ ka, ɛ̍ la̍a̍, “Pò mɔ̀ wɔ̌n Nyɔsoa-a wlu̍ sèàn-ɛ,

Iblu 3:7 Iomraidhean Croise

Matio 17:5

Ɔ̍ nɛ dǒ wlu la̍ sǔh wɛ̀ nǐgban ji̍ iě ɛ̍ kaɛn dǒ u̍h dlǔwèàì. Dǒ wlu̍ sɔ-ɛ dě ɛ̍ di̍i̍, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍. Mɔ̀ tù ɔ̍ wlu̍ dounᵻ.”

Matio 22:43

Wɛ̀ ɔ̍ la̍a̍ dě u̍h we̍, “Wɛ̀ dɛ̍nu̍ Sùù po̍ Depe wlu̍ wɔ̍ɔ̍n, wɛ̀ ɔ̍ dǎɛ ɔ̍ Joi ɛ? Dɛ̍nu̍ɛ, Depe la̍a̍,

Pɔ̀n Chɛ̀ Maɛ To-a La 12:36

Dɛ̍nu̍ɛ, ti̍ Nyɔsoa-a Sùù gbǎ-a Depe kɛ̍n-ɛ, iě ɔ̍ la̍a̍, ‘Joi la̍a̍ dě ǎn Joi we̍, Tè i̍ da̍a ǎn di̍na̍ we̍ te̍e̍ iě ɛ̍ nu̍ ìè àn nyɛ̌-nyɔ̍ kɛ̍n i̍ na.’

Chɔɔn 10:16

Ǎn blawɛ̌ᵻ diih ìh se̍-a nɔ̌ kòò la di̍i̍ nɛ-ɛ ǐn kɔn iě i̍h ja ke, nɛ̀ i̍h-a mu̍ ǎn wlu̍-u i̍ wɔ̌n. Wɛ̀ i̍h iě blawɛ̌ᵻ gbà due nu̍ dǒ i̍h-a we̍ i̍ gbɛ̀n nyɔ̍ due sɔ̀n.

Chɔɔn 10:27

Ǐn juo ǎn blawɛ̌ᵻ i̍, nɛ̀ i̍h-a wɔ̌n ǎn wlu̍-u i̍, iě i̍h-a wɔ̀ dǒ ǐn de̍e̍.

Chɔɔn 10:3

Nɛ̀ i̍h-a kòò jlǐhɛ̍ tù nyɔ̍-a pɔ̀ni ɔ̍ wɔ̍i̍n. Nɛ̀ pò ɔ̍ ja ɔ̍ kɔn-ɔ blawɛ̌ᵻá nynɛ̌ dǎ-ɛ, nɛ̀ i̍h-a juo ɔ̍ wlu̍ i̍, wɛ̀ ɔ̍ sǐ-i i̍h sɔ̀n.

Chɔɔn 5:25

Bɔ̌ ǐn sèàɛ̍ mɔ̀ tìh-a taǐn wlùh, ɛ̍ mu̍ ti̍ kɔn, ti̍-a chɛ̀ nyni̍ wɛ̀, wɛ̀ mɛ̌-nyɔ̍ iě Nyɔsoa-a Jǔ-a wlu̍ wɔ̌n. Nɛ̀ nyɔ̍ ùh-a mu̍-a ɔ̍ wlu̍ wɔ̌n-ɛ, u̍h-a mu̍ kmɔ̌ nɛ.

Nu̍-dɛ̍ᵻ 1:16

Ɔ̍ la̍a̍, “Mɔ̀ɔ̍ de̍di̍i̍ᵻ kli̍hgbɛ̍ wɛ̀-a de̍-ɛ, Nyɔsoa-a wlu̍ kɔn ɛ̍ iě chɛ̀-ɛ gbǎ. Nyɔsoa-a Sùù wlu-i dě Depe ja̍a̍ tɛin iě ɔ̍ po̍ gbànwli dǒ Juda pùn, ɔ̀ nyɔ̍gbei jii-a iě u̍h gbɛ̍n-a Jusu-ɛ.

Nu̍-dɛ̍ᵻ 28:25

Wlu̍ due bo Pɔɔ bla̍ iě u̍h dǔ mu̍-ɛɛ. Jɛ u̍h-a mu̍-aɛ, nɛ̀ u̍h-a wlùh se̍ due nɛ. Ɔ̍ la̍a̍, “Nyɔsoa-a Sùù blaɛ i̍ iě ɛ̍ dǎ ka dě mɔ̀ baaᵻ we̍, dě Nyɔsoa-a tu̍owli po̍ nyɔ̍ Asaia ja̍a̍. Ɛ̍ la̍a̍,

Nu̍-dɛ̍ᵻ 8:29

Wɛ̀ Nyɔsoa-a Sùù la̍a̍ dě Felɔ we̍, “Mu̍ iě kɛ̍n naɛdɛ̍ laa̍ i̍ kɔǎɛn.”

Iblu 10:15

Nyɔsoa-a Sùù-a chɛ̀ nu̍ ɛ̍ sàànsi̍i̍h ke dě àɔ̀ we̍. Sàǐtòò dɛ̍-ɛ, ɛ̍ la̍a̍,

Iblu 3:13

Jɛ ka sɔ̀n-a sɛ̀n-aɛ kǎ mɔ̀ iě wlùh we̍ fùka-ɛ ka ɛ̍ nu̍-a sèàn ke̍-ɛ, wɛ̀ gblɛ̍n sɔ̀ɛ̀n je̍e mɔ̀-a nyɔ̍ i̍ boe, iě ɔ̍-ɔ je̍e dlǔ ku̍.

Iblu 3:15

Kǎ Nyɔsoa-a wlu̍ dǎ ka, ɛ̍ la̍a̍, “Pò mɔ̀ wɔ̌n Nyɔsoa-a wlu̍ sèàn-ɛ, nɛ̀ mɔ̀ bɔ̌ mɔ̀ baaᵻá dɛ̍ nu̍-ɛ. Mɔ̀ bɔ̌ dlǔ ku̍-ɛ. U̍h tbaɛ Nyɔsoa bu̍hᵻ i̍ tɛin.”

Iblu 4:7

Nyɔsoa tba̍ ti̍ dɛɛ chèɛ̀ dode̍ ɛ̀ ɔ̍ dǎɛ-a “Sèàn-ɛ.” Sɔ̀nᵻ dɔu sì-aɛ, iě ɔ̍ la̍a̍ dě ɔ̍ tu̍owli po̍ nyɔ̍ Depe ja̍a̍, “Pò mɔ̀ wɔ̌n Nyɔsoa-a wlu̍ sèàn-ɛ, nɛ̀ mɔ̀ bɔ̌ mɔ̀ baaᵻá dɛ̍ nu̍-ɛ. Mɔ̀ bɔ̌ dlǔ ku̍-ɛ.”

Iblu 9:8

Slaǎ sà nyɔ̍-a dlǔtu nɛ due bo ɔ̀ pa̍ dě jliɛ̍ laa̍ de̍e̍. Ɛ̍ bo Nyɔsoa-a Sùù flɔn-ɛ we̍i̍ ka ti̍ wɛ̀ɛ̀ sɔ̍n wlù ɛ̀ poe-aɛ, ɛ̍ nyna-a i̍-ɛ, nɛ̀ wìè jɛ pa̍-ɛa dě Nɛi̍ Wɛ̀ Tà Klaa-ɛ, ɛ̍ se̍-a pɔ̀ni-ɛ.

2 Pitɛ 1:21

Dɛ̍nu̍ɛ, nyɔ̍-ɔ tè-o i̍ tèè wɛ̀ ɔ̍-ɔ po̍ Nyɔsoa-a tu̍owli, jɛ nyɔ̍ Nyɔsoa-a Sùù dǔ-a i̍-ɛ, ɔ̍-ɔ bo ɔ̀ po̍ Nyɔsoa-a tu̍owli.

Wlɛfeleseɔn 3:20

Kaka la̍, ǐn nyna i̍ dǒ gbaba kɛ̍ɛ̍n iě ǎn bla̍ ɛ̍. Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ iě dǒ gbò wɔ̍i̍n pɔ̀ni-ɛ, nɛ̀ ǎn mu̍ dě ɔ̍ we̍ gbò pa̍ ɔ̍ ke ǐn ke à iě sɔ̍n jǔ gbo̍a̍ɛ.